Ahmed Khalil

U sakkiz yoshida „Al-Ahli“ klubi (Dubay) maktabida futbol o‘ynay boshlagan. 2006-2007-yilgi mavsum oʻrtalarida u birinchi tarkibga kiritilgan. 2007-yil 13-may kuni „Al-Vahda“ ga (4:1) qarshi o‘yinning 89-daqiqasida u klubdagi ilk golini kiritgan

„Al Ahli“ tarkibida u 2008-2009, 2013-2014 va 2015-16 yilgi mavsumlarda uch karra BAA chempioniga aylangan- Osiyo klub turnirlarida va Fors koʻrfazi mamlakatlari mintaqaviy turnirlarida qatnashgan. 2015-yilda u OChL finalchisiga aylangan.

15 yoshidan BAA yoshlar terma jamoalariga, 17 yoshida esa ilk bor asosiy jamoaga chaqirilgan . Bir necha yil davomida u bir vaqtning oʻzida uchta terma jamoada oʻynagan.

17 yoshlilar oʻrtasidagi Fors koʻrfazi kubogida (2006) 5 ta gol bilan chempion va toʻpurar boʻldi. 19 yoshlilar oʻrtasidagi Osiyo chempionatida (2008) 4 ta gol bilan gʻolib va toʻpurar boʻldi, shu jumladan Oʻzbekistonga qarshi final oʻyinida (2:1) ikkala gol urgan va turnirning eng yaxshi futbolchisi deb topilgan. . 2009-yilgi yoshlar oʻrtasidagi jahon chempionatida u chorak final ishtirokchisi va ikkita gol muallifiga aylangan^[1].

2010-yilda 23 yoshlilar oʻrtasidagi Fors koʻrfazi kubogining chempioni va toʻpurari (4 oʻyinda 5 ta gol) boʻlgan. Shuningdek, 2010-yilda u Olimpiya terma jamoasi tarkibida Osiyo oʻyinlarining kumush medali sovrindori boʻlgan. 2010-yilda 19 yoshlilar o‘rtasidagi Osiyo chempionatida u chorak final ishtirokchisiga aylandi va jamoasining yettita golidan oltitasini kiritgan

Umuman olganda, u BAA oʻsmirlar terma jamoalarida 70 dan ortiq oʻyin oʻtkazgan.

U 2008-yilning 10-yanvarida Xitoyga qarshi oʻyinda BAA kattalar jamoasida debyut qilgan. 2009-yil 21-yanvarda Malayziya terma jamoasi darvozasiga birinchi golini urgan.

2011-yilgi Osiyo Kubogida u uchta oʻyinda ham qatnashgan, jamoasi birorta ham gol ura olmagan va guruhdan chiqa olmagan. Keyingi Osiyo Kubogida, 2015-yilda u 4 ta gol urib, bronza medali sohibi va turnirning ikkinchi toʻpurari boʻldi — u guruh bosqichida Qatarga (4:1) ikkita gol urgan.

2019-yilda u Osiyo kubogi uchun milliy terma jamoaga kiritilgan. Oʻz jamoasining birinchi golini Bahrayn terma jamoasiga qarshi oʻyinda penaltidan kiritgan. 1/8 final doirasidagi Qirgʻiziston terma jamoasiga qarshi oʻyinda Ahmad yana oʻyinning 103-daqiqasida penaltidan gol urgan. Bu to‘p BAAga qo‘shimcha bo‘limlardan so‘ng 3:2 hisobida g‘alaba qozonib, chorak finalga oʻtish imkoniyatini bergan^[2].

2015-yilda u Osiyoda „Yilning eng yaxshi futbolchisi“ deb topilgan.

Ahmadning otasi Xalil Sebayt ham professional futbolchi boʻlib, Quvaytda oʻynagan. Ahmadning toʻrt akasi ham futbol oʻynagan, ulardan biri Faysal Xalil terma jamoa safida oʻynagan.

2022-yil 18-fevral holatida^[3]