乃烈

乃烈（Nay Luett，1935年5月3日—1983年），也好翻譯成乃律^[1]或者納魯耶特^[2]，嘉萊族人，越南高地民族領袖，越南共和國個辰光個少數民族事務官員，當過民族發展部長。1975年越南共和國無得了之後，乃烈畀新政府抲起來，蹲了9年牢監再畀渠放出來，無得多少辰光就死脫哉。

生平

1935年5月3號，乃烈出生在法屬印度支那波來古省個^[3]（越南共和國個辰光屬於富本省富足郡，今朝屬嘉萊省克容巴縣），屋裏向弗是蠻有銅錢。小辰光個乃烈展示出了聰明，引起了嘉萊族頭領Nay Moul個注意。Nay Moul說服了乃烈個爺孃，搭乃烈帶到自家在岧嶚個長屋。乃烈到崑嵩個法-巴拿學堂搭邦美蜀個薩巴捷初中讀書。Nay Moul還安排渠自家個女兒搭乃烈結婚。

1958年，乃烈畢業於多樂個耶爾森高中（今朝個多樂師範學堂）。