امت شاہ

امت شاہ
مناصب
رکن راجیہ سبھا
	رکن مدت; 19 اگست 2017 – 29 مئی 2019
حلقہ انتخاب	گجرات
وزیر امور داخلہ
	آغاز منصب; 30 مئی 2019
	راج ناتھ سنگھ
معلومات شخصیت
پیدائشی نام	(انگریزی میں: Amit Anilchandra Shah)
پیدائش	22 اکتوبر 1964ء (60 سال) ; ممبئی
شہریت	بھارت
جماعت	بھارتیہ جنتا پارٹی
اولاد	جے شاہ
عملی زندگی
مادر علمی	جامعہ گجرات (بھارت)
پیشہ	سیاست دان
ویب سائٹ
ویب سائٹ	باضابطہ ویب سائٹ
	درستی - ترمیم

امت شاہ (انگریزی: Amit Shah)(ولادت: 22 اکتوبر 1964ء) بھارتی سیاست دان ہیں اور بھارتیہ جنتا پارٹی کے موجودہ صدر ہیں۔ وہ راجیہ سبھا کے رکن بھی ہیں۔امت شاہ سرکھیج اسمبلی حلقہ سے لگاتار چار مرتبہ (1997ء، 1998ء، 2002ء اور 2007ء) ایم ایل اے منتخب کیے گئے۔ وہ نریندر مودی کے بہت قریبی مانے جاتے ہیں۔ جب مودی وزیر اعلیٰ گجرات تھے تب شاہ کو حکومت میں اچھی پکڑ حاصل تھی۔ 2012ء میں وہ ناران پورہ اسمبلی حلقہ سے منتخب ہو کر ایم ایل اے بنے۔ بھارت کے عام انتخابات، 2014ء میں امت شاہ اتر پردیش کے انچارج بنے۔ اور دنیا کی سب سے بڑی جمہوریت کے سب سے بڑے انتخابی میلے میں سب سے بڑی ریاست میں بی جے پی نے اب تک کا سب سے بہتر نتیجہ دیا۔ 80 میں سے کل 73 نشستیں جیت کر امت شاہ نے اپنی مہارت، سیاسی قیادت اور بصیرت کا لوہا منوا لیا۔ اور اسی سال جولائی میں ان کو پارٹی کا صدر بنا دیا گیا۔^[5]ان کی قیادت میں بی جے پی نے مہاراشٹر، ہریانہ، جموں اور کشمیر، جھارکھنڈ اور آسام کے اسمبلی انتخابات میں کامیابی حاصل کی اور بی جے پی کی سرکار بنائی مگر دہلی، بہار، چھتیس گڑھ، راجستھان اور مدھیہ پردیش میں ہار کا سامنا کرنا پڑا۔ البتہ اتر پردیش، اتراکھنڈ، گجرات میں یک طرفہ کامیابی ملی ^[6] اور منی پور میں پارٹی کو مضبوط کیا۔ پنجاب میں شرومنی اکالی دل کے ساتھ اتحاد اس بار کام نہ آیا اور وہاں کی حکومت کانگریس کے پاس چلی گئی۔^[7]

ابتدائی زندگی

امت شاہ کی ولادت وو اکتوبر 1964ء کو ممبئی میں ہوئی۔^[8] ان کے والدین گجراتی قوم سے تعلق رکھنے والے ایک خوش حال بنیا تھے۔^[9]^[10]^[11] ان کے والد انل چندر شاہ منسا، گجرات میں ایک تاجر تھے۔^[12] انھوں نے مہسانا میں ابتدائی تعلیم حاصل کی اور اعلیٰ تعلیم کے لیے احمد آباد چلے آئے جہاں انھوں نے سی یو شاہ سائنس کالج میں حیاتی کیمیا کی پڑھائی کی اور بایو کیمسٹری میں بی ایس سے کی ڈگری حاصل کی۔ انھوں نے احمد آباد کے کئی بینکوں میں ملازمت بھی کی۔^[12] ۔^[13]بچپن سے ہی وہ راشٹریہ سویم سیوک سنگھ میں دلچپسی رکھتے تھے اور نزدیکی شاکھا (شاخ) میں مشق کرتے تھے۔احمدآباد میں قیام کے دوران میں انھوں نے باضابطہ طور پر آرایس ایس کی رکنیت حاصل کی۔^[9] نریندر مودی سے ان کی پہلی ملاقات 1982ء میں احمدآباد آر ایس ایس کے پروگرام میں ہوئی۔^[9] اس وقت مودی تنظیم کے مبلغ تھے اور نوجوانوں کے صدر بھی۔^[12]

انتخابی نتائج

انتخاب	سال	حلقہ	نتیجہ	ووٹ	% ووٹ	ماخذ
گجرات قانون ساز اسمبلی (ضمنی انتخابات)	1997	سرکھیج	جیت	76,839	56.10%	^[14]
گجرات قانون ساز اسمبلی	1998	سرکھیج	جیت	193,373	69.81%	^[15]
گجرات قانون ساز اسمبلی	2002	سرکھیج	جیت	288,327	66.98%	^[16]
گجرات قانون ساز اسمبلی	2007	سرکھیج	جیت	407,659	68.00%	^[17]
گجرات قانون ساز اسمبلی	2012	نارن پورہ اسمبلی حلقہ	جیت	103,988	69.19%	^[18]
بھارت کے عام انتخابات، 2019ء	2019	گاندھی نگر لوک سبھا حلقہ	جیت

حوالہ جات

[5]

[6]

[7]

[2]

[3]

[4]

[8]

[9]

[10]

[11]

[12]

[13]

[14]

[15]

[16]

[17]

[18]