پوجا بھٹ

پوجا کا جنم 24 فروری 1972ء کو مہیش بھٹ اور کِرن بھٹ کے گھر ہوا۔ اس کا باپ گجراتی نسب کا ہے اور ماں اسکاٹش نسب کی ہے۔^[2][3][4][5] وہ سونی رازدان کی سوتیلی بہن ہے۔ اس کا ایک بھائی راہل بھٹ ہے وہ دو سوتیلی بہنیں شاہین بھٹ اور عالیہ بھٹ ہیں۔

مہیش بھٹ کی لاڈلی بیٹی پوجا بھٹ نے 1989ء میں 17 سال کی عمر میں اپنے کریئر کا آغاز چھوٹے پردے کی ایک ٹی وی فلم ڈیڈی سے کیا تھا۔ بڑے پردے پر پوجا کے کریئر کا آغاز فلم ‘دل ہے کہ مانتا نہیں’ کے ساتھ ہوا۔ پوجا اور عامر خان کی یہ فلم آسکر فاتح ہالی وڈ فلم کا ریمیک تھی۔ اس فلم کو پہلی بار فلم فیئر ایوارڈ بھی ملا تھا۔ 1990ء کی دہائی کی کئی ہٹ فلموں (‘سڑک’، ‘دل ہے کہ مانتا نہیں’، ‘سر’، ‘پھر تیری کہانی یاد آئی’ اور ‘ناراض’ وغیرہ) میں پوجا کی اداکاری کی بہت تعریف ہوئی۔

بطور ڈائریکٹر اس کی فلمیں ‘پاپ’، ‘اوکاش’، ‘دھوکا’، ‘کجرارے’ اور ‘جسم 2’ بھی پسند کی گئیں۔ پوجا کی زیادہ تر فلموں میں اس کے کردار کا نام پوجا ہی تھا، ان فلموں میں ‘پتا’، ‘دل ہے کہ مانتا نہیں’، ‘سڑک’، ‘ساتواں آسمان’، ‘پھر تیری کہانی یاد آئی’، ‘شریمان’، ‘انقلاب کسیتر’، ‘کلوری’ (تمل)، ‘گناہ گار’، ‘چاہت’ اور ‘انگارے’ کو شامل کیا جا سکتا ہے۔ جن فلموں کی پروڈکشن پوجا بھٹ کی جانب سے کی گئی ان میں ‘تمنا’، ‘دشمن’، ‘ہم’، ‘سر’، ‘جسم’، ‘پاپ’، ‘روگ’، ‘اوکاش’ اور ‘جسم-2’ اہم ہیں۔

• بھارتی فلمی اداکارا ؤں کی فہرست
• بھارتی سنیما