Pambansang Pamantasang Sentral

Ang Pambansang Pamantasang Sentral (Ingles: National Central University, NCU, Tsino: 國立中央大學, Kuo-Li Chung-yang Ta-hsüeh, o 中大, Chung-ta) ay itinatag noong 1915 na may ugat sa institusyong itinatag noong 258 CE sa Tsina. Itinatag sa Nanjing noong 1915, ang NCU noon ay ang nangungunang akademikong sentro sa timog-silangang Tsina.^[1] Ang NCU sa Nanking ay naging ang Unibersidad ng Nanjing noong 1949, at ang dating kampus ay naging tahanan ng Nanjing Institute of Technology na napalitan naman bilang Southeast University dahil lumipat pa ng kampus ang Unibersidad ng Nanjing noong 1952,^[2] Ang NCU ay muling itinatag sa Taiwan noong 1962. Unang itinatag ang paaralan sa Miaoli, ngunit nirelokeyt sa Zhongli noong 1968, at binuo bilang isang komprehensibong unibersidad. Ito ngayon ay ang nangungunang unibersidad sa Taiwan sa mga nlarangan ng drama, araling pampelikula, araling pangkultura, araling pangkasarian, araling Hakka, heopisika, agham pangkalawakan, remote sensing, astronomiya, optoelectronika, nanoteknolohiya, at pamamahala.