2024年洞庭湖决口
2024年洞庭湖决口，指个是2024年7月5号下半天15点32分左右[1]来勒中华人民共和国湖南省岳阳市华容县团洲垸洞庭湖一线因连续强降水造成个堤防决堤个事体。决口来勒第二天上半天达到最长宽度，约为226米[2]。政府搭仔部队来勒第二天下半天开始封堵作业[3][4][5]，到7月8号夜到完成封堵[6][7]。
5月26号洪水前影像（左）、7月5号决堤前影像（中）、7月7号决堤后影像（右）
堤防缺口封堵以後，先进行排涝工作，要拿里向积勒个2.1亿立方米个水排清爽[8]。到7月10号夜到，团洲垸洪水抽排现场排涝设备已增加到266台，垸内水位持续下降[9]。
箇趟灾情造成交关财产损失，包括几隻村庄个垸内区域侪埋勒水里向，必过预警响应及时，受灾群众紧急转移安置，呒没造成人员伤亡[10]。