Корманай
Корманай — Башкортстанның Авыргазы районында урнашкан татар авылы. 2010 ел җанисәбен алу буенча биредә 306 кешенең яшәве мәгълүм.[1]
| Халык саны | 324 (2002, Җанисәп), 301 (2009, Җанисәп), 306 (2010, Җанисәп)  |
|---|---|
| География | |
| Ил | Россия |
| Координатлар | 54°8'12"тн, 55°38'19"кнч |
| Почта индексы | 453477 |
 | |
Тарихи белешмә
Корманай авылына нигезне Корманай Газиев исемле милләттәшебез салган. Аннан соң бу төбәккә башка гаиләләр дә күченеп утыра. Шулай да бүгенге көндә бу авылда нәкъ менә аңа беренче нигез салган кешенең нәсел-нәсәпләре — Газиевлар фамилияле гаиләләр күпчелекне тәшкил итә дисәң дә була.
Милләтебезгә бик күп укымышлы һәм булдыклы кешеләрне биргән Корманай. Атаклы галимнәр – фән докторлары һәм кандидатлары, танылган табиблар, укытучылар, сәнгать әһелләре һәм башка һөнәр ияләре авылның данын арттыра. Аеруча танылган җырчыбыз, Башкортстанның һәм Татарстанның халык, Россия Федерациясенең атказанган артисты, Салават Юлаев исемендәге дәүләт бүләге иясе Идрис Газиев белән горурлана авылдашлары.
Корманай авылына 250 ел тулуны район дәрәҗәсендә зур бәйрәм сыйфатында билгеләделәр.
Танылган кешеләр
- Гыйбадулла Алпаров — татар теле галиме
- Гарифулла Алпаров — революционер
- Идрис Газиев — җырчы
- Ислам Газиев (1929), Социалистик Хезмәт Каһарманы.
- Фирүзә Хәлдәрованың ({11.10.196?), җырчы, 1995 елдан Үзбәкстан дәүләт филармониясенең Хор капелласы артист-вокалисты (солист), БР атказанган (2011), ТР атказанган (2014) һәм халык (2023) артисты, әнисе туган авыл.
Демография
Халык саны динамикасы:
| 2002[2] | 2009[2] | 2010[1] |
|---|---|---|
| 324 | 301 | 306 |
96% халкы — татарлар
Искәрмәләр
Сылтамалар
http://tat.tatar-inform.ru/news/2007/07/16/26722/ 2016 елның 4 март көнендә архивланган.http://ktrb.ru/print/awil-6997.html Авыл яшәсә генә ил яшәр