دار العلوم جامعہ رضویہ مظہر الاسلام

اس کا مکمل نام مرکزی دار العلوم جامعہ رضویہ مظہر الاسلام گلستان محدث اعظم جھنگ بازار، فیصل آباد ہے۔

مولانا سردار احمد شیخ الحدیث و سابق صدرالمدرسین مدرسہ عالیہ اجمیر نے اس کی بنیاد رکھی اور خود اس کے پہلے صدر مدرس مقرر ہوئے۔ جامعہ رضویہ مظہر الاسلام کو گلستان محدث کے طور پر بھی پکارا جاتا ہے۔^[1]

یہ دار العلوم شہر کے گنجان آباد جھنگ بازار کے کاروباری علاقے میں واقع ہے۔ اس کی وسیع عمارت ہے اور ایک مسجد ہے جس کا مینار فیصل آباد کا سب سے اونچا مینار ہے اور یہ مینارہ نور ہے جہاں سے دینی تعلیم کی شعائیں تمام ملک میں پھیل رہی ہیں۔ اس جامعہ کے ساتھ ملک کے میں 50 سے زائد دوسرے مدارس بھی وابستہ ہیں خصوصاً فیصل آباد کی اکثر مساجد اور دینی اداروں میں جامعہ رضویہ سے فارغ التحصیل علما کام کر رہے ہیں۔ ان علما کی اپنے مدرسہ کے ساتھ بہت ہی محبت وانسیت ہے۔ اس لیے اس ادارہ کو بریلوی مسلک کی مرکزی درسگاہ کا مقام حاصل ہے۔^[2]

دار العلوم میں کتب خانہ کے لیے وسیع و عریض لائبریری کا کمرہ ہے یہاں کا کتب خانہ نہایت ہی عظیم الشان ہے اور اس وقت تک تقریباً بیس ہزار کتب لائبریری میں موجود ہیں جن میں درسی کتب، قلمی مسودے مطبوعہ و غیر مطبوعہ کتب دینی و اسلامی موضوعات پر نادر علمی کتابیں شامل ہیں۔ ^[3]