اردن یونیورسٹی

سنہ 1962ء میں ایک شاہی فرمان کے ذریعہ شمالی عمان میں اردن یونیورسٹی کا قیام عمل میں آیا۔ یونیورسٹی کے آس پاس کا علاقہ عمان کے شہری اضلاع میں شامل ہے اور یونیورسٹی ضلع کہلاتا ہے۔

سنہ 1973ء میں یونیورسٹی کا ہسپتال قائم ہوا۔ نیز یونیورسٹی شاہ حسین کینسر سینٹر سے بھی ملحق ہے جو امریکا سے باہر قائم ہونے والا پہلا کینسر سینٹر ہے۔

اردن یونیورسٹی کے سینکڑوں معاہدے ہوئے ہیں جن میں سے بیشتر معاہدے طلبہ کے تبادلہ پروگرام سے متعلق ہیں، تبادلہ کے ان معاہدوں میں 16 معاہدے صرف امریکی یونیورسٹیوں مثلاً وینڈربلٹ یونیورسٹی اور مرے اسٹیٹ یونیورسٹی سے ہیں۔

• انٹرنیشنل ایسوسی ایشن آف یونیورسٹیز
• وفاق الجامعات برائے عالمی اسلام
• میڈی ٹیرینیئن یونیورسٹیز یونین
• ایسوسی ایشن آف عرب یونیورسٹیز

اردن یونیورسٹی کی طلبہ یونین یونیورسٹی کے طلبہ کی متحدہ تنظیم ہے۔ 80 اراکین پر مشتمل طلبہ کاؤنسل جسے پہلے اتحاد طلبہ کہا جاتا تھا، کا انتخاب ہر سال ہوتا ہے۔ یہ کاؤنسل یونیورسٹی کے طلبہ اور انتظامیہ کے مابین رابطہ کا کام کرتی ہے اور طلبہ سے متعلق اہم امور میں انتظامیہ کا تعاون بھی کرتی ہے۔ اسی طلبہ کاؤنسل کے زیر اہتمام طلبہ کا ماہانہ رسالہ "صوت الطلبہ" شائع ہوتا ہے۔

طلبہ یونین کے قیام کے وقت اس کے اصول و ضوابط بھی طے کیے گئے تھے جو وقت کے ساتھ ساتھ بدلتے رہے۔ ان ضوابط کا موجودہ نسخہ طلبہ کی اس کمیٹی کا تحریر کردہ ہے جس میں حمدون خطیب، ملک خلیلہ، خالد غبا، یاسمین ابو طالب، عصام خوری شامل تھے اور ان کے ساتھ انتظامی اراکین میں ڈاکٹر علی محافظہ، ڈاکٹر علی بدران، ڈاکٹر علی سوا شریک تھے۔ ضوابط کا یہ تازہ ترین نسخہ سنہ 2008ء میں نافذ ہوا۔

• وزارت تعلیم، اردن
• وزارت اعلی تعلیم و سائنسی تحقیق، اردن
• American University of Madaba (AUM)
• University of Jordan Guys Forum
• University of Jordan Official website
• Faculty of Agriculture
• Faculty of Foreign Languages
• Faculty of Arts
• Center for Strategic Studies Jordanآرکائیو شدہ (Date missing) بذریعہ css-jordan.org (Error: unknown archive URL)