زینت ہارون راشد

وومن نیشنل گارڈ

زینت ہارون ایک ماہر نسواں، عوامی کرداروں میں خواتین کی شمولیت کا زبردست حامی تھیں۔ وہ آزادی کے وقت مسلم لیگ کی سرگرم رکن اور ویمن نیشنل گارڈ کی بانی و رکن تھیں۔ اپنی پوری زندگی کے دوران، انھوں نے جناح کے نظریے مطابق خواتین کو بااختیار بنانے کے عمل کو فروغ دیا۔ بطور ممبر ویمن نیشنل انھوں نے خود دفاع، ابتدائی طبی امداد اور لوگوں کو ووٹ ڈالنے کے لیے اندراج کرنے میں مدد کی۔ انھوں نے گارڈ میں موجود خواتین کا ترقی کی علامت کے طور پر دعویٰ کیا۔ ^[2][3][4]

زینت ہارون خواتین کو بااختیار بنانے کے لیے تب مشہور ہوئیں، جب لائف (میگزین) کی فوٹوگرافر مارگریٹ بورکے وائٹ نے زینت کی ویمن نیشنل گارڈ میں مشق کرتے ہوئے تصویر کھینچی۔ یہ تصویر جنوری 1948 میں پاکستان سے متعلق لائف میگزین کی کوراسٹوری میں شائع ہوئی تھی۔^[5]

ایک پاکستانی امریکی فلم ساز سعدیہ شیپرڈ نے "کل کا دوسرا نصف" نامی ایک دستاویزی فلم بنائی جس کے لیے انھوں نے زینت ہارون راشد کا انٹرویو بھی لیا۔ اس دستاویزی فلم میں مختلف پاکستانی خواتین کے نظریات کے بارے میں تھا جو پاکستان کو بہتر بنانے کے لیے کام کررہی تھیں۔^[1][6]

ان کی وفات کے بعد لواحقین میں شوہر صفدر راشد اور تین بچے حیدر ، سمیرا راشد اور سائرہ واحدی شامل ہیں۔۔

زینت ہارون راشد کی یاد کو سراہنے کے لیے ، "زینت ہارون رشید تحریری انعام برائے خواتین" ان کی بیٹی سائرہ راشد واحدی نے ترتیب دیا ہے۔^[7][8] یہ انعام اس امید کے ساتھ ہر سال دیا جاتا ہے کہ وہ ان خواتین کی مدد کرنے کے لیے کام کرتی ہے جو ایک کیریئر کے طور پر لکھنے کے عمل کو آگے بڑھانا چاہتی ہیں۔^[9][10]انعام کے انتخاب کے لیے ججوں کے پینل میں پاکستان کی آکسفورڈ یونیورسٹی پریس کی سابقہ ڈائریکٹر امینہ سعید اور سب سے زیادہ فروخت ہونے والے ناول ” دی ڈائری آف ا سوشل بٹر فلائی" 2008ء کے مصنف مونی محسن شامل ہیں۔^[3] انعامات کے لیے منتخب ہونے والی بیشتر کہانیاں،، خواتین کے خلاف تشدد کے بارے میں ہیں جن میں بچوں کے ساتھ جنسی زیادتی ، گھریلو زیادتی ، خواتین کو اعلیٰ تعلیم کے حصول پر پابندی، قتل، جبری شادیوں، خواتین اور مردوں کے مابین دوہرے معیار اور عوامی مقامات پر خواتین کی رسائی شامل ہیں۔^[4]