Miss Universe 2003
Ang Miss Universe 2003 ay ang ika-52 edisyon ng Miss Universe pageant, na ginanap sa Figali Convention Center, Lungsod ng Panama, Panama noong 3 Hunyo 2003.[1][2]
Miss Universe 2003 | |
---|---|
![]() Amelia Vega | |
Petsa | 3 Hunyo 2003 |
Presenters |
|
Entertainment |
|
Pinagdausan | Figali Convention Center, Lungsod ng Panama, Panama |
Brodkaster | Internasyonal: Opisyal:
|
Lumahok | 71 |
Placements | 15 |
Bagong sali | Serbya at Montenegro |
Hindi sumali |
|
Bumalik |
|
Nanalo | Amelia Vega![]() |
Congeniality | Kai Davis ![]() |
Pinakamahusay na Pambansang Kasuotan | Amelia Vega ![]() |
Photogenic | Carla Tricoli ![]() |
Pagkatapos ng kompetisyon, kinoronahan ni Justine Pasek ng Panama si Amelia Vega ng Republikang Dominikano bilang Miss Universe 2003.[3][4] Ito ang kauna-unahang tagumpay ng Republikang Dominikano sa kasaysayan ng kompetisyon. Nagtapos bilang first runner-up si Mariángel Ruiz ng Beneswela, samantalang nagtapos bilang second runner-up si Cindy Nell ng Timog Aprika.[5][6]
Mga kandidata mula sa pitumpu't-isang bansa at teritoryo ang lumahok sa kompetisyong ito. Pinangunahan nina Billy Bush at Daisy Fuentes ang kompetisyon. Nagtanghal sina Chayanne at Bond sa edisyong ito. Ito ang unang edisyon na ipinalabas sa NBC.
Kasaysayan
![](http://upload.wikimedia.org/wikipedia/commons/thumb/0/0d/Panamacity.png/250px-Panamacity.png)
Lokasyon at petsa ng kompetisyon
Sa pagtatapos ng Miss Universe 2002, inanunsyo ng mga host na sina Phil Simms at Daisy Fuentes na ang ika-52 edisyon ng kompetisyon ay magaganap sa Lungsod ng Panama, Panama. Ito ang ikalawang beses na naganap ang kompetisyon sa Panama; nag unang pagkakataong idinaos ang kompetisyon ay naganap noong 1986.[7][8] Naganap ang kompetisyon sa noo'y-kakagawa lang na Figali Convention Center.[9]
Dahil sa SARS outbreak na naganap noong panahong iyon, hinihiling ng noo'y-alkalde ng Lungsod ng Panama na si Juan Carlos Navarro na magpakita ng mga medikal na sertipikasyon at iba pang mga dokumento ang mga kandidata na nakasulat sa wikang Ingles at Espanyol nang hindi bababa sa dalawang araw bago sila dumating sa Lungsod ng Panama upang matiyak na hindi kakalat ang virus sa lungsod, gayundin sa bansang Panama.[10]
Pagpili ng mga kalahok
Ang mga kalahok mula sa pitumpu't-isang bansa at teritoryo ay napili upang lumahok sa kompetisyon. Limang kandidata ang napili matapos ang pag-urong ng orihinal na kalahok.
Mga pagpalit
Iniluklok si Nour El-Semary bilang kinatawan ng Ehipto matapos bumitiw si Miss Egypt 2003 Horreya Farghally dahil sa haka-hakang siya ay patagong ikinasal.[11] Iniluklok si Katrin Susi bilang kinatawan ng Estonya dahil hindi pasok sa age requirement ng Miss Universe si Miss Estonia 2003 Maili Nomm.[12][13] Iniluklok si Iwona Makuch bilang kinatawan ng Polonya matapos magdesisyon ni Miss Poland 2002 Marta Matyjasik[14] na unahin muna ang kanyang pag-aaral.[15] Dapat sanang lalahok si Miss Czech Republic 2002 Kateřina Průšová, ngunit siya ay napalitan ni Kateřina Smržová dahil sa mahina si Průšová sa pakikipag-usap gamit ang wikang Ingles.[16][17]
Dapat sanang lalahok si Miss Russia 2002 Svetlana Koroleva sa edisyong ito, ngunit dahil lumahok ito sa Miss Europe 2002 at nanalo,[18] hindi na maaaring lumahok si Koroleva sa Miss Universe. Isang maliit na pageant ang inorganisa ng Miss Russia Organization upang magkaroon ng kinatawan ang Rusya sa Miss Universe, na siyang pinalanunan ni Yulia Ahonkova. Gayunpaman, dahil hindi pasok sa age requirement si Ahonkova, pinili na lamang ng Miss Russia Organization si Nizhny Novgorod upang lumahok sa edisyong ito, ngunit tinanggihan ng Miss Universe Organization ang paglahok ni Novgorod dahil sa kanyang mga litratong hubad sa Playboy Russia.[19] Sa huli, iniluklok na lamang ang runner-up ng Miss Russia 2002 na si Oksana Bondarenko upang lumahok sa Miss Universe.
Mga pagbalik at mga pag-urong sa kompetisyon
Unang sumali sa edisyong ito ang bansang Serbya at Montenegro, at bumalik ang mga bansang Arhentina, Bagong Silandiya, Barbados, Belis, at Taywan. Huling sumali noong 1999 ang Barbados, noong 2000 ang Belis, at noong 2001 ang Arhentina, Bagong Silandiya, at Taywan.
Hindi sumali sina Bethsaida Smith ng Kapuluang Birheng Britaniko at Kimberly Castro Reyes ng Hilagang Kapuluang Mariana dahil sa pinansiyal na dahilan. Hindi sumali ang mga bansang Gana, Kapuluang Birhen ng Estados Unidos, Kenya, Portugal, Tsile, at Urugway sa edisyong ito matapos na mabigo ang kanilang organisasyong pambansa na magdaos ng kompetisyong pambansa o magtalaga ng kalahok.
Bumitiw sa kompetisyon si Miss Iceland 2002 Manuela Ósk Harðardóttir dulot ng dehydration sa kasagsagan ng paunang kompetisyon.[20][21] Hindi sumali sina Donna Tuara ng Kapuluang Cook at Joyce Ramarofahatra ng Madagaskar dahil sa pinansiyal na dahilan. Hindi sumali si Tiziana Mifsud ng Malta dahil natanggalan ng lisensya ang kanilang mga organisasyon upang magpadala ng kandidata sa Miss Universe.[22] Hindi sumali sina Mounia Achlaf ng Alherya at Melanie Putria Dewita Sari ng Indonesya dahil sa hindi isiniwalat na dahilan.[23][24]
Partisipasyon ng Beneswela sa Miss Universe
Noong 9 Mayo 2003, inanunsyo ng Miss Venezeula Organization na hindi lalahok si Miss Venezuela 2002 Mariángel Ruiz dahil sa mahigpit na kontrol sa foreign exchange na ipinataw ng noo'y Pangulo ng Beneswela na si Hugo Chávez upang maiwasan ang capital flight.[25] Ito ang naging dahilan upang hindi makuha ng organisasyon ang kanilang mga pondo sa dolyar upang maipadala si Ruiz sa Panama na siyang humantong sa pagbitiw ni Ruiz.[26] Ayon sa pangulo ng Miss Venezuela Organization na si Osmel Sousa, USD $80,000 ang franchise fee na kinakailangan upang maipadala si Ruiz sa Panama. Gayunpaman, pinigilan ng negoysanteng Benesolanong si Gustavo Cisneros ang pagbitiw ni Ruiz at pinondohan niya ito papuntang Panama.[27][28] Ito ay matapos hikayatin ng noo'y-Pangulo ng Panama na si Mireya Moscoso si Cisneros na magkaroon ng kandidata ang Beneswela sa Miss Universe.[29]
Mga resulta
![](http://upload.wikimedia.org/wikipedia/commons/thumb/5/5a/Miss_Universe_2003_map.png/250px-Miss_Universe_2003_map.png)
Mga pagkakalagay
Pagkakalagay | Kandidata |
---|---|
Miss Universe 2003 |
|
1st runner-up | |
2nd runner-up |
|
3rd runner-up |
|
4th runner-up | |
Top 10 |
|
Top 15 |
Mga espesyal na parangal
Parangal | Nagwagi |
---|---|
Miss Photogenic |
|
Miss Congeniality |
|
Best National Costume |
|
Kompetisyon
Pormat ng kompetisyon
Mula sa sampu ng nakaraang taon, labinlimang semi-finalist ang napili sa pamamagitan ng paunang kompetisyon at ang mga closed-door interview. Lumahok sa evening gown competition ang labinlimang mga semi-finalist, at kalaunan ay pinili ang sampung mga semi-finalist. Lumahok sa swimsuit competition ang sampung mga semi-finalist at kalaunan ay pinili ang limang pinalista. Limang pinalista ang sumabak sa paunang question-and-answer round at final question.[32]
Komite sa pagpili
- Maria Celeste Arraras – Portorikenyang awtor at broadcast journalist para sa Telemundo[32]
- Deborah Carthy-Deu – Miss Universe 1985 mula sa Porto Riko[32]
- Roberto Cavalli – Italyanong fashion designer[32]
- Richard Johnson – Amerikanong mamamahayag para sa The Washington Post[32]
- Amelia Marshall – Amerikanang aktres[32]
- Audrey Quock – Amerikanang modelo at aktres[32]
- Peter Reckell – Amerikanong aktor[32]
- Mathew St. Patrick – Amerikanong aktor[32]
- Fernanda Tavares – Brasilenyang supermodel[32]
Mga kandidata
Pitumpu't-isang kandidata ang kumalahok para sa titulo.[33]
Bansa/Teritoryo | Kandidata | Edad[a] | Bayan |
---|---|---|---|
![]() | Alexsandra Vodjanikova[34] | 19 | Munich |
![]() | Denisa Kola[33] | 20 | Peshkopi |
![]() | Ana Sebastião[35] | 19 | Luanda |
![]() | Kai Davis[36] | 23 | Saint John's |
![]() | Laura Romero[37] | 22 | La Plata |
![]() | Malayka Rasmijn[33] | 26 | Paradera |
![]() | Ashlea Talbot[38] | 19 | Sydney |
![]() | Sharee Adams[39] | 23 | Auckland |
![]() | Nadia Johnson[33] | 21 | Eleuthera |
![]() | Nadia Forte[33] | 20 | Bridgetown |
![]() | Julie Taton[40] | 19 | Jambes |
![]() | Becky Bernard[33] | 21 | Belize City |
![]() | Mariángel Ruiz[41] | 23 | Maracay |
![]() | Gislaine Ferreira[42] | 19 | Belo Horizonte |
![]() | Elena Tihomirova[43] | 22 | Panagyurishte |
![]() | Irene Aguilera[44] | 24 | Santa Cruz de la Sierra |
![]() | Vanessa van Arendonk[33] | 22 | Willemstad |
![]() | Nour El-Semary[45] | 22 | Cairo |
![]() | Andrea Jácome[46] | 23 | Guayaquil |
![]() | Diana Valdivieso[47] | 20 | Ahuachapán |
![]() | Petra Mokrošová[48] | 20 | Michalovce |
![]() | Polona Baš[49] | 21 | Maribor |
![]() | Eva González[50] | 22 | Sevilla |
![]() | Susie Castillo[51] | 23 | Lawrence |
![]() | Katrin Susi[52] | 23 | Tallin |
![]() | Marietta Chrousala[53] | 20 | Atenas |
![]() | Florecita Cobian[54] | 19 | Antigua |
![]() | Leanna Damond[55] | 25 | New Amsterdam |
![]() | Michelle Lecky[56] | 25 | Kingston |
![]() | Miyako Miyazaki[57] | 25 | Kumamoto |
![]() | Nikita Anand[58] | 19 | New Delhi |
![]() | Lesley Flood[59] | 21 | Limerick |
![]() | Sivan Klein[60] | 19 | Herusalem |
![]() | Silvia Ceccon[61] | 20 | Vicenza |
![]() | Leanne Marie Cecile[62] | 26 | Tecumseh |
![]() | Nichelle Welcome[63] | 23 | Bodden Town |
![]() | Diana Mantilla[64] | 21 | Bucaramanga |
![]() | Andrea Ovares[65] | 22 | San José |
![]() | Ivana Delic[66] | 23 | Rijeka |
![]() | Elaine Daly[67] | 26 | Kuala Lumpur |
![]() | Marie-Aimée Bergicourt[68] | 24 | Terre Rouge |
![]() | Marisol González[69] | 20 | Torreón |
![]() | Ndapewa Alfons[70] | 24 | Windhoek |
![]() | Ohumotu Bissong[71] | 19 | Yala |
![]() | Claudia Salmeron[72] | 25 | Managua |
![]() | Hanne-Karine Sørby[73] | 24 | Oslo |
![]() | Tessa Brix[33] | 22 | Oud-Beijerland |
![]() | Stefanie de Roux[74] | 20 | Lungsod ng Panama |
![]() | Claudia Ortiz de Zevallos[75] | 21 | Arequipa |
![]() | Carla Gay Balingit[76] | 19 | Angeles |
![]() | Anna Maria Strömberg[77] | 20 | Kristinestad |
![]() | Iwona Makuch[15] | 21 | Kielce |
![]() | Carla Tricoli[78] | 21 | Vieques |
![]() | Emmanuelle Chossat[79] | 23 | Paris |
![]() | Amelia Vega[80] | 18 | Santiago |
![]() | Kateřina Smržová[81] | 22 | Praga |
![]() | Olesya Bondarenko[82] | 24 | Khabarovsk |
![]() | Sanja Papić[83] | 19 | Novi Sad |
![]() | Bernice Wong[84] | 25 | Singapura |
![]() | Helena Stenbäck[85] | 23 | Piteå |
![]() | Nadine Vinzens[86] | 19 | Chur |
![]() | Yaowalak Traisurat[87] | 19 | Nakhon Si Thammarat |
![]() | Szu-Yu Chen[88] | 25 | Taipei |
![]() | Cindy Nell[89] | 21 | Johannesburg |
![]() | Keum Na-na[90] | 19 | Daegu |
![]() | Faye Alibocus[91] | 23 | San Fernando |
![]() | Wu Wei[92] | 23 | Fuzhou |
![]() | Ivi Lazarou[33] | 20 | Limassol |
![]() | Özge Ulusoy[93] | 20 | Istanbul |
![]() | Lilja Kopytova[33] | 18 | Dnipro |
![]() | Viktoria Tomozi[33] | 20 | Budapest |