Quebec Xalqaro Pee-Wee xokkey turniri

Gérard Bolduc Goderich, Ontario, Duluth, Minnesota turnirlariga jamoalar bilan sayohat qilganidan soʻng, yoshlar oʻrtasida xokkey turnirini boshlash gʻoyasini ilgari surgan va keyin 1960-yilda Paul Dumont, Jacques Boissinot, Edmond de la Bruere va Pat Timmons bilan birga Quebec Xalqaro Pee-Wee xokkey turniriga asos soldi^[1]. Bolduc turnirning dastlabki prezidenti boʻlib faoliyat olib borgan. U bu lavozimda 1974-yilgacha ishlagan. Shundan soʻng, Quebec Xalqaro Pee-Wee xokkey turniri fevral oyida har yili oʻtkaziladigan Quebec qishki karnaval bayramlarining bir qismiga aylandi^[2][3].

Birinchi turnirda asosan mahalliy ishtirokchilar boʻlgan 28 jamoa ishtirok etdi, ammo ular orasida Boston, Scarborough va Nyufaundlend jamoalari ham bor edi^[4]. Quebec Xalqaro Pee-Wee xokkey turniridagi birinchi oʻyin 1960-yil 20-fevralda Parc Victoriadagi Quebec arenada boʻlib oʻtdi^[5]. Quebec shahridagi ommaviy axborot vositalari turnirning xayriya tabiati tufayli voqeani tezda yoritib berishdi. Tadbir oʻzining dastlabki yetti kunida 12 500 tomoshabinni jalb qildi va Bolduc turnirning final oʻyinini 7 235 muxlisni sigʻdira oladigan Quebec kolizeyiga koʻchirish boʻyicha muzokaralar olib bordi. 1960-yilda Quebec Xalqaro Pee-Wee xokkey turnirining birinchi grand chempioni „Scarborough Lions“ xokkey jamoasi edi^[6].

1960-yildan boshlab har bir Quebec Xalqaro Pee-Wee xokkey turniri Quebec kolizeyida boʻlib oʻta boshladi^[7]. 1960-yildan 1972-yilgacha Quebec Xalqaro Pee-Wee xokkey turniri tarkibi toʻrtta divizionni (AA, A, B va C) va bitta umumiy grand chempionni oʻz ichiga olgan edi^[8]. 1962-yilda turnirdagi Ontario, Alberta va AQShdan kelgan jamoalar soni 54 ta yetdi. Xokkeychi Guy Lafleur 1962-yildan 1964-yilgacha ketma-ket uchta turnirda ishtirok etib, jami 64 ta gol urishga muvaffaq boʻlgan^[9][10]. Quebec Xalqaro Pee-Wee xokkey turniriga „Quebec Beavers“ jamoasining qoʻshilishi tomoshabinlar sonining koʻpayishiga olib keldi, chunki ular murabbiy sifatida Martin Madden bilan mahalliy oʻgʻil bolalardan tashkil topgan olomonning sevimli jamoasiga aylangan edi^[11].

1965-yilda turnir 2001-yilgacha AA divizioni gʻoliblariga topshirilgan Gérard Bolduc kubogini tashkil qildi^[12]. 1969-yilda Quebec Xalqaro Pee-Wee xokkey turnirining 10 yilligi munosabati bilan Jacques Revelin „The story of a fantastic tournament: which each year makes the Quebec Coliseum vibrate during the Winter Carnival“ (tarjimasi: "Fantastik turnirning hikoyasi, bu har yili qishki karnaval paytida Quebec kolizeyini tebranadi") nomli kitobini yozdi^[13][14]. „Princeville“ (Quebec) xokkey jamoasi 1969-yilda birinchi chempionlikni qoʻlga kiritdi (bu mezbon provinsiyaning birinchi gʻalabasi edi)^[15].

1970-yillar Quebec Xalqaro Pee-Wee xokkey turnirida 102 ta jamoa, jumladan, Fransiya va Gʻarbiy Germaniyadan yangi ishtirokchilar ishtirok etisha boshladi. Shundan soʻng, Bolduc 1971-yilga kelib Sovet Ittifoqidan ham jamoani turnirga olish boʻyicha muzokaralar olib borayotganini eʼlon qildi. 1971-yilgi Quebec Xalqaro Pee-Wee xokkey turnirida 102 ta jamoa, jumladan, Kanadaning olti provinsiyasi, shimoli-gʻarbiy hududlar, AQSh va Yevropadan kelgan jamoalar ishtirok etdi. 1974-yilgi turnirda yosh Wayne Gretzky „Brantford“ xokkey klubi uchun oʻynab 26 ta gol urishga erishdi^[16]. 1974-yilda Bolduc (1960-yildan buyon bu lavozimda ishlab kelayotgan) turnir prezidenti lavozimini tark etdi^[17][18].

1975-yilda Alex Legare Quebec Xalqaro Pee-Wee xokkey turniri prezidenti lavozimini egalladi va 1999-yil yakuniga qadar ushbu lavozimda faoliyat olib bordi^[19][20]. 1976-yilda turnirda Xalqaro kubok divizioni taʼsis etildi^[21]. 1977-yilda turnir prezidenti Legare turnir uchun koʻproq avtonomiyaga intildi va Quebec qishki karnavali bilan toʻgʻridan-toʻgʻri hamkorlikdan voz kechdi^[22][23]. Legare 1980-yilda Amerika kubogini, keyin esa 1981-yilda Quebec kubogini tashkil qildi. Keyinchalik ular Xalqaro kubokga birlashtirildi.

Quebec Xalqaro Pee-Wee xokkey turniri 1984-yilda oʻzining 25 yilligini nishonladi. Bu tadbir tufayli Quebec kolizeyida yangi lavha osildi. Oʻsha yili Manon Rheaume turnirda oʻgʻil bolalar jamoasida oʻynagan birinchi ayol darvozabonga aylandi^[24][25]. Uning turnirda oʻynashiga ruxsat berish uchun alohida yangi qoidalar ishlab chiqildi^[26]. 1989-yilda Quebec Xalqaro Pee-Wee xokkey turnirida Sovet Ittifoqi va Yaponiya jamoalari ishtirok etishdi. 1990-yilgi final oʻyiniga 8000 ga yaqin tomoshabin tashrif buyurdi^[27].

1994-yilda Quebec Xalqaro Pee-Wee xokkey turniridagi jamoalar soni 12 mamlakatdan 115 ta jamoani tashkil etdi. Bu turnir oʻsha yili 200 000 ga yaqin tomoshabinni jalb qildi^[28]. 1999-yilgi Quebec Xalqaro Pee-Wee xokkey turnirida tadbir davomidagi tomoshabinlar soni 211 178 kishi boʻlib, tomoshabinlar soni boʻyicha yangi rekord oʻrnatildi^[29].

2001-yilda Quebec Xalqaro Pee-Wee xokkey turnirining oʻtkazilish sanasi Quebec qishki karnavaliga toʻgʻri kelmasligi uchun oʻzgartirildi. Bundan koʻzlangan maqsad esa tomoshabinlarni koʻpaytirish edi^[30]. 2009-yilda Quebec Xalqaro Pee-Wee xokkey turnirining 50 yilligi afsonaviy oʻyinlar bilan nishonlandi. Unda professional xokkeydan nafaqaga chiqqan sobiq ishtirokchilar ishtirok etdi^[31]. 2011-yilda Quebec Xalqaro Pee-Wee xokkey turnirida ishtirok etish uchun kelgan Avstraliya va Okeaniyadan ilk jamoasini qabul qildi.

2016-yilda Quebec Xalqaro Pee-Wee xokkey turniri oʻtkaziladigan joy Quebec kolizeyidan Videotron markazidagi yangi binoga koʻchirildi^[32][33]. 2016-yilgi turnirda (Quebecning barcha yulduzli ayollar jamoasi AA divizioniga qabul qilinganidan soʻng) butunlay qizlardan tashkil topgan birinchi jamoa ishtirok etdi. Qizlar jamoasini kanadalik olimpiada xokkeychilari Caroline Ouellette, Marie-Philip Poulin va Kim St-Pierrelar boshqargan^[34][35][36]. Qizlar jamoalari 2016-yilgacha koʻrgazmali oʻyinlarda oʻynashgan, ammo turnirning oʻzida ishtirok etishmagan. 2016-yilga kelib Quebec Xalqaro Pee-Wee xokkey turnirida ishtirok etish istagini bildirgan jamoalar soni 300 tani tashkil qildi^[37].

2020-yil 31-avgust kuni Quebec Xalqaro Pee-Wee xokkey turniri tashkilotchilari Shimoliy Amerikadagi COVID-19 pandemiyasi sababli 2021-yilgi turnir bekor qilinganini eʼlon qildi^[38][39].

Kanada Virtual muzeyi turnir koʻngillilarini tadbir xodimlari bilan hamkorlikda uning dunyo miqyosidagi obroʻsiga katta hissa qoʻshayotganini taʼkidlaydi^[40]. Canoe.com veb-sayti tadbir tashkilotchisi Patrick Dom turnir haqida „Ushbu turnirning ruhi koʻngillilar, homiylar va olomondir“ deb taʼkidlagan edi^[41]. Quebec Xalqaro Pee-Wee xokkey turniridan tushgan tushum 1960-yildan beri Patro Roc-Amadour jamg'arma tashkilotiga ajratiladi^[42]. Turnirning dastlabki 50 yilida fondga 2 133 000 AQSH dollaridan ortiq mablagʻ ajratilgan^[43]. Patro Roc-Amadour shuningdek, turnirning muzeyiga, jumladan, voqealar rasmlari va uning kuboklariga ega hisoblanadi. Quebec Xalqaro Pee-Wee xokkey turnirining jamiyatga qoʻshgan iqtisodiy hissasi 2008-yilda 14 million dollar va 2016-yilga kelib 17 million dollarga baholangan^[44].

Xokkeychilar Quebec Xalqaro Pee-Wee xokkey turnirini „hayotda bir marta beriladigan imkoniyat“ deb taʼriflashdi^{[45][46][47][48][49]}. Koʻpchilik uchun bu turnir 10 000 yoki undan ortiq muxlislarga ega arenada oʻynash uchun birinchi imkoniyatdir^[50]. Yevropalik xokkeychilar uchun bu baʼzan Shimoliy Amerikaga birinchi safari boʻladi. Turnir xalq tilida „Pee-Wee jahon chempionati“ deb nomlanadi^[51].

Quebec Xalqaro Pee-Wee xokkey turniri tashkilotchilari sayohatning yuqori narxini qoplash maqsadida, tadbir davomida tashrif buyurgan sportchilar bilan birga yashashlari uchun mezbon oila izlaydilar^[52]. Hattoki,Quebec Xalqaro Pee-Wee xokkey turniri tashkilotchilari baʼzi jamoalar uchun turnirda ishtirok etish va ishtirok etish bilan bogʻliq xarajatlar tufayli keng koʻlamli mablagʻ yigʻishni ham oʻz zimmalariga olishadi^[53].

Quebec Xalqaro Pee-Wee xokkey turniri, shuningdek, fransuz-kanada madaniyati va turnir davomida Quebec madaniyati bilan tanishish imkoniyatini beradi^[54][55]. Quebec Xalqaro Pee-Wee xokkey turnirida oʻyinchilarga Eski Quebec, Quebec qalʼasi va qishki karnavalni koʻrish va boshqa qishki sport turlarida qatnashish uchun turistik imkoniyatlar beriladi^[56]. Shuningdek, turnirda oʻyinchilar dunyoning boshqa burchaklaridan kelgan yoshlar bilan uchrashish va pinlarni almashish va yigʻish imkoniyatiga ega boʻlishadi.

Turnir qoʻmitasi oʻz veb-saytida keyinchalik Milliy xokkey ligasida yoki Butunjahon xokkey assotsiatsiyasida oʻynagan sobiq ishtirokchilar roʻyxatini eʼlon qilib boradi. 2018-yil holatiga koʻra, roʻyxatdagi kishilar soni 1246 kishini tashkil qildi^[57]. 2017-yilgi NHLning 100 ta eng zoʻr oʻyinchilari roʻyxatidan 20 nafari turnirda ishtirok etgan^[58].

Turnirda ishtirok etgan NHLning 100 ta eng zoʻr oʻyinchisi

• Turnirning rasmiy veb-sayti
• Patro Roc-Amadour veb-sayti