Omega SA

Omega SA — Shveysariyaning Biel/Bienne shahrida joylashgan hashamatli soat ishlab chiqaruvchisi hisoblanadi. 1848-yilda La Chaux-de-Fonds shahrida Louis Brandt tomonidan asos solingan kompaniya La Generale Watch Co. rasmiy nomi bilan ish boshlaydi. 1903-yilda Omega nomini oʻz ichiga olib, Louis Brandt et Frère-Omega Watch & Co ga oʻzgartiriladi. 1984-yilda esa kompaniya oʻz nomini rasman Omega SA ga oʻzgartirdi. Hozirda Shveysariyaning The Swatch Group kompaniyasining shoʻba korxonasi hisoblanadi. Omega oʻz muzeyini 1984-yil yanvarida Biel/Bienneda ommaga ochdi.

Britaniyaning Qirollik Uchuvchi Korpusi 1917-yilda oʻzining jangovar boʻlinmalari uchun Omega soatlaridan foydalangan, xuddi shunday 1918-yilda AQSh armiyasi ham. Omega soatlari 1969-yilda Apollo 11 missiyasi uchun NASAning tanlovi edi. Bundan tashqari, Omega 1932-yildan buyon Olimpiada oʻyinlarining rasmiy vaqt hisobchisi hisoblanadi. Omega hozirda Amerika kubogi yaxtalar poygasining vaqt hisobchisi va 2022-yilgi Qishki Olimpiya oʻyinlarining asosiy hamkori hisoblanadi.