Dejan Kulusevski
Dejan Kulusevski (2000-yil 25-aprelda tug‘ilgan) — shvetsiyalik professional futbolchi, Serie A ligasining „Yuventus“ klubidan Premier League klubi „Tottenham“ jamoasiga ijara asosida oʻtgan. Shvetsiya terma jamoasi va „Tottenham“da qanot yoki yarim himoyachi sifatida o‘ynaydi.
.jpg) 2021-yil Kulusevski Juventus safida | |||
| Shaxsiy maʼlumot | |||
|---|---|---|---|
| Toʻliq ismi | Dejan Kulusevski[1] | ||
| Tavallud sanasi | 25-aprel 2000-yil | ||
| Tavallud joyi | Stokgolm, Shvetsiya | ||
| Boʻyi | 1.86 m | ||
| Ampluasi | Yarim himoyachi | ||
| Klub maʼlumoti | |||
Joriy klub | Tottenham Hotspur (ijara) | ||
| Raqami | 21 | ||
| Yoshligida aʼzo boʻlgan klublar | |||
| 2006-2016 | IF Brommapojkarna | ||
| 2016-2019 | Atalanta | ||
| Professional faoliyati* | |||
| Yillar | Jamoa | Isht. | (Gol.) |
| 2019-2020 | Atalanta | 3 | (0) |
| 2019-2020 | Parma (ijara) | 17 | (4) |
| 2020- | Juventus | 55 | (5) |
| 2020 | Parma (ijara) | 19 | (6) |
| 2022- | Tottenham Hotspur (ijara) | 18 | (5) |
| Milliy terma jamoa | |||
| 2015-2016 | Makedoniya U17 | 5 | (6) |
| 2015-2017 | Shvetsiya U17 | 19 | (6) |
| 2017-2018 | Shvetsiya U19 | 13 | (2) |
| 2019 | Shvetsiya U21 | 5 | (2) |
| 2019- | Shvetsiya | 25 | (2) |
| *Professional klublardagi gollari (ichki chempionat) (22-may uchun) | |||
Klublardagi faoliyati
Kulusevski Stokgolmda tugʻilgan va olti yoshida IF Brommapojkarna yoshlar akademiyasiga qoʻshilgan[2].
Atalanta
U 2016-yil 7-iyulda Brommapojkarnadan Atalanta yoshlar jamoasiga qoʻshiladi[3]. U 2019-yilning 20-yanvarida A Seriyadagi debyutini „Frozinone“ga qarshi safarda oʻtkazdi[4][5]. U 2018-2019-yilgi mavsum davomida klub safida jami uchta oʻyinda maydonga tushdi[6].
Parma (ijara, 2019-2020-yil)
2019-yilning 18-iyulida Kulusevski A Seriyaning „Parma“ klubiga 2020-yilning 30-iyuniga qadar ijaraga berildi[7]. U A Seriyadagi ilk golini 30-sentyabr kuni „Torino“ga qarshi oʻyinda (3:2) urgan edi[8].
Juventus
A Seriyaning 2019-2020-yilgi mavsumining birinchi qismida „Parma“da ijarada boʻlganida, u ligada 17 ta oʻyinda 4 ta gol urdi va 7 ta golli uzatmani amalga oshirdi[9].
Kulusevski A Seriyadagi boshqa bir klub „Yuventus“ bilan toʻrt yarim yillik shartnoma asosida 35 million yevro evaziga qoʻshildi, bu shartnomadagi boshqa oʻzgarishlarga qarab 44 million yevrogacha koʻtarilishi mumkin[10].
Kulusevski mavsumning qolgan qismida Parmaga ijaraga qaytarildi[11][12]. U mavsumni 10ta gol va 9ta golli uzatma bilan yakunladi va mavsumda A Seriyaning „Eng yaxshi yosh oʻyinchisi“ deb topildi[13].
Kulusevski 2020-yil 20-sentyabrda „Yuventus“dagi debyutining „Sampdoriya“ga qarshi o‘yinida (3:0) gol urgan[14]. 2021-yilning 19-mayida u 2021-yilgi Italiya kubogi finalida „Atalanta“ ustidan 2:1 hisobida g‘alaba qozonib, Federico Chiesaning g‘alaba goliga assistentlik qildi[15]. Keyingi mavsumda Kulusevski Chempionlar ligasi doirasida Sankt-Peterburgning „Zenit“ klubiga qarshi oʻyinda 20-oktyabr kuni 86-daqiqada boshi bilan gol urdi[16]. Massimiliano Allegri Kulusevskini maydonga tushirishni kamaytirdi, 20ta oʻyinda maydonga tushdi va ikkita gol urdi.
Tottenham (ijara)
2022-yilning 31-yanvarida Kulusevski Premer liga vakili „Tottenham“ga 18 oyga ijaraga berildi. Shartnoma 10 million yevroga teng edi va sotib olish huquqini oʻz ichiga olgan boʻlib, u 35 million yevro miqdorida edi[17]. U oʻzining „shporlar“ safidagi ilk uchrashuvini 5-fevral kuni Angliya kubogi doirasida „Brighton & Hove Albion“ga qarshi oʻyinda oʻtkazdi[18].
Terma jamoadagi faoliyat
Kulusevski barcha yoshdagi Shvetsiya yoshlar terma jamoalarida[19][20] hamda Makedoniyaning 17 yoshgacha bo‘lgan terma jamoasida o‘ynagan[21]. U Shvetsiya terma jamoasiga ilk bor 2019-yilning noyabr oyida Ruminiya va Farer orollariga qarshi UEFA Yevro-2020 saralash oʻyinlarida jalb etilgan edi[22].
Yutuqlari
Yuventus
- Italiya kubogi: 2020-21
- Italiya Superkubogi: 2020
Shaxsiy sovrinlar
- A Seriyaning „Eng yaxshi yosh futbolchisi“: 2019-20[23]
Manbalar
Havolalar
- Dejan Kulusevski at National-Football-Teams.com