ایس پی بالا سبرامنیم

شریپتی پنڈترادھیول بالسوبرامنیم (تیلگو: శ్రీపతి పండితారాధ్యుల బాలసుబ్రహ్మణ్యం ؛ انگریزی: S. P. Balasubrahmanyam؛ 4 جون 1946 – 25 ستمبر 2020) ایک بھارتی پلے بیک سنگر، اداکار، موسیقار، گلوکار اور فلم پروڈیوسر تھے۔۔ انھیں کبھی کبھی ایس پی بی یا ایس پی بالو کے نام سے بھی جانا جاتا ہے۔ انھوں نے چھ بار بہترین پلے بیک سنگر کے لیے نیشنل فلم ایوارڈ اور آندھرا پردیش حکومت کی طرف سے 25 بار تیلگو سنیما میں نندی ایوارڈ بھی جیتا۔

ایس پی بالا سبرامنیم
(تیلگو میں: ఎస్. పి. బాలసుబ్రహ్మణ్యం)
معلومات شخصیت
پیدائش	4 جون 1946ء   نیلور ضلع
وفات	25 ستمبر 2020ء (74 سال)[1]  چنئی [1]
وجہ وفات	کووڈ-19 [2]،  بندش قلب [2]
مدفن	نیلور ضلع
شہریت	بھارت
فنکارانہ زندگی
نوع	فلمی ،  ہندوستانی کلاسیکی موسیقی
آلہ موسیقی	صوت
پیشہ	پس پردہ گلوکار ،  گلو کار ،  نغمہ ساز ،  اداکار ،  فلم ساز ،  ریکارڈنگ آرٹسٹ
مادری زبان	تیلگو
پیشہ ورانہ زبان	تیلگو ،  تمل ،  کنڑ زبان ،  ہندی
اعزازات
پدم وبھوشن   (2021)[3] فلم فیئر اعزاز برائے بہترین پس پردہ گلوکار (1990) نندی اعزازات    فنون میں پدم شری   قومی فلم اعزاز برائے بہترین مرد پس پردہ گلوکار  پدم بھوشن
ویب سائٹ
ویب سائٹ	باضابطہ ویب سائٹ
	IMDB پر صفحہ[4]
درستی - ترمیم

انھوں نے ہندی، تلگو، ملیالم اور تمل سمیت تقریباً 16 زبانوں میں 40 ہزار کے قریب نغموں کو آواز دی^[5]. ایس پی بالا نے اپنے 55 سالہ کیریئر میں 40 ہزار سے زائد نغمے گائے جس پر انھیں گنیز بک آف ورلڈ ریکارڈ کا اعزاز بھی ملا، اُن کے رومانوی گیتوں نے کافی مقبولیت حاصل کی اور زبان زد عام تھے۔ ’ساگر سے گھیرا ہے پیار‘، دل دیوانہ بن سجناں کے، ہم بنے تم بنے ایک دوجے کے لیے اور ’آکے تیری بانہوں میں‘ نے مقبولیت کے ریکارڈ توڑ دیے تھے۔^[6]

ایس پی بالا سبرامنیم کی پیدائش نلور کے تلگو خاندان میں ہوئی تھی اور ان کے والد ایس پی سمبامورتی آرٹسٹ تھے۔ ایس پی بالاسبرمنیم کے نام سب سے زیادہ فلمی گانوں میں آواز دینے پر گنیز بکل آف ورلڈ ریکارڈ میں بھی درج ہے۔ ایس پی بالا کو پدم شری (2001) اور پدم بھوشن (2011) سے بھی نوازا گیا تھا۔ انھیں ایس پی بی اور بالو کے نام سے بھی جانا جاتا تھا۔

گلوکارہ ایس پی بالاسبرمنیم  کو سلمان خان کی آواز کہا جاتا تھا،  واضح رہے کہ  انھوں نے سلمان خان کی کئی مشہور فلموں  مثلا! ’میں نے پیار کیا‘، 'ہم آپ ہیں کون'، 'ساجن'، 'لَو'،  'پتھر کے پھول'،  'انداز اپنا اپنا'،   'سنگدل صنم'،   'جاگرُتی'،   'دل تیرا عاشق'، جیسی فلموں میں  گلوکاری کرنے والے ایس پی بالا ایک زمانے میں سلمان خان کی آواز بن گئے تھے۔ بالی ووڈ کے لیے انھوں نے ’میں نے پیار کیا‘، 'ہم آپ ہیں کون'، 'اندھا قانون'، 'ساجن'، '100 ڈیز'، 'چنئی ایکسپریس' اور 'انگار' جیسی فلموں میں اپنی آواز دی۔^[5]

بالی ووڈ کے مشہور گلوکار ایس پی بالا سبرامنیم کا 25 ستمبر کے روز 74 سال  کی عمر میں انتقال کرگئے۔ وہ کورونا انفیکشن میں بھی مبتلا تھے۔