ملوینا ڈین

ملوینا ڈین Branscombe، انگلستان میں برٹرم فرانک ڈین (1887-1912) اور جارجٹ ایوا لائٹ (1879-1975) کے ہاں پیدا ہوئی تھی۔ ان کا ایک بھائی برٹرم ویر ڈین (پیدائش 21 مئی 1910) بھی تھا۔ ملوینا ڈین نے کبھی شادی نہیں کی اور ان کے کوئی بچے نہیں تھے۔ .^[3]ملوینا ڈین کے والد ٹائی ٹینک میں جاں بحق ہوئے جبکہ ان کی والدہ نے 96 سال کی عمر میں 16 ستمبر 1975ء کو وفات پائی ان کے برادر نے 14 اپریل 1992ء (کو ٹائی ٹینک جہاز کے برف کے تودے سے ٹکرانے کی 80ویں سالگرہ والے دن) کو 81 سال کی عمر میں وفات پائی۔

ملوینا ڈین کے والدین نے انگلستان کو چھوڑ کر ویچیتا، کنساس ہجرت کرنے کا فیصلہ کیا جہاں ان کے والد کے رشتے دار رہتے تھے وہاں ان کے والد کا ایک کزن بھی تھا جس کی تمباکو کی دکان تھی جس میں وہ حصہ ڈالنے جا رہے تھے۔^[4]ملوینا ڈین کے والدین ٹائی ٹینک سے سفر نہیں کرنے والے تھے لیکن کوئلے کی ہڑتال کی وجہ سے انھیں ساؤتھمپٹن میں ٹائی ٹینک میں بطور تھرڈ کلاس مسافروں کے منتقل کر دیا گیا۔ ملوینا ڈین اس وقت بمشکل دو ماہ کی تھی جب وہ جہاز پر سوار ہوئی تھی۔ ان کے والد کو 14 اپریل 1912ء کی رات کو کو برفانی تودے کے ساتھ جہاز کی ٹکر کا احساس ہوا، تصدیق کے بعد وہ کیبن لوٹے جہاں پر اس نے اپنی بیوی کو بچوں سمیت تیاری کر کے اوپر ڈیک (تختہ جہاز؛ جہاز کی چھت) پر پہنچنے کی ہدایت کی۔ ملوینا ڈین اپنی والدہ اور بھائی سمیت لائف بوٹ 10 میں بیٹھ کر بچنے میں کامیاب ہو گئے ^[i] تاہم اس کے والد نہیں بچ پائے، اس کی لاش کی اگر بازیابی ہو بھی گئی ہوگی تو شناخت نہیں ہو سکی۔

پہلے ملوینا کی والدہ نے اپنے شوہر کے ساتھ کنساس امریکا میں جاکر ایک نئی زندگی شروع کرنے کی خواہش کی تھی تاہم اسے کھونے اور دو بچوں کے ساتھ تنہا رہ جانے پر وہ انگلستان واپس سانچہ:RMS جہاز پر لوٹ آئی۔

ملوینا اور برٹرم پنشن فنڈز پر ساؤتھمپٹن میں پلے بڑھے اور تعلیم حاصل کی۔ ملوینا ڈین کو آٹھ سال کی عمر میں بتایا گیا کہ وہ ٹائی ٹینک پر سوار ایک مسافر تھی جب اس کی والدہ دوبارہ شادی کا سوچ رہی تھی۔ملوینا ڈین نے جنگ عظیم دوم کے دوران برطانوی حکومت کے لیے کام کرتی رہی۔ اس کے بعد وہ مقامی انجینئری فرم کے لیے بطور پرچیزر بھی کام کرتی رہی۔ اس کے علاوہ وہ ایک نقشہ نگار، سیکرٹری اور اسسٹنٹ ٹوباکونسٹ کے طور پر بھی کام کرتی رہی۔

اپریل 2008ء میں ملوینا ڈین نے ساؤتھمپٹن میں ٹائی ٹینک کی 96ویں سالگرہ پر منعقدہ ایک تقریب میں شرکت کی دعوت کو قبول کیا لیکن سانس کے انفیکشن اور خراب صحت کی وجہ سے بعد میں شرکت منسوخ کرنا پڑی۔^[5]

دسمبر 2008ء میں 96 سال کی عمر میں ملوینا کو کولہے کی ہڈی ٹوٹنے کی وجہ اور طبی اخراجات کو پورا کرنے کے لیے مجبوراً اپنے خاندان کا سامان فروخت کرنا پڑا۔ ان میں ان کی والدہ کو "ٹائی ٹینک ریلیف فنڈ" کی جانب سے دیا گیا خط اور ایک سوٹ کیس جو انھیں جہاز ڈوبنے پر نیویارک میں دیا گیا تھا شامل تھے۔ اس فروخت سے انھیں تقریباﹰ 32000£ پاؤنڈز حاصل ہوئے۔ فروری 2009ء میں انھوں نے اعلان کیا کہ وہ مزید متعدد اشیاء فروخت کرے گی تاکہ اپنی طبی اخراجات کو پورا کرسکے جو ان کے مطابق 3000£ پاؤنڈز ماہانہ سے تجاوز کر گئے تھے۔^[6]

97 سال کی عمر میں ملوینا ڈین 31 مئی 2009ء کو نمونیا کی وجہ سے Ashurst کے ایک کیئر ہوم میں وفات پا گئی۔^[2][7]ملوینا ڈین کی چتا کو 24 اکتوبر 2009ء کو جلایا گیا، اس کی راکھ کو کو ایک لانچ کی مدد سے Southampton میں بکھیر دیا گیا جہاں سے ٹائی ٹینک روانہ ہوا تھا۔^[8]

• ٹائی ٹینک

• Miss Elizabeth Gladys 'Millvina' Dean – Encyclopedia Titanica biography
• Millvina Dean – Daily Telegraph obituary
• AP Obituary from The Times
• The Millvina Fundآرکائیو شدہ (Date missing) بذریعہ themillvinafund.com (Error: unknown archive URL)
• Radio Interview with Millvina Dean Courtesy of KYKY-FM, St۔ Louis, Missouri, 1997.
• Titanic Survivor gets Mayoral Tribute Southern Daily Echo, 7 May 2007
• Millvina Dean Remembrance Threadآرکائیو شدہ (Date missing) بذریعہ encyclopedia-titanica.org (Error: unknown archive URL) at Encyclopedia Titanica.com
• Video Interview with Millvina Dean, aged 97آرکائیو شدہ (Date missing) بذریعہ storyvault.com (Error: unknown archive URL) on StoryVault