იუდეაშ დო სამარიაშ რაიონი (ურიულ. מחוז יהודה ושומרון) — ისრაელიშ 6 ადმინიატრაციულ ართულშე ართ-ართი. თე ტერიტორია ისრაელიშ ხურგიშ გალე რჩქვანელობურო ჩინებული რე მუჭოთ წყარმალუ იორდანეშ ბჟადალი წყარპიჯი.
იუდეაშ დო სამარიაშ რაიონი ისრაელიშ დუდთხილუაშ არმიაშ ცენტრალური ოურდუმე რაიონიშ დოჸუნალაშა მიშმურს დო ადმინისტრაციულ ოკითხირეეფს რაიონიშ მადუდე გჷნმოჭყვიდჷნს. ცენტრალური ოურდუმე რაიონიშ მიმალი მადუდე დო იუდეას დო სამარიას ისრაელიშ ოურდუმეეფიშ მადუდე — გენერალ-მაიორი ნიცან ალონი.
არაბეთ-ისრაელიშ ლჷმაშ (1947—1949) უკული, თე ტერიტორია 1967 წანაშახ იორდანიაშ დოჸუნალაშა მიშმეშჷ. თიშ უკული, მუთ ისრაელქ ამშვდღარ ლჷმას გიმორძგჷნ თე ტერიტორიაქ ისრაელიშ კონტროლშა გეგნორთჷ. გოეროშ უშქურანჯალაშ სხუნუშ N242 რეზოლუციაშ მეჯინათ, ისრაელქ მიდართას-ოკლ თი ტერიტორიაშე, ნამუთ კონფლიქტიშ მალობას ხეშა ეშიჸოთჷნ, თი პიჯალათ, ნამჷ-და მიოტენს ართიანიშოთ არძანერ პრეტენზიაშ მუწორინაფას, რეზოლუციაშ რსულაფათ დო ლჷმაშ დგომარაფაშ თებას. რეგიონიშ მუმალი სტატუსი, შანულამ ფაქტორი უღჷ მიმალი ისრაელ-პალესტინაშ კონფლიქტის. ასეშო თე რაიონი ისრაელიშ არძაშე მალას მაძინუ რეგიონი რე მახორობაშ მეჯინათ. იუდეაშ დო სამარიაშ რაიონიშ მახორობა ირწანას 5%-ით იძინანს.