منال خان

منال خان اپنی جڑواں بہن ایمن خان کے ساتھ 20 نومبر 1998ء کو پیدا ہوئیں۔ ان کے والد مبین خان سندھ پولیس میں خدمات انجام دینے والے پولیس افسر ہیں جب کہ ان کی والدہ عظمہ خان گھریلو خاتون ہیں۔ ایمن کے علاوہ، اس کے تین بھائی ہیں۔ اس کا تعلق کراچی سے اردو بولنے والے گھرانے سے ہے۔ ^[2][3]

ایمن خان کے والد 31 دسمبر 2020 میں قضائے الہی سے رحلت فرما گئے ۔ ^[4]

منال خان کی اداکاری کا آغاز جیو ٹی وی کے ڈرامے کاش میں تیری بیٹی نہ ہوتی (2011ء–12)ء سے ہوا تھا۔ اس کے بعد اے آر وائی ڈیجیٹل پر سیٹ کام سیریز قدوسی صاحب کی بیوہ (2012ء) میں معاون کردار ادا کیا۔

وہ 2013ء میں سماجی ڈراما من کے موتی میں نظر' آئیں۔ وہ یاسرہ رضوی، فیصل قریشی اور اپنی بہن ایمن خان کے ساتھ نظر آئیں۔ اس کے بعد، انھوں نے 2014ء کے ڈرامے میرے مہربان، رومانوی ڈرامے مول (2015ء) اور مزاحیہ ڈراموں مٹھو اور آپ (2015ء)، جورو کا غلام (2016ء) اور ہم سب عجیب سے ہیں میں معاون کردار میں نظر آنے کی وجہ سے وسیع پیمانے پر پہچان حاصل کی۔

منال خان کے ایک مرکزی کردار کے طور پر پہلا مرکزی کردار اردو 1 کی سیریل بیٹی تو میں بھی ہوں (2017ء) میں، ایک سادہ، پڑھاکو اور انتہائی باحیا کے طور پر تھا، اس کے بعد ہم ٹی وی ک سیریل پرچھائیں میں مرکزی کردار ادا کیا تھا۔ ہم ٹی وی پر انجلینا ملک کی ہدایت کاری میں سیریل استانی جی کی ایک قسط میں مختصر طور پر نظر آئیں۔ وہ حماد فاروقی (2018ء) کے مقابل کبھی بینڈ کبھی باجا میں سادہ گھریلو خاتون اور اے پلس ٹی وی کے گھمنڈ (2018ء) میں صالحہ کے طور پر بھی دیکھی گئیں۔ ^[5][6]

2019 اور 2020 میں اداکارہ منال خان کی کئی اداکاروں سے بڑھتے روابط اور دوستیوں کے چرچے رہے۔ 2020ء میں منال خان اداکار احسن محسن اکرام کے کافی قریب آ گئیں جس پر سوشل میڈیا پر کافی چرچے ہوئے اور صارفین ن جوڑے پر کڑی تنقید کی۔ اداکارہ منال خان نے تو اس پر کوئی خاص رد عمل نہیں دیا مگر بڑھتی قربتوں پر تنقید کی زد میں آنے والے اداکار احسن محسن نے اپنے انسٹا گرام اکاؤنٹ سے لوگوں کو اپنی فکر کرنے کا مشورہ دیا اور کئی اسلامی حوالے بھی دیے ^[7]۔

اداکارہ نور بخاری نے بھی منال خان اور احسن محسن کی سوشل میڈیا پر گردش کرنے والی تصاویر پر بیان دیا کہ اگر منال خان اور محسن خان کی شادی ہو گئی ہے تو ٹھیک ہے مگر اگر وہ دونوں غیر شادی شدہ ہیں تو ایسی نامناسب تصاویر کو شیئر کرنا اخلاقی اقدار کے منافی ہے اور ایسا کرکے وہ نوجوانوں کو گمراہ کر رہے ہیں ^[8]۔ نور بخاری نے بعد ازاں وضاحت بھی کی کہ وہ کسی کی دل آزاری نہیں چاہتی اور ان کا تبصرہ بلا وجہ خبر بن گیا۔

مئی 2021ء میں منال خان نے احسن محسن اکرام سے منگنی کر لی۔

• پاکستانی اداکاراؤں کی فہرست

• انٹرنیٹ مووی ڈیٹابیس (IMDb) پر منال خان
• انسٹا گرام پر منال خان