ہومو نالیڈی (سائنسی نام: Homo naledi) ایک معدوم انسان نما (مانس) کی جنس ہے، یہ دریافت ایک گہرے غار میں تدفین کرنے والے چیمبر سے کی گئی ہے۔ جو بنی نوع انسان کا گہوارا کہلانے والے جنوبی افریقا کا علاقہ ہے۔ اس نسل کو نالیڈی کا نام دی گیا ہے اور اسے حیاتیاتی گروہ ہومو میں شامل کیا گیا ہے، ماہرین حیاتیات کے مطابق جدید انسان کا تعلق ایسے ہی حیاتیاتی گروہ سے ہے۔ ہومو نالیڈی افریقا سے ملنے والے کسی بھی ابتدائی انسان سے مماثلت نہیں رکھتے۔ ان کا دماغ چھوٹا ہے، کسی گوریلے کے دماغ کے برابر۔ تاہم انھیں انسانوں کے حیاتیاتی گروہ میں ہی شامل کیا گیا ہے، ان کی کھوپڑی کی شکل، نسبتًا چھوٹے دانتوں، لمبی ٹانگوں اور جدید تر دکھائی دیتے ہوئے پیروں کی وجہ سے۔ ابھی تک رکازات کی تاریخیت طے نہیں کی جا سکی، اندازہ ہے کہ یہ 25 لاکھ سال قدیم ہو سکتے ہیں۔[3] اس غار سے ملنے والے ڈھانچوں کی تعداد 15 ہے، ان نامکمل ڈھانچوں میں مختلف عمروں کے مرد و خواتین کی باقیات شامل ہیں، جن میں شیرخوار بچوں سے بڑی عمر کے افراد شامل ہیں۔