2021年缅甸政变
2021年缅甸政变[1][2]是讲勒2021年2月1号早浪向开始，当时辰光个国家顾问昂山素姬、总统温敏帮执政党个其他领导人拨缅甸国防军拘捕帮拘留。几个钟头之后，缅甸国防军宣布进入一年个紧急状态，伊拉讲权力已经移交拨国防军总司令敏昂来勒海。
2021年缅甸政变 | |||||||||||
|---|---|---|---|---|---|---|---|---|---|---|---|
| 缅甸内部冲突的一部分 | |||||||||||
 政变发生后，军队封锁Mandalay地区个政府办事处 | |||||||||||
| |||||||||||
| 參戰方 | |||||||||||
 缅甸政府 |  缅甸国防军 | ||||||||||
| 指揮官 | |||||||||||
 昂山素姬（缅甸国家顾问） 温敏 （缅甸总统） |  敏昂來 （缅甸国防军总司令） 敏瑞 （缅甸第一副总统） | ||||||||||
| 傷亡 | |||||||||||
| 暂时呒没报告 | |||||||||||
民主化背景
民主改革同引入外资
缅甸个民主化是勒2011年头开始，而缅甸个军方还是一路主导着国家政治个发展。由于国家需要外来个资源协助埃眼改革，而需要外援（尤其是美国）就必须帮昂山素姬和解，军政府就通过“缅甸出路”而帮昂山领导个全民盟进行勒合作。
埃歇辰光，任职美国总统个奥巴马是推动“重返亚洲”搿能战略，就帮缅甸政府一拍即合，开始合作勒海。而旁边个中华人民共和国，也跟着缅甸开始改革后个机会，勒缅甸投入勒弗少资金，买入蛮多木材、石油等原料，对埃眼奢侈品（像是宝石）也有老大个需求；长远个目标浪，还计划建起一条从缅甸到中国个油管，也预想帮缅甸合作搞水坝搭发电厂。中共政府帮军政府签订过有关个协议，必过当地民间就一脚有反对个声音。[3]分析人士霍西(Richard Horsey)认为，对缅甸来讲，中国大陆个大举投资是风险帮机遇个双面体，弗希望经济过度依赖对方。估计到2020年为止，中国大陆方面是缅甸最大个外债主（占有4成），金额有到40亿多美金。[4]
而来勒缅甸改善同欧美国家关系、寻求政经平衡个过程浪，让中国大陆方面拨缅甸政府批准个投资额是一落千丈哉，统计数字由2010年个83亿美金急跌到2013年个2000万美金。[5]
2016年全民盟设法废脱拨过军方有广泛权力几十年个《紧急状态法》，搿能还成功绕过宪法，拨昂山素季担任缅甸政府个国务资政，成为勒缅甸政府实际个最高领导人。军方帮巩固发展党议员试过咾多趟表示弗认可搿个职位个法律地位，但是直到事变前头侪呒没进一步个行动。[6]
政变过程
勒2021年2月1号早浪向，缅甸军方派大班人马到昂山素姬、总统温敏等多名官员个登勒个场化带走人。据BBC晓得个资讯，弗同地区个首长官员也是同一辰光拨人上门带走。[7]
事变辰光当地个通讯网络拨中止哉。据亚洲新闻台 (CNA) 记者接近11点个消息，昂光市内个电话网络还勒海瘫痪，而互联网服务是呒啥问题，埃眼民众就弗敢离开屋里向。当时辰光还有未经证实消息讲军方围堵哉国营电视台MRTV。《澳洲人报》个报导就讲大拘捕行动后头一个钟头个辰光，MRTV帮多间海外传媒机构像是BBC 、CNN帮亚洲新闻台侪拨封锁哉（信号）。[8]
缅甸总统府后头就宣布国家权力移交拨国防军总司令敏昂莱。