Irina Kaydashova
Irina Kaydashova ( 1985-yil 2-aprel, Toshkent, Oʻzbekiston SSR ) — oʻzbek taekvondochisi, Oʻzbekiston terma jamoasi aʼzosi. XXVIII yozgi Olimpiya o'yinlari ishtirokchisi, Olimpiya o'yinlaridagi birinchi o'zbek taekvondochisi.
| Irina Kaydashova | |
|---|---|
| Shaxsiy maʼlumotlari | |
| Jinsi | Ayol |
| Fuqaroligi |  Oʻzbekiston |
| Tavallud sanasi | 2-aprel 1985-yil Toshkent, Oʻzbekiston SSR |
| Faoliyat yillari | 1999-2014 |
| Sport | |
| Qaysi sport | Taekvondo |
Sport faoliyati
1999-yildan boshlab u xalqaro turnirlarda chiqa boshladi. Bangkokdagi (Tailand) Olimpiada o‘yinlarining Osiyo saralash turnirida 57 kilogrammgacha bo‘lgan vazn toifasida u finalda tailandlik taekvondochi Nootcharin Sukxondumnoyenga imkoniyatni boy berib, kumush medalga sazavor bo‘ladi.
2004-yilda Afinadagi (Gresiya) Yozgi Olimpiya o‘yinlarida 57 kg gacha bo‘lgan vazn toifasida u chorak finalda meksikalik Iridiya Salazarga yengiladi va o‘yinlardagi ishtirokini yakunlaydi[1][2] . Irina mazkur o‘yinlarda Natalya Mamatova bilan taekvondo bo‘yicha milliy terma jamoaning Olimpiya o‘yinlaridagi birinchi vakillari bo‘lishdi[3] .
2006-yilda taekvondo bo‘yicha harbiy ayollar o‘rtasidagi jahon chempionatida u beshinchi o‘rinni egalladi[4]. 2010-yilda Guanchjouda (Xitoy) o‘tkazilgan Yozgi Osiyo o‘yinlarida 53 kg gacha bo‘lgan vazn toifasida u birinchi raundlarni muvaffaqiyatli boshlaydi, lekin chorak finalda vetnamlik taekvondochi Nguyen Txi Xoay Txuga imkoniyatni boy berib qo‘yadi[5].
Kaydashova 2014-yilda Toshkentda bo‘lib o‘tgan taekvondo bo‘yicha Osiyo chempionatida 53 kilogrammgacha bo‘lgan vazn toifasida 1/8 finalda tayvanlik sportchi Xuan Yun-Venga yutqazib qo‘yadi. Xuddi shu yili u sport faoliyatini nihoyalaydi.