Miss World 1962

Ang mga kalahok mula sa tatlumpu't-talong mga bansa at teritoryo ay napili upang lumahok sa kompetisyon. Dalawang kandidata ang nailuklok upang kumatawan sa kanilang mga bansa/teritoryo matapos maging runner-up sa kanilang pambansang kompetisyon, o napili sa isang casting process.

Dapat sanang lalahok si Miss España 1962 Maruja García sa edisyon ito. Gayunpaman, dahil nanalo na ito sa Miss Europe, siya pinalitan ng kanyang runner-up na si Conchita Roig upang lumahok sa Miss World.^[7][8] Iniluklok ang second runner-up ng Miss Dominion of Canada 1962 na si Marlene Leeson matapos suwayin ng orihinal na Miss Dominion na si Marilyn McFatridge ang kontrata nito sa organisasyon.^[9][10]

Bumalik sa edisyong ito ang mga bansang Hamayka at Portugal na huling sumali noong 1959, at Hordan at Kanada na huling sumali noong 1960.

Hindi sumali sina Rosemarie Lederer Aguilera ng Bulibya, Nouhad El Cabbabe ng Libano, María Isabel Maas Uhl ng Paragway, at Philda Ragland ng Rhodesia at Nyasaland dahil sa hindi isiniwalat na dahilan. Hindi sumali si Zeynep Ziyal ng Turkiya dahil mas pinili na lamang nito na magpakasal. Hindi sumali si Carolina Nouel ng Republikang Dominikano matapos nitong hindi sumulpot sa Londres. Hindi sumali ang Suriname matapos na mabigo ang kanilang mga organisasyong pambansa na magdaos ng kompetisyong pambansa o magtalaga ng kalahok.

Dapat sanang sasali si Vaea Bennett ng Tahiti, subalit bumitiw ito matapos tanggapin ang alok na gumawa ng mga pelikula. Inimbitahan din ng may-ari ng Miss World Organization na si Eric Morley ang mga bansang Unyong Sobyetiko at Kuba upang magpadala ng kandidata, ngunit hindi tinugunan ng mga bansa ang imbitasyong ito.^[11]

Tulad noong 1961, labinlimang semi-finalist ang napili sa pamamagitan ng paunang kompetisyon na ginanap sa araw ng pinal na kompetisyon na binubuo ng swimsuit at evening gown competition. Nakipanayam kay Peter West ang mga labinlimang semi-finalist, at kalaunan ay napili ang walong pinalista na sumabak sa final interview.

• Lord John Jacob Astor – Mamamahayag ng Ingles at may-ari ng The Times of London^[13]
• Gracie Fields – Aktres, komedyante, at mangaawit na Ingles^[13]
• Leslie McDonnell – Manunulat na Ingles^[13]
• Bob Hope – Amerikanong aktor at komedyante^[14]
• Charles Eade – Mamamahayag at miyembro ng Council of the Commonwealth Press Union^[13]
• Lady Margaret Simons-Kimberley – Miyembro ng British High Society^[13]
• Robert Boothby, Baron Boothby – Dating Parliamentary Secretary to the Ministry of Food ng Reyno Unido^[13]
• Jenifer Unite-Armstrong-Jones – Asawa ng manananggol at sundalong si Ronald Armstrong-Jones^[14]
• Richard Todd – Ingles na aktor^[15]

Tatlumpu't-talong kandidata ang lumahok para sa titulo.^[16]

Bansa/Teritoryo	Kandidata	Edad[a]	Bayan
Alemanya	Anita Steffen[17]	20	–
Arhentina	María Amalia Ramirez[18]	17	Santa Fe
Austrya	Inge Jaklin[19]	21	Viena
Bagong Silandiya	Maureen Te Rangi Rere I Waho Kingi[20]	20	Rotorua
Belhika	Christine Delit[21]	22	Liege
Beneswela	Betsabé Franco[22]	20	Caracas
Brasil	Vera Saba[23]	18	Guanabara
Dinamarka	Rikki Stisager[23]	19	Aalborg
Ekwador	Elaine Ortega	–	Pichincha
Espanya	Conchita Roig	27	Barcelona
Estados Unidos	Amadee Chabot[24]	17	Northridge
Gresya	Glasmine Moraitou[25]	23	Atenas
Hamayka	Chriss Leon[26]	20	Kingston
Hapon	Teruko Ikeda[27]	19	Himeji
Hordan	Leila Emile Khadder	18	Aman
Indiya	Ferial Karim[28]	23	Bombay
Irlanda	Muriel O'Hanlon	19	Dublin
Israel	Ilana Porat	19	Tel-Abib
Italya	Raffaella da Carolis[29]	20	Umbria
Kanada	Marlene Leeson[30]	19	Scotia
Luksemburgo	Brita Gerson	18	Lungsod ng Luksemburgo
Lupangyelo	Rannveig Ólafsdóttir[31]	18	Reikiavik
Olanda	Catharina Lodders[32]	20	Haarlem
Pinlandiya	Kaarina Leskinen[33]	17	Helsinki
Portugal	Palmira Ferreira	18	Lisboa
Pransiya	Monique Lemaire[34]	20	Paris
Republika ng Tsina	Roxsana Chiang[35]	19	Taipei
Reyno Unido	Jackie White[36]	20	Derbyshire
Suwesya	Margareth Melin	21	Estokolmo
Timog Aprika	Yvonne Ficker[37]	18	Johannesburg
Timog Korea	Chung Tae-ja[38]	23	Seoul
Tsipre	Magda Michailides	18	Nicosia
Urugway	María Noel Genovese[22]	18	Montevideo

• Opisyal na website