Вәкил Закиров
Вәкил Закиров, Вәкил Закир улы Закиров, рус. Закиров Вакиль Закирович (1928 ел, ТАССР, Кызыл Йолдыз районы, Кече Сөлчә авылы — 1969 ел, Казан) — драма актеры, Мамадыш татар театры (1946-1949), Г. Камал исемендәге Татар дәүләт академия театры (1951-1969) артисты.
| Вәкил Закиров | |
|---|---|
| Файл:.jpg | |
| Туган телдә исем | Вәкил Закир улы Закиров |
| Туган | 1928 ТАССР, Мамадыш кантоны Кече Сөлчә |
| Үлгән | 1969 Казан |
| Яшәгән урын | Горький урамы, 13[1] |
| Милләт | татар |
| Ватандашлыгы | .svg){kind=small} СССР |
| Әлма-матер | Русия театр сәнгате университеты[d] һәм Казан театр укуханәсе |
| Һөнәре | драма актеры |
| Эш бирүче | Мамадыш татар театры һәм Галиәсгар Камал исемендәге Татар театры |
Тәрҗемәи хәле
1928 елда ТАССР Мамадыш кантоны (соңрак Кызыл Йолдыз районы[2]) Кече Сөлчә авылында туган. Татар театр техникумын (1951), Мәскәү театр институтын (ГИТИС) (1957) тәмамлаган.
- 1946-1949 Мамадыш татар театрында эшли.
- 1951-1969 Татар академия театрында эшли.
Иҗаты
Киң диапазонлы артист. Амплуасы — тискәре образларны тамашачы ышандырырлык итеп уйнау.
Уйнаган рольләре
Камал театрында уйнаган беренче рольләре — эшче егет Рөстәм («Профессор кияве», Шәриф Хөсәенов әсәре, режиссеры Габдулла Йосыпов), ат карагы Мингали («Зәңгәр шәл», Кәрим Тинчурин әсәре, Фуат Халитов белән алмашлап уйный).
- Алчын — «Хуҗа Насретдин» Нәкый Исәнбәт
- Баһави — «Һиҗрәт» Нәкый Исәнбәт
- Гофрай — «Миркәй белән Айсылу» Нәкый Исәнбәт
- Мирзахан — «Ташкыннар» Таҗи Гыйззәт
- Сабир — «Чаткылар» Таҗи Гыйззәт
- Байморат — «Кыю кызлар» Таҗи Гыйззәт
- Габбас — «Без аерылышмабыз» Шамил Шаһгали
- Хәйрүш — «Таң атканда» Шамил Шаһгали
- Рөстәм — «Профессор кияве» Шәриф Хөсәенов
- Талип — «Миңлекамал» Мирсәй Әмир
- Сөнгать — «Җилкәнсезләр» Кәрим Тинчурин
- Ләбиб — «Киек Каз Юлы» Аяз Гыйләҗев
- Рамазан — «Янар чәчәк» Илдар Юзеев
- Де Брюсс — «Фаҗигале юлда» А. Муис
- Шаһит — «Миләүшәнең туган көне» Туфан Миңнуллин
- Закир — «Татар хатыны ниләр күрми» Галимҗан Ибраһимов һ.б.
Кызыклы факт
«Миләүшәнең туган көне» спектаклендә (Т. Миңнуллин әсәре, режиссеры М. Сәлимҗанов) Вәкил Закиров төп рольдә — Шаһит (рәссамнар берлеге җитәкчесе) ролендә кыяфәте белән Харис Якуповка нык охшаган булган, Х. Якупов спектальне репертуардан төшереп калдыруны сорап, өлкә комитетына барган[3].
Чыганаклар
- Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0
Әдәбият
- И. Илялова. Камал театры артистлары. Казан: ТКН, 1999. ISBN 5-298-00708-2
- Ә. Шакиров. Исемсез артист. «Сәхнә», 2016 ел, № 7.