امریتا سنگھ

امرتا سنگھ ورک 9 فروری 1958ء کو مغربی پاکستان کے شہر ہڈالی میں ایک پنجابی مسلم والدہ رخسانہ سلطانہ اور ایک پنجابی جاٹ سکھ والد، فوجی افسر شیوندر سنگھ ورک، جاگیردار گھرانے میں پیدا ہوئیں۔^[3][4] ان کی والدہ 1970ء کی دہائی میں ہندوستانی ایمرجنسی کے دوران سنجے گاندھی کی سیاسی ساتھیوں میں سے ایک تھیں، جنھوں نے پرانی دہلی کے مسلم علاقوں میں سنجے گاندھی کی نس بندی کی مہم کی قیادت کرنے کے لیے جانی جاتی ہیں۔^{[5][6][7][8][9]}

امرتا سنگھ ناول نگار خوشونت سنگھ کی بھانجی ہیں۔ اداکارہ بیگم پارہ ان کی چاچی ہیں اور ان کے شوہر ناصر خان تھے، جو دلیپ کمار کے بھائی ہیں۔ اداکار ایوب خان، امرتا سنگھ کے دوسرے کزن ہیں۔^[4] امرتا سنگھ ورک شاہ رخ خان کی بچپن کی دوست تھیں۔ ان دونوں کی ماؤں نے اکثر دہلی کے علاقے میں ایک ساتھ کام کیا اور شاہ رخ خان کی بہن شہناز اور امرتا سنگھ ایک ہی اسکول میں ساتھ میں پڑھتے تھے۔^[10]

امرتا سنگھ نے نئی دہلی کے ماڈرن اسکول میں تعلیم حاصل کی تھی اور وہ انگریزی، پنجابی اور ہندی زبانوں میں مہارت رکھتی ہیں۔^[11]

امرتا سنگھ جنوری 1991ء میں اداکار سیف علی خان سے شادی کی۔ امرتا کی پرورش سکھ مذہب کو مانتے والے گھرانے میں ہوئی تھی۔ انھوں نے شادی سے قبل ہی اسلام قبول کیا اور یہ شادی اسلام کے مطابق ہوئی۔^[12]

• بھارتی فلمی اداکارا ؤں کی فہرست
• بھارتی سنیما