بھارتیہ جنتا پارٹی

مخفف	بی جے پی/بھاجپا
صدر	جے پی نڈا
پارلیمانی چیئرپرسن	نریندر مودی
لوک سبھا رہنما	نریندر مودی; (وزیر اعظم)
راجیہ سبھا رہنما	ارون جیٹلی; (وزیر خزانہ)
تاسیس	6 اپریل 1980 (44 سال قبل)
پیشرو	بھارتیہ جن سنگھ (1951−1977); جنتا پارٹی (1977−1980);
صدر دفتر	6-اے، دین دیال اُپادھیائے مارگ، ماتا سُندری ریلوے کالونی، منڈی ہاؤس،; نئی دہلی 110002
یوتھ ونگ	بھارتیہ جنتا یووا مورچا
خواتین وِنگ	بی جے پی مہیلہ مورچا
کسان ونگ	بے جے پی کسان مورچا
رکنیت	250 ملین (جولائی 2023)
نظریات	ہندوتوا; ہندو قوم پرستی; اٹوٹ مسلک انسانیت; قومی قدامت پسندی; سماجی قدامت پسندی; معاشی قوم پرستی; بائیں بازو عوامیت;
سیاسی حیثیت	دائیں بازو
بین الاقوامی اشتراک	بین الاقوامی جمہوریت پسند اتحاد; ایشیا بحر الکاہل جمہوریت پسند اتحاد;
ای سی آئی حیثیت	قومی جماعت
اتحاد	قومی جمہوری اتحاد (این ڈی اے)
لوک سبھا میں نشستیں	303 / 545 (موجودہ 541 ارکان + 1 اسپیکر)
راجیہ سبھا میں نشستیں	73 / 245 (موجودہ 244 ارکان)
حکومت میں ریاستوں و یونین علاقوں کی تعداد	17 / 31
ویب سائٹ
	www.bjp.org

بھارتیہ جنتا پارٹی (ہندی: भारतीय जनता पार्टी) المعروف "بی جے پی" بھارت کی ایک سیاسی جماعت ہے جو 1980ء میں قائم کی گئی۔ یہ اِس وقت (2020ء میں) بھارت کی حزب اقتدار قومی جمہوری اتحاد کی سب سے اہم جماعت ہے اس اس کے بعد 2014ء کے پارلیمانی انتخابات میں بڑی کامیابی کے بعد نریندر مودی کی قیادت میں اسنے مرکزی حکومت حاصل کرلی پھر یہ مختلف ریاستوں کے اسمبلی انتخابات میں فتح حاصل کرنے کے بعد کثیر ریاستوں کی حکمراں بن گئی،2019 میں دوبارہ کامیابی کے بعد یہ جماعت مزید اکثریت کے ساتھ ملک کے اقتدار پر قابض ہے، یہ جماعت کٹّر ہندو قوم پرستی (ہندوتوا) کی علمبردار ہے اور قدامت پسند سماجی حکمت عملیوں، خود انحصاری، قوم پرستانہ طرز عمل سے خارجہ حکمت عملی چلانے اور مستحکم قومی دفاع پر یقین رکھتی ہے۔

بی جے پی 1998ء سے 2004ء تک، دیگر جماعتوں کے ساتھ اتحاد کے ذریعے، اقتدار میں رہی اور اس عرصے میں سابق وزیر اعظم بھارت اٹل بہاری واجپائی اور سابق نائب وزیر اعظم بھارت لعل کرشن ایڈوانی ان کے نائب رہے 2014 کی مرکزی حکومت حاصل کرنے کے بعد سے تادم تحریرنریندر مودی وزیر اعظم ہیں۔اپنے قدامت پسندانہ نظریات کے باوجود بی جے پی پاکستان کے ساتھ قیام امن کی متعدد کوششیں کر چکی ہے جن میں 1999ء کا اعلان لاہور، 2001ء میں پرویز مشرف کا ناکام دورۂ بھارت اور 2004ء میں جنوبی ایشیائی آزاد تجارت کا معاہدہ اہم ہیں۔ تاہم بابری مسجد کے حوالے سے بی جے پی کے نظریات کو ہمیشہ تنقید کا نشانہ بنایا جاتا رہا ہے کیونکہ اس مسجد کے انہدام میں اس جماعت کے رہنما مبیّنہ طور پر ملوّث ہے - اس کے علاوہ یہ اس مسجد کی شہادت کے بعد اس مقام پر رام مندر کی تعمیر کے حق میں رائے رکھتی ہے۔ اس کے علاوہ صوبہ گجرات فسادات 2002ء میں بی جے پی حکومت کی سرپرستی میں ہوئے

جماعت کے موجودہ صدر جے بی نڈا ہیں جو امیت شاہ کے وزیر داخلہ بننے سے خالی ہوئی کرسی پر عبوری طور پر 2019 میں فائز ہوئے ،سابق وزیر اعظم اٹل بہاری واجپائی اس کے بانی صدر تھے جبکہ سابق نائب وزیر اعظم لعل کرشن ایڈوانی تین مرتبہ جماعت کی صدارت کے عہدے پر فائز رہے ہیں اس کے علاوہ ،امت شاہ ،راج ناتھ سنگھ اور نتن جے رام گڈکری اس کے دیگر صدور رہے ہیں۔

تاریخ

بھارتیہ جنتا پارٹی، آر ایس ایس (راشٹریہ سویم سیوک سنگھ) کی سیاسی بازو جن سنگھ کی موجودہ شکل ہے۔ 1977ء میں جن سنگھ کی حمایت سے جنتا پارٹی زیرِ اقتدار آئی۔ 1980ء میں اٹل بہاری واجپائی، لال کرشن اڈوانی اور بھیرون سنگھ شیخاوت نے مل کر بھارتیہ جنتا پارٹی کو تشکیل دی۔ اس کا پہلا صدر اٹل بہاری واجپائی رہے۔

آر ایس ایس اور وشوا ہندو پریشد کے ساتھ بی جے پی نے بھی رام جنم بھومی تنازع میں بڑھ چڑھ کر حصہ لیا اور بابری مسجد منہدم کر کے مندر کی تعمیر کی مانگ کی۔ 6 دسمبر1992 میں بی جے پی -آر ایس ایس - وشوا ہندو کے کارکنوں نے بابری مسجد کو منہدم کیا۔ اس کے بعد ملک کے مختلف حصّوں میں فرقہ وارانہ فسادات واقع ہوئے اور ایک ہزار سے زائد لوگ مارے گئے۔

1996ء میں انتخابات کے بعد بی جے پی کو 161 نشستیں ملیں اور گٹھ جوڑ کے توسّط سے 13 دن تک واجپائی نے وزیرِ اعظم کے عہدہ سنبھالا۔ لیکن اکثریت ثابت نہ کر سکا تو استعفی دینا پڑا۔ 1998ء کے انتخابات میں بی جے بی کا محاذ 182 نشستیں حاصل کر کے واجپائی دوبارہ عہدۂ وزیرِ اعظم پر فائز رہے۔ لیکن جیا للیتا کی قیادت والی جماعت نے انحراف کیا تو حکومت گر گئی۔

عام انتخابات کے نتائج

رسمی طور پر بھارتیہ جنتا پارٹی کی بنیاد 1980ء میں رکھی گئی اور 1984ء میں پہلی دفعہ پارٹی نے انتخابات میں حصہ لیا اور دو نشستوں پر کامیابی حاصل کی۔ اس کے بعد 1996ء کے انتخابات میں پہلی بی جے پی لوک سبھا میں دوسری سب سے بڑی پارٹی بنی اور حکومت بھی بنا لی مگر وہ بہت مختصر مدت کے لیے تھی۔^[17] اس کے بعد 1998ء اور 1999ء کے انتخابات میں سب سے زیادہ نشست حاصل کرنے والی پارٹی بنی اور دونوں دفعہ اتحادی حکومت بنائی مگر اتحاد کی سربراہی خود بی جے پی نے کی۔^[18] 2014ء کے عام انتخابات میں بی جے پی کو اکثریت حاصل ہوئی۔ 1991ء کے بعد سے جب بھی بی جے پی حکومت میں نہیں رہی ہے، پارلیمان میں حزب مخالف کے عہدہ پر اس کا رکن ضرور رہا ہے۔^[19] گذشتہ انتخابات کی مزید تفصیل کے لیے جنتا پارٹی اور بھارتیہ جن سنگھ سے رجوع کیا جا سکتا ہے۔


سال	مقننہ	پارٹی رہنما	نشستیں جیتیں	تبدیلی	شرح ووٹ	تبدیلی	نتیجہ	حوالہ۔
بھارت کے عام انتخابات، 1984ء	8ویں لوک سبھا	لال کرشن اڈوانی	2 / 533	2	7.74%	–	مخالف	^[20]
بھارت کے عام انتخابات، 1989ء	9ویں لوک سبھا	لال کرشن اڈوانی	85 / 545	83	11.36%	3.62%	اعتماد اور رسد for NF	^[21]
بھارت کے عام انتخابات 1991ء	10ویں لوک سبھا	لال کرشن اڈوانی	120 / 545	35	20.11%	8.75%	مخالف	^[22]
بھارت کے عام انتخابات 1996ء	11ویں لوک سبھا	اٹل بہاری واجپائی	161 / 545	41	20.29%	0.18%	حکومت، بعد میں مخالف	^[23]
بھارت کے عام انتخابات، 1998ء	12ویں لوک سبھا	اٹل بہاری واجپائی	182 / 545	21	25.59%	5.30%	حکومت	^[24]
بھارت کے عام انتخابات، 1999ء	13ویں لوک سبھا	اٹل بہاری واجپائی	182 / 545		23.75%	1.84%	حکومت	^[25]
بھارت کے عام انتخابات، 2004ء	14ویں لوک سبھا	اٹل بہاری واجپائی	138 / 543	44	22.16%	1.69%	مخالف	^[26]
بھارت کے عام انتخابات، 2009ء	15ویں لوک سبھا	لال کرشن اڈوانی	116 / 543	22	18.80%	3.36%	مخالف	^[27]
بھارت کے عام انتخابات، 2014ء	16ویں لوک سبھا	نریندر مودی	282 / 543	166	31.34%	12.54%	حکومت	^[28]
بھارت کے عام انتخابات، 2019ء	17ویں لوک سبھا	نریندر مودی	303 / 543	21	37.46%	6.12%	حکومت	^[29]

پارلیمان میں نمائندگی

لوک سبھا

راجیہ سبھا

حوالہ جات

بیرونی روابط

بھارتیہ جنتا پارٹی کی باضابطہ ویب گاہ آرکائیو شدہ (Date missing) بذریعہ bjp.org (Error: unknown archive URL)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

Search