Вестволл Хансен Гюда
Гюда Вестволл Хансен (норв. Gyda Westvold Hansen; 20 апрель 2002) — Норвегиянең чаңгычысы, чаңгы буенча икебәйгедә чыгыш ясый. 2021 елда дөнья чемпионы, Үсмерләр Олимпия уеннары-2020 чемпионы. IL Nansen клубы өчен чыгыш ясый.
| Вестволл Хансен Гюда | |
|---|---|
 | |
| Туган | 20 апрель 2002[1][2][3] (22 яшь) Тронһейм, Норвегия |
| Ватандашлыгы |  Норвегия[2] |
| Һөнәре | ике төр чаңгы ярышчысы, тырамплиннән сикерүче |
2021 елда тарихта беренче тапкыр хатын-кыз арасында чаңгы икебәйгесе буенча дөнья чемпионы була[4]. Ул шулай ук шәхси ярышта 2021 елда юниорлар арасында дөнья чемпионы, 2019 һәм 2020 елларда бу турнирда көмеш призер. Вестволл Хансен шулай ук норвегия җыелма командасы составына керә, катнаш командасы алтын медаль яулый, 2020 елда Кышкы үсмерләр Олимпия уеннарында катнаш команда ярышларында алтын медаль яулаган Норвегия командасы составында була.
Ул — чаңгычы Йохауг Терезаның ике туган сеңлесе[5].
Карьерасы
Вестволл Хансен Рамзауда 2020 елның 18 декабрендә беренче һәм әлегә бердәнбер хатын-кыз арасында чаңгы икебәйгесе буенча дөнья кубогы ярышларында катнаша. Ул HS98 трамплиннан сикергәннән соң алга чыга[6], ләкин Тара Герати-Моут 5 чакрымга йөгерүдә аны узып китә. Нәтиҗәдә Гюда финишка икенче булып килә[7].
Вестволл Хансен исәбендә тагын да 5 шәхси җиңү һәм чаңгы икебәйге буенча Континенталь кубокта 15 подиум[8]. Ул шулай ук трамплиннан сикерү буенча махсус ярышларда катнаша һәм 2 Контененталь кубок ярышларында җиңә[9].
Нәтиҗәләре
Нәтиҗәләренең чыганагы булып Чаңгы спортының халыкара федерациясе (FIS)[10] тора.
Дөнья чемпионаты
- 1 медаль (1 алтын)
| Ел | Яше | NH-ТӨРКЕМНӘРЕ |
|---|---|---|
| 2021 | 18 | Алтын |