Bibioteke

Pol discramiaedje des årtikes avou l' mot « Bibioteke », loukîz cial.

Po des linwincieusès racsegnes sol mot "bibioteke", alez s' vey sol Wiccionaire

Ene bibioteke, c' est ene måjhon u ene plaece la k' i gn a toplin des lives, po des djins vni lére.

Motlî

Li ci ki s' ocupe d' ene bibioteke si lome bibiotekî (po èn ome) u bibiotecresse (po ene kimere).

Si c' ene bibioteke publike, tertos î pout aler lére des lives, et kécfeye les epronter.

On bibiobusse, c' est on sistinme di bibioteke ki toûne avou on busse dins tos les viyaedjes, et pruster des lives a lére åzès djins.

Li grande bibioteke d' Alegzandreye, ki rashonna bråmint des lives des Arabes, des Greks et des Romins. Elle a stî metowe a feu pås Croejhîs et tos les lives broûlés.
Li "bibioteke do Congrès amerikin a Washington, li pus grande ol Daegne å djoû d' ouy avou 128 miyons d' documints.

Bibioteke des Pårlers del Walonreye a Anse, ecwårlêye del Province di Lidje. Elle a totes sôres di lives et d' sillabusses e walon et sol walon. Ey eto des papîscrîts di totes les tires.
Bibioteke nåcionåle di Beldjike : elle a èn egzimplaire di tos les lives et rvowes k' ont stî eplaidîs avou on dépôt légal.
Bibioteke comunåle di Nivele : dinltins, n aveut bråmint do walon. Mins ça a stîo roisté dins des cåves.
Bibioteke del Fak di Letes di l' Univiersité d' Lovén : tos les sincieus lives sol walon, mins nén les lives di Belès letes u les pîces di teyåte.
Bibiotekes des Cinte di documintåcion do walon e scole.
Bibiotekes des federåcions provinciåles di l' UCW, k' ont ene grande coleccion di pîces di teyåte e walon.
Bibiotekes des Soces di scrijheus e walon: li cene des Relîs namurwès a Nameur; li bibioteke Nicolas Pietkin do Rweyål Club walon d' Måmdey a Måmdey.

Commons

I gn a so les cmons Wikipedia des imådjes ou fitchîs son a vey avou les bibiotekes .