Choi Si-won

Mayroong nakababatang kapatid na babae si Siwon - si Jiwon. Kasalukuyang CEO ang kanyang ama ng Boryung Medience, isang kompanyang parmasyutiko.^[2] Nakapagtapos siya sa Gu Jeong High School noong Pebrero 2006. Debotong Protestanteng Kristyano si Siwon, tulad ng binanggit niya sa isang panayam na sa pagtapos ng kanyang karera, nais niyang maging isang misyonaryo.^[3]

Namataan si Siwon ng isang ahenteng pang-talento mula sa SM Entertainment noong 16 taong gulang pa lamang siya habang hinihintay niya ang kanyang mga kaibigan sa harap ng kanilang paaralang pang-mataasan. Inirekomenda sa kanya ng ahente na mag-awdisyon para sa Starlight Casting System ng naturang kompanya. Nag-awdisyon siya nang walang pahintulot mula sa kanyang mga magulang; napaalalahanan naman ang kanyang mga magulang pagkatapos niyang pumasa sa mga awdisyon. Baga ma't pinayagan siya ng mga magulang niya na pumirma ng kontrata sa SM Entertainment, hindi siya binigyan ng ano mang tulong dahil sa pagnanais nilang akuin ni Siwon ang mga responsibilidad niya sa kanyang mga gawain.^[4]

Matapos ay lumipat siya sa dormitoryo kasama ng kanyang mga katuwang sa pag-ensayo at inensayo siya sa larangan ng pag-awit, pag-arte, at pag-sayaw. Itinampok siya sa isang music video ni Dana ng The Grace habang ineensayo siyang bilang soloista noong 2003. Pagkatapos ng isang taon, gumawa ng maikling pagpapakita si Siwon sa isang munting drama na Precious Family at umulit noong 2005 sa Eighteen Twenty-Nine ng KBS Drama bilang batang Kang Bong-man at pangsuportang papel ni Park Sang-woo sa Spring Waltz noong 2006.

Naglabas ng anunsiyo ang SM Entertainment na opisyal siyang magde-deybyu bilang isa sa mga labindalawang kasabi ng bandang pangkalalakihan. Ilang buwan bago ang debut ng Super Junior 05, isinagawa ni Siwon ang unang opisyal na pagpapakitang pang-medya kasama ang ka-bandang si Han Geng bilang isa sa mga modelong pangt-runway sa isang fashion show ni Bum Suk.

Opisyal na nagsimula si Siwon na bahagi ng Super Junior 05 na binubuo ng 12 kasapi noong ika-6 ng Nobyembre 2005 sa programang pang-musika ng SBS na Popular Songs kung saan itinanghal nila ang kanilang kauna-unahang sensilyong "Twins (Knock Out)".^[5][6] Ang kanilang debut album na SuperJunior05 (Twins) ay inilabas pagkalipas ng isang buwan noong ika-5 ng Disyembre 2005 at umakyat sa ika-3 sa buwanang MIAK K-pop album charts.

Noong Marso 2006, nagsimulang maghanap ang SM Entertainment ng mga bagong kasapi para sa susunod na henerasyon ng Super Junior. Subalit nag-iba ang mga plano at huminto ng naturang kumpanya sa pagbuo ng magiging henerasyon ng Super Junior. Kasunod ng pagkaka-dagdag ng ika-labingtatlong kasapi na si Kyuhyun, itinanggal ng grupo ang hulaping "05" at naging opisyal na rin ang pangalang "Super Junior".^[7] Ang unang CD sensilyo ng kaka-bagong grupo "U" ay inilabas noong ikaw-7 ng Hunyo 2006, na siyang pinaka-matagumpay nilang sensilyo hanggang sa paglabas ng "Sorry, Sorry" noong Marso 2009.^[8]