Jens Hegeler

Hegeler oʻz faoliyatini 1993-yilda SV Westhoven klubida boshlagan va ikki yildan soʻng SpVgg Porz klubiga oʻtgan. Porzdagi 3 mavsumlik faoliyatidan keyin 1998-yilda 1. FC Köln Porzdan Hegelerni sotib oldi. Kölnning yosh toifadagi jamoasida olti yil davomida oʻynadi. 2004-yilda Germaniya Oberligasi vakili „Yurdumspor Köln“ klubiga koʻchib oʻtdi. Bir yildan soʻng Köln klubini tark etdi va VfL Leverkusenga oʻtdi. 2006-yilning iyun oyida Leverkusenning „Bayer“ klubiga oʻtdi. 2009-yilning 7-yanvarida 2009—2010-yilgi mavsum oxirigacha „Augsburg“ klubiga ijaraga berilgan^[2]. 2010-yil iyul oyida esa ikki mavsumga ijara asosida 1. FC Nürnberg klubiga oʻtdi^[3]. Hegeler „Nürnberg“ jamoasining asosiy oʻyinchisiga aylandi va har mavsumda 34 oʻyindan maydonga tushdi. Hegeler 2012—2013-yilgi mavsum boshida Leverkusenga qaytdi. 2013-yil 2-oktyabrda Hegeler jamoasi bilan Chempionlar Ligasida doirasida Ispaniya LaLigasi vakli „Real Sosedad“ qarshi oʻyinda ustidan ustun kelishdi^[4].

2014-yil 8-may kuni Hegeler Herta BSC bilan uch yillik shartnoma imzoladi^[5].

2017-yil 4-yanvarda Bristol City rahbariyati Hegelerni nomaʼlum toʻlov evaziga 2+1⁄2 yillik shartnoma asosida qoʻshganlarini eʼlon qildi. 2017-yilning 7-yanvarida Angliya kubogi 3-turida „Fleetwood Town“ga qarshi bahsda debyut qildi^[6]. 2017-yilning 8-avgustida „Bristol City“ safidagi ilk golini EFL kubogi doirasida„Plymouth Argyle“ga qarshi oʻyinda (5:0) kiritdi^[7]. 2018-yil 19-dekabrda Hegeler oʻzaro kelishuv asosida Bristol Citydan ketgani eʼlon qilindi^[8].