سنی دیول

ان کی ولادت 19 اکتوبر 1956ء کو سہنیوال، پنجاب، بھارت کے ایک گاؤں میں ہوئی۔ ان کے والد بالی ووڈ کے مشہور اداکار دھرمیندر ہیں۔ والدہ کا نام پرکاش کور ہے۔ان کا ایک بھائی بابی دیول ہے جو ایک زمانہ میں مشہور اداکار تھا۔ دو بہنیں ویجے تا اور اجیتا ہیں جو کالیفورنیا میں مقیم ہیں۔ ان کی سوتیلی ماں ہیما مالنی ہیں۔^[5] جن سے سنی دو سوتیلی بہنیں ہیں، ایشا دیول اور آشا دیول]]۔^[6]

فلمی دنیا میں انھیں ایک غصہ ور اداکار کے طور پر جانا جاتا ہے جو بدعنوانی،ظلم اور غنڈہ گردی کے خلاف لڑتا ہے۔ وہ وطن پرست اداکار کے طور پر بھی مشہور ہیں۔ ان کے علاوہ انھوں نے رومانی فلموں میں بھی کام کیا ہے۔ ان کی پہلی بیتاب ایک رومانی فلم تھی جس میں ان کے کام کو کافی سراہا گیا۔1985ء میں انھوں نے راہل روائی کے ساتھ ارجن میں کام کیا۔ فلم سلطنت میں اپنے والد کے ساتھ نطر آئے۔ یہ ایک ایکشن فلم تھی۔ اس کے بعد فلموں کی جھڑی سی لگ گئی اور آئندہ چند برسوں میں انھوں نے ڈکیت، یتیم، پاپ کی دنیا، تریدیو اور چالباز جیسی فلمیں کیں۔ 1990ء میں ان کی فلم گھایل بہت مشہور ہوئی جس کے لیے انھیں فلم فیئر اعزاز برائے بہترین اداکار کا اعزاز ملا۔ 1992ء تا 1997ء انھوں نے یکے بعد دیگرے ہٹ فلمیں دیں جیسے لٹیرے، ڈر، جیت، گھاتک، بارڈر اور ضدی۔ 1999ء میں انھوں نے ہدایتکاری کی شروعات کی اور ان کی پہلی فلم دل لگی تھی جس میں ان کے بھائی اور ارمیلا ماتونڈکر نے اداکاری کی۔^[7]2001ء میں انل شرما کی ہدایتکاری میں انھوں غدر (فلم) میں کام کیا جو بہت بڑی ہٹ چابت ہوئی۔ اس کے بعد 2003ء میں دی ہیرو:ایک جاسوس کی داستان عشق منظر عام پر آئی جس میں پریتی زنٹا اور پریانکا چوپڑہ بھی تھیں۔^[8] یہ اس وقت کی سب سے مہنگی فلم تھی اور سال کی تیسری زیادہ کمائی کرنے والی فلم بنی۔^[9][10]اپنے (فلم) میں وہ اپنے والد اور بھائی کے ساتھ نظر آئے۔^[11] اس کے بعد یملا پگلا دیوانا میں بھی سب ساتھ دکھے۔^[12][13]انھوں نے ایک اینیمیشن فلم (بھیم) کے لیے اپنی آواز دی۔ حالیہ دنوں میں ان کی فلمیں بھیا جی سپر ہٹ، گھایل ونس اگین، پوستر بائز، موہلہ اسی آئیں۔ 2019ء میں اپنے بیٹے کرن دیول کے لیے وہ پل پل دل کے پاس ڈائیریکٹ کریں گے۔

سنی دیول کی شادی پوجا دیول سے ہوئی۔ ان کے دو بیٹے ہیں؛ کرن اور راجویر، کرن یملا پگلا دیوانا میں اسسٹنٹ ڈائریکٹر تھے۔ وہ پل پل دل کے پاس فلم میں اپنی اداکاری کی شروعات کرنے جا رہے ہیں۔

سنی دیول نے گورداس پور لوک سبھا حلقہ سے 82,459 ووٹوں کے فرق سے جیت حاصل کی۔^[14][15] انھوں نے 23 اپریل 2019ء کو بھارتیہ جنتا پارٹی میں شمولیت اختیار کی اور بھارت کے عام انتخابات، 2019ء میں گورداس پور لوک سبھا حلقہ سے انتخاب میں حصہ لیا۔^[16]

• انٹرنیٹ مووی ڈیٹابیس (IMDb) پر سنی دیول

• Sunny Deol ٹویٹر پر 
• Official Website Of Deolsآرکائیو شدہ (Date missing) بذریعہ vijaytafilms.com (Error: unknown archive URL)
• Sunny Deol on Facebook
• Deols Official YouTube Channel