Al-Buruj
Ang al-Burūj[2] (Arabe: البروج, "Ang mga Dakilang Bituin") ay ang ika-85 kabanata (surah) ng Quran na may 22 talata (ayat).[3] Kadalasang sinasalin ang salitang "Al-Burooj" sa unang talata bilang 'bituin', o mas partikular, 'mga dakilang bituin'.[4] Ang salitang Al-Burooj ay ang maramihang anyo ng Burj na nangangahulugang kuta o tore; isang bagay na makikita mula sa malayo.
| البروج Al-Burūj Ang mga Dakilang Bituin[1] | |
|---|---|
| Klasipikasyon | Makkan |
| Blg. ng talata | 22 |
| Blg. ng zalita | 109 |
| Blg. ng titik | 469 |
Buod
- 1-7 Sinumpang masunog sa apoy ang mga umuusig sa mga naniniwala
- 8-9 Inuusig ang mga naniniwala para sa kanilang pananampalataya sa Diyos
- 10-12 Apoy sa impiyerno ang para sa mga taong walang pananampalataya, subalit Paraiso para sa mga naniniwala
- 13-16 Ang Diyos ang Manlilikha at Pinakamakapangyarihang Pinuno ng Sansinukob
- 17-20 Mga halimbawang Paraon at Thamoud upang bigyan babala ang mga tumatanggi sa Quran
- 21 Pinapanatili ang maluwalhating Quran sa Iningatang Tableta [5]
Nagbukas ang surah sa isang panunumpa sa langit na puno ng mga bituin: sa langit na naglalaman ng mga dakilang bituin.
Eksegesis
4-8 Mga tao sa hukay
Nagbigay ng kani-kaniyang iba't ibang mga bersyon ang mga tagapagpaliwanag sa kuwento na tinutukoy sa mga talatang 4–8: pag-uusig ni Dhu Nuwas ng mga Kristiyano sa Yemen, pag-uusig ni Nebuchadnezzar, at ang mga tao ng hukay. Naitala na sinunog ni Dun Nuwas ang 20,000 Kristiyano ng buhay sa isang nasusunog na hukay dahil tumanggi silang magpalit ng pananampalataya sa Hudaismo.[6]
22 'iningatang tableta'
Nagsagawa ang mga eksegetas ng Quran ng iba't ibang pagpapakahulugan ng katawagang 'iningatang tableta' sa talata 22. Sa surah na ito, ang ugnayan ng Quran sa 'Iningatang Tableta' ay naiuugnay sa mga bituing 'Al-Buruj' sa kalangitang 'Al-Sama'. Ipinaliwanag ng ilan sa Mu'tazila na unang nilikha ang mga pahayag sa iningatang tableta. Mukhang malapit ang 'Iningatang Tableta' sa isa pang katawagan, ang 'Ina ng lahat ng mga aklat' (umm al-kitab), na binanggit sa Ar-Ra'd 13:39 at Az-Zukhruf 43:4.[7]