Pangasiwaan sa Edukasyong Teknikal at Pagpapaunlad ng Kasanayan
Ang Pangasiwaan sa Edukasyong Teknikal at Pagpapaunlad ng Kasanayan[1][2] (Ingles:Technical Education and Skills Development Authority o TESDA [ˈtɛsda]) ay nagsisilbing awtoridad ng Pilipinas para sa Teknikal na Edukasyong Bokasyonal at Pagsasanay (Technical Vocational Education and Training o TVET). Bilang isang ahensiya ng pamahalaan, ginagawa ng TESDA ang parehong pamamahala at pangangasiwa ng Edukasyong Teknikal at Pagpapaunlad ng Kasanayan (Technical Education and Skills Development o TESD). Layunin ng ahensiya ang paunlarin ang puwersa ng paggawa na "may kakayahan sa uring-pandaigdigan at positibong pagpapahalaga sa trabaho" at upang magbigay ng dekalidad na edukasyong teknikal at maunlad na kasanayan sa pamamagitan ng mga direksyon, patakaran, at programa nito.[3]
![]() Logo | |
![]() Gusali ng TESDA sa Taguig | |
Buod ng Kagawaran | |
---|---|
Pagkabuo | 25 Agosto 1994 |
Punong himpilan | Gusali ng TESDA 15, Daang East Service, Brgy. Kanluraning Bicutan, Taguig, Kalakhang Maynila, Pilipinas |
Taunang badyet | ₱12,970,000,000 (2020) |
Tagapagpaganap Kagawaran |
|
Pinagmulan na Kagawaran | Kagawaran ng Paggawa at Empleo |
Websayt | tesda.gov.ph |
Kayariang pang-organisasyon
Lupon ng TESDA
Minandato ng Batas Republika Blg. 7796 na magsilbi bilang kasapi ng Lupon ng TESDA ang mga sumusunod:[4]
- Ang Kalihim ng Paggawa at Empleo bilang Tagapangulo
- Ang Kalihim ng Edukasyon, Kultura, at Isports (Kalihim ng Edukasyon ngayon) at ang Kalihim ng Kalakalan at Industriya bilang mga Kasamang-Tagapangulo
- Ang Kalihim ng Agrikultura, ang Kalihim ng Interyor at Pamahalaang Lokal, at Pangkahalatang-Direktor ng Kalihiman ng TESDA bilang mga kasapi.