لاہور کا خط زمانی

لاہور بلحاظ آبادی پاکستان کا دوسرا بڑا شہر ہے۔ لاہور کی ابتدائی تاریخ گمشدہ ہے، تاہم گیارہویں صدی عیسوی کے آغاز سے اسلامی تاریخ میں لاہور کا ذکر ملتا ہے۔

ساتویں صدی عیسوی

682ء: مسلم افواج نے شہر کا محاصرہ کر لیا۔

گیارہویں صدی عیسوی

1022ء: سلطان محمود غزنوی نے ملک احمد ایاز کو لاہور کا غزنوی صوبیدار مقرر کر دیا۔

بارہویں صدی عیسوی

1157ء: لاہور سلطنت غزنویہ کا دار الحکومت بن گیا۔

تیرہویں صدی عیسوی

12 جون 1206ء: قطب الدین ایبک نے سلطنت خاندان غلاماں کی بنیاد رکھی۔ قطب الدین ایبک کی تخت نشینی لاہور میں منعقد ہوئی۔
1241ء: منگولوں نے شہر کا محاصرہ کر لیا۔
1267ء: سلطان غیاث الدین بلبن نے قلعہ لاہور کی دوبارہ تعمیر کروائی۔

چودہویں صدی عیسوی

1398ء: لاہور پر امیر تیمور کے حملہ سے قلعہ لاہور تباہ ہو گیا۔

پندرہویں صدی عیسوی

1421ء: سید مبارک شاہ نے قلعہ لاہور کی از سر نو تعمیر کروائی۔
1430ء: کابل کے حکمران شیخ علی نے قلعہ لاہور پر قبضہ کر لیا۔
1460ء: نیویں مسجد تعمیر کی گئی۔

سولہویں صدی عیسوی

1524ء: مغل شہنشاہ ظہیر الدین بابر کی لاہور آمد۔
21 اپریل 1526ء: آخری لودھی حکمران ابراہیم لودھی کو پانی پت میں ظہیر الدین بابر کے ہاتھوں شکست ہوئی۔ لاہور پر مغلیہ سلطنت قائم ہوئی۔
1530ء: میر یونس علی کو لاہور کا مغل صوبیدار مقرر کیا گیا۔
1540ء: کامران کی بارہ دری تعمیر ہوئی۔
1565ء:مغل شہنشاہ جلال الدین اکبر نے قلعہ لاہور کی تعمیر نو کا حکم جاری کیا۔
1566ء: اکبری دروازہ تعمیر کیا گیا۔
1584ء: مغل شہنشاہ جلال الدین اکبر نے اپنی رہائش قلعہ لاہور منتقل کرلی۔
مئی 1586ء: مغل شہنشاہ جلال الدین اکبر نے لاہور کو مغل دار الحکومت قرار دیا۔
26 مارچ 1589ء: دلا بھٹی کو پھانسی دے دی گئی۔
1591ء: مشہور صوفی شاہ حسین انتقال کر گئے۔
1598ء: مغل شہنشاہ جلال الدین اکبر نے اپنی رہائش آگرہ منتقل کرلی۔ آگرہ مغل دار الحکومت قرار پایا۔

سترہویں صدی عیسوی

30 مئی 1606ء: سکھ مت کے پانچویں گرو گرو ارجن دیو کو مغل شہنشاہ نور الدین جہانگیر نے قتل کروا دیا۔
1617ء: قلعہ لاہور میں مکتب خانہ یعنی دولت خانہ جہانگیر کی تعمیر شروع ہوئی۔

1622ء: مغل شہنشاہ نور الدین جہانگیر نے لاہور میں شاہی دربار منعقد کیا۔
1627ء: مقبرہ جہانگیر کی تعمیر شروع ہوئی۔
1630ء: قلعہ لاہور کی موتی مسجد کی تعمیرشروع ہوئی۔
1631ء: قلعہ لاہور کے شیش محل کی تعمیر کا آغاز ہوا۔
1631ء: قلعہ لاہور میں شیش محل سے متصل نولکھا کی تعمیر شروع ہوئی۔
1632ء: قلعہ لاہور کے شیش محل کی تعمیر تکمیل کو پہنچی۔
1633ء: قلعہ لاہور میں شیش محل سے متصل نولکھا کی تعمیر مکمل ہو گئی۔
1635ء: قلعہ لاہور کی موتی مسجد کی تعمیر مکمل ہو گئی۔
1635ء: نواب ناظم لاہور وزیر خان نے شاہی حمام کی تعمیر شروع کروائی۔
1639ء: دائی انگہ مسجد تعمیر ہوئی۔
12 جون 1641ء: شالامار باغ، لاہور کا سنگ بنیاد رکھا گیا۔
3 دسمبر 1641ء: مسجد وزیر خان کی تعمیر مکمل ہوئی۔
31 اکتوبر 1642ء: شالامار باغ، لاہور کی تعمیر مکمل ہو گئی۔
1646ء: مغل شہزادی زیب النساء نے لاہور میں چو برجی تعمیر کروائی۔
1653ء: داراشکوہ کے باورچی عبد اللہ خان نے مسجد عبد اللہ خان تعمیر کروائی جو بعد ازاں مسجد شہید گنج کہلائی۔
1671ء: بادشاہی مسجد کی تعمیر شروع ہوئی۔
1673ء: بادشاہی مسجد کی تعمیر مکمل ہو گئی۔
1674ء: مغل شہنشاہ اورنگزیب عالمگیر نے قلعہ لاہور کا عالمگیری دروازہ تعمیر کروایا۔

اٹھارہویں صدی عیسوی

1740ء: سرو والا مقبرہ کی تعمیر شروع ہوئی۔
12 جولائی 1745ء: مغل ناظم و صوبیدار لاہور نواب زکریا خان انتقال کر گئے۔
1747ء: شرف النساء بیگم لاہور میں انتقال کرگئیں اور سرو والا مقبرہ میں تدفین ہوئی۔
1753ء: سنہری مسجد کی تعمیر مکمل ہوئی۔
20 اپریل 1758ء: مرہٹے مرہٹہ پیشوا رگھوناتھ راؤ کی قیادت میں لاہور میں داخل ہو گئے۔
1759ء: جنگ لاہور (1759ء) کے نتیجے میں مرہٹوں کو احمد شاہ ابدالی کے افواج سے شکست ہوئی اور مرہٹوں کا لاہور سے زور ٹوٹ گیا۔
14 جنوری 1761ء: احمد شاہ ابدالی نے تیسری جنگ پانی پت میں مرہٹوں کو شکست دی۔
1764ء: لاہور پر سہ حاکمان پنجاب یعنی لہنا سنگھ مجیٹھیہ، سوبھا سنگھ اور گجر سنگھ بھنگی نے قبضہ کر لیا۔
1767ء: لاہور سہ حاکمان پنجاب کا دار الحکومت بن گیا۔
شالامار باغ، لاہور
7 جولائی 1799ء: لاہور پر مہاراجا رنجیت سنگھ نے سدا کور سمیت حملہ کر دیا اور لاہور پر سہ حاکمان پنجاب کی حکومت ختم ہو گئی۔

انیسویں صدی عیسوی

1801ء– 1810ء

1809ء: معاہدہ امرتسر (1809ء)

1811ء– 1820ء

- چو برجی، لاہور
  1813ء: مہاراجا رنجیت سنگھ نے حضوری باغ بارہ دری کی تعمیر کا حکم جاری کیا۔
1818ء: حضوری باغ بارہ دری پانچ سال کی مدت میں مکمل ہو گئی۔

1821ء– 1830ء

1831ء– 1840ء

27 جون 1839ء: مہاراجا سکھ سلطنت رنجیت سنگھ فوت ہو گیا۔ کھڑک سنگھ مہاراجا بنا۔
28 جون 1839ء: مہاراجا رنجیت سنگھ کی آخری رسومات ادا کی گئیں۔
دائی انگہ مسجد، لاہور
8 اکتوبر 1839ء: مہاراجا سکھ سلطنت کھڑک سنگھ کو معزول کر کے قید میں ڈال دیا گیا۔ نو نہال سنگھ مہاراجا بن گیا۔

1841ء– 1850ء

5 نومبر 1841ء: کھڑک سنگھ حالتِ قید میں فوت ہو گیا۔
6 نومبر 1841ء: مہاراجا نو نہال سنگھ قلعہ لاہور کی فصیلی دیوار کے گرنے سے فوت ہو گیا۔ چاند کور مہارانی پنجاب بن گئی۔
2 دسمبر 1840ء: چاند کور کی تخت نشینی کی تقریب قلعہ لاہور میں منعقد ہوئی۔
18 جنوری 1841ء: چاند کور ایک معاہدے کے تحت تخت لاہور سے دستبردار ہو گئی اور شیر سنگھ مہاراجا بن گیا۔
15 ستمبر 1843ء: مہاراجا شیر سنگھ قتل کر دیا گیا۔ دلیپ سنگھ مہاراجا بنا۔

لاہور جنکشن ریلوے اسٹیشن، لاہور
11 دسمبر 1845ء: پہلی اینگلو سکھ جنگ کا آغاز ہوا۔
9 مارچ 1846ء: پہلی اینگلو سکھ جنگ ختم ہوئی۔
16 مارچ 1846ء: پہلی اینگلو سکھ جنگ کے بعد ایسٹ انڈیا کمپنی اور سکھ سلطنت کے مابین ایک معاہدہ ہوا (یعنی معاہدہ امرتسر (1846ء))، اِس معاہدے کے تحت مشرق کے کئی مضافات ایسٹ انڈیا کمپنی نے واپس سکھ سلطنت کو لوٹا دیے۔ ایسٹ انڈیا کمپنی کا ایک ریزیڈنٹ قلعہ لاہور میں تعینات کیا گیا۔
1848ء: سمادھ مہاراجہ رنجیت سنگھ کی تعمیر مکمل ہو گئی۔
3 جنوری 1849ء: برطانوی ایسٹ انڈیا کمپنی نے لاہور کو اپنی تحویل میں لے لیا۔
1849ء: میجر میکریگر نے شالامار باغ، لاہور کا موجودہ داخلی دروازہ تعمیر کروایا۔
1850ء: پشاور سے لاہور تک گرینڈ ٹرنک روڈ کی سڑکوں کو دوبارہ درست کیا گیا۔ === 1851ء– 1860ء ===
یکم نومبر 1858ء: لاہور تاجِ برطانیہ کا حصہ بن گیا۔
1860ء: لاہور جنکشن ریلوے اسٹیشن کی تعمیر مکمل ہوئی۔
1860ء: کنگ ایڈورڈ میڈیکل یونیورسٹی قائم ہوئی۔

1861ء– 1870ء

1861ء: لاہور نہر درست کی گئی۔
1864ء: گورنمنٹ کالج یونیورسٹی لاہور اور فارمین کرسچین کالج کا قیام عمل میں آیا۔
1866ء: ضلع لاہور میں مصنوعی جنگل چھانگا مانگا لگایا گیا۔
1868ء: لاہور کی مردم شماری 125,413 افراد تھی۔
فروری 1870ء: زمزمہ توپ کو موجودہ مقام پر نصب کر دیا گیا۔
1870ء: میو ہسپتال کی مرکزی عمارت(جو اب شعبہ مریضاں کہلاتی ہے)کی تعمیر مکمل ہوئی۔

1871ء– 1880ء

1872ء: لاہور چڑیا گھر عوام کے لیے کھولا گیا۔
1872ء: سول اینڈ ملٹری گزٹ کا اجرا لاہور سے ہوا۔
1875ء: میو اسکول آف آرٹس (نیشنل کالج آف آرٹس) کا قیام عمل میں آیا۔
1880ء: فلیٹیز ہوٹل کا قیام عمل میں آیا۔

1881ء– 1890ء

1881ء: لاہور کی مردم شماری 149,369 افراد تھی۔
اکتوبر 1882ء: لاہور ہائیکورٹ بار کا قیام عمل میں آیا۔
22 نومبر 1882ء: عدالت عالیہ لاہور میں پہلے مقدمہ کی شنوائی کی گئی۔
1882ء: جامعہ پنجاب کا قیام عمل میں آیا۔
1882ء: یونیورسٹی آف ویٹرنری اینڈ اینیمل سائنسز قائم ہوا۔
24 ستمبر 1884ء: موچی دروازہ کے قریب خلیفہ حمید الدین نے انجمن حمایت اسلام کی بنیاد رکھی گئی۔
8 نومبر 1884ء: پنجاب پبلک لائبریری، لاہور قائم کی گئی۔
1885ء: پنجاب سول سیکرٹریٹ لائبریری کا قیام عمل میں آیا۔
2 جنوری 1886ء: ایچیسن کالج کا قیام عمل میں آیا۔ اولاً یہ چیفس کالج کے نام سے 1864ء میں قائم کیا گیا تھا۔
1886ء: خالصہ اخبار لاہور کا اجرا ہوا۔
1887ء: جنرل پوسٹ آفس، لاہور کا قیام عمل میں آیا۔
1889ء: عدالت عالیہ لاہور کی عمارت کی تعمیر شروع ہوئی۔
1890ء: ٹاؤن ہال، لاہور تعمیر کیا گیا۔

1891ء– 1900ء

1892ء: پنجاب ٹیکسٹ بک بورڈ کا ادارہ قائم کیا گیا۔
1892ء: انجمن حمایت اسلام نے اسلامیہ کالج لاہور قائم کیا۔
1894ء: عجائب گھر، لاہور کی موجودہ عمارت کا افتتاح کیا گیا۔
اپریل 1898ء: پنجاب صوبائی اسمبلی میں پہلا بل منظور کیا گیا۔
30 اکتوبر 1900ء: بریڈلاگ ہال کا افتتاح کیا گیا۔

بیسویں صدی عیسوی

1901ء– 1910ء

1901ء: مردم شماری میں لاہور کی آبادی 202,964 تھی۔
16 نومبر 1907ء: سیکرڈ ہارٹ کیتھڈرل، لاہور کی تعمیر شروع ہوئی۔
1908ء: دیال سنگھ مجیٹھیا نے دیال سنگھ ٹرسٹ لائبریری، لاہور قائم کی۔
1910ء: ديال سنگھ کالج، لاہور کی بنیاد رکھی گئی۔

1911ء– 1920ء

21 دسمبر 1911ء: لاہور میڈیکل کالج کا نام تبدیل کرکے کنگ ایڈورڈ میڈیکل کالج رکھ دیا گیا۔
1913ء: کنیئرڈ کالج قائم کیا گیا۔
1914ء: شاہ دین منزل تعمیر ہوئی۔
21 مارچ 1919ء: عدالت عالیہ لاہور کا باقاعدہ نئی طرز کا قیام عمل میں آیا۔

1921ء– 1930ء

27 فروری 1921ء: لاہور کے ٹاؤن ہال میں رائے بہادر گنگا رام نے ماڈل ٹاؤن، لاہور کے قیام کا اعلان کیا۔
1921ء: یونیورسٹی آف انجینئرنگ اینڈ ٹیکنالوجی، لاہور قائم کی گئی۔
1921ء: سر گنگا رام ہسپتال (پاکستان) کا سنگ بنیاد رکھا گیا۔
1922ء: لاہور کالج برائے خواتین یونیورسٹی قائم ہوئی۔
1924ء: پنجاب آرکائیو اینڈ ریکارڈ میوزیم کا قیام عمل میں آیا۔
1926ء: کنیئرڈ کالج کو جیل روڈ پر منتقل کر دیا گیا۔
1927ء: قلعہ لاہور محکمہ اوقاف، پنجاب کی تحویل میں دیا گیا۔
10 جولائی 1927ء: ماہر تعمیرات گنگا رام لندن میں فوت ہو گئے۔ لاہور میں اُن کی آخری رسومات اداء کی گئیں۔
1928ء: قلعہ لاہور میں جنگی اسلحہ جات کا عجائب گھر تشکیل دیا گیا۔
دسمبر 1929ء: انڈین نیشنل کانگریس کا سالانہ اجلاس لاہور میں منعقد ہوا۔

1931ء– 1940ء

1932ء: پاک ٹی ہاؤس قائم ہوا۔
1933ء: گورنمنٹ ایم اے او کالج لاہور قائم ہوا۔
1933ء: لیڈی ویلینگڈن ہسپتال کا قیام عمل میں آیا۔
1934ء: لالہ لاجپت رائے نے گلاب دیوی چیسٹ ہسپتال کا سنگ بنیاد رکھا۔
نومبر 1935ء: پنجاب صوبائی اسمبلی کی عمارت کا سنگ بنیار وزیر زراعت سر جوگندر سنگھ نے رکھا۔
21 اپریل 1938ء: شاعر مشرق علامہ محمد اقبال انتقال کر گئے۔
1938ء: پنجاب صوبائی اسمبلی کی عمارت کا سنگ بنیار وزیر زراعت سر جوگندر سنگھ نے رکھا۔
23 مارچ 1940ء: آل انڈیا مسلم لیگ کے سالانہ اجلاس منعقدہ اقبال پارک، لاہور میں محمد علی جناح نے قرارداد پاکستان پیش کی۔
23 مارچ 1940ء: حمید نظامی نے پندرہ روزہ اخبار روزنامہ نوائے وقت کا اجرا کیا جو بعد میں روزنامہ بن گیا۔

1941ء– 1946ء

26 اگست 1941ء: جماعت اسلامی پاکستان قائم ہوئی۔
1941ء: مردم شماری میں لاہور کی آبادی 671,659 افراد تھی۔

1947ء– 1950ء

14 اگست 1947ء: تقسیم ہند، اعلان آزادی پاکستان۔
اگست 1947ء: پنجاب میں ہندو مسلم فسادات۔
15 اگست 1947ء: لاہور مغربی پنجاب کا دار الحکومت قرار پایا۔
1949ء: فاطمہ جناح میڈیکل کالج قائم ہوا۔
22 فروری 1950ء: مقبرہ علامہ اقبال کی تعمیر تکمیل کو پہنچی۔

1951ء– 1960ء

* * 1951ء: انسٹی ٹیوٹ آف اسلامک کلچر کے ادارے کا قیام عمل میں آیا۔

1951ء: اقبال کادمی پاکستان قائم کی گئی۔
1951ء: 1951ء کی مردم شماری میں لاہور کی کل آبادی 849,476 تھی۔
6 مارچ 1953ء: لاہور میں کرفیو نافذ کر دیا گیا۔
22 نومبر 1954ء: ون یونٹ کا قیام عمل میں آیا۔
18 جنوری 1955ء: اردو زبان کے شہرت یافتہ افسانہ نگار، مکالمہ نگار سعادت حسن منٹو لاہور میں انتقال کر گئے۔
اکتوبر 1955ء: ون یونٹ کے قیام کے بعد لاہور مغربی پاکستان کا دار الحکومت قرار پایا۔
1959ء: لاہور کے قذافی اسٹیڈیم کا سنگ بنیاد رکھا گیا۔
فروری 1959ء: واپڈا ہاؤس لاہور کی تعمیر شروع ہوئی۔
1959ء: لاہور جنرل ہسپتال کا سنگ بنیاد رکھا گیا۔
23 مارچ 1960ء: مینار پاکستان کی تعمیر شروع ہوئی۔