Miss Universe 1976

Noong Agosto 3, 1971, naglagda ng kontrata ang Miss Universe Organization at ang Government Economic Development Administrator ng Porto Riko upang dalhin ang Miss Universe at Miss USA sa San Juan mula 1972 hanggang 1976.^[6] Gayunpaman, kinansela ng pamahalaan ng Porto Riko ang kasunduan noong Pebrero 1973 dahil ayon sa mga opisyal ng pamahalaan ng Porto Riko, ilegal diumano ang kasunduan.^[7]

Dapat sanang gaganapin sa Israel ang ika-25 anibersayo ng pageant. Gayunpaman, inanusyo noong Enero 15, 1976 na hindi na itutuloy ang pagdaraos ng kompetisyon sa Israel matapos na tumanggi sa paglalaan ng $300,000 ang Ministry of Finance ng Israel upang isagawa ang kompetisyon sa bansa.^[8] Ayon sa noo'y Finance Minister na si Yehoshua Rabinowitz, kung maganda ang kompetisyon para sa turismo at propaganda ng Israel, ang mga pondo ay manggagaling dapat sa badyet ng Tourism and Foreign Ministry.^[9][10]

Noong Pebrero 6, inanunsyo ng pangulo ng Miss Universe Inc. na si Harold Glasser na ang ika-25 anibersaryo ng pageant ay gaganapin sa Hulyo 10 sa Hong Kong, at lahat ng nalikom na pera mula sa mga ticket ay mapupunta sa Hong Kong Community Chest.

Ang mga kalahok mula sa 72 mga bansa at teritoryo ay napili upang lumahok sa kompetisyon. Dalawang kandidata ang nailuklok upang kumatawan sa kanilang bansa/teritoryo matapos ang pag-urong ng orihinal na kalahok.

Iniluklok ang first runner-up ng Miss Venezuela 1976 na si Judith Castillo upang kumatawan sa bansang Beneswela matapos bumitaw sa puwesto si Miss Venezuela 1976 Elluz Peraza pagkatapos ng apat na araw upang magpakasal.^[11] Iniluklok ang first runner-up ng Miss Holland 1976 na si Nannetje Nielen upang kumatawan sa kanyang bansa matapos piliin ni Miss Holland 1976 Lucie Visser na hindi lumahok dahil sa hindi isiniwalat na dahilan.^[12][13]

Unang sumali sa edisyong ito ang mga bansang Barbados, Hilagang Kapuluang Mariana, Papuwa Bagong Guniya, at Sint Maarten, at bumalik ang mga bansang Honduras, Noruwega, at Suriname. Huling sumali noong 1973 ang Noruwega, at noong 1974 ang Honduras at Suriname. Hindi sumali ang mga bansang Belis, Hamayka, Hayti, Libano, Micronesia, at Moroko sa edisyong ito. Hindi sumali sina Janet Joan Joseph ng Belis, Angela Ruddock ng Hamayka, at Ramona Karam ng Libano dahil sa hindi isiniwalat na dahilan.^[14] Hindi sumali ang Micronesia dahil imbis na kumatawan sa rehiyon, ang mga kandidata mula sa Hilagang Kapuluang Mariana ay kinakatawan ang kanilang indibidwal na teritoryo. Hindi sumali ang mga bansang Hayti at Moroko matapos na mabigo ang kanilang mga organisasyong pambansa na magdaos ng kompetisyong pambansa o magtalaga ng kalahok.

Dapat sanang kakalahok sa edisyong ito sina Cleopatra Sanders ng Antigua at Irene Penn ng Kapuluang Birheng Britaniko, ngunit hindi sila nakasali dahil sa hindi isiniwalat na dahilan.^[15] Kakalahok din sana si Amiot Moea ng Tahiti, subalit hindi na niya ipinagpatuloy ang kompetisyon matapos magkasakit ang kaniyang ina.^[16]

Tulad noong 1971, 12 mga semifinalist ang napili sa pamamagitan ng paunang kompetisyon at ang mga closed-door interview. Kumalahok sa swimsuit competition at evening gown competition ang 12 mga semfinalist, at kalaunan ay napili ang limang pinalista na sumabak sa final interview.

• Florinda Bolkan – Brasilenyang aktres^[20]
• Britt Ekland – Suwekang aktres^[20]
• Margareta Arvidsson – Miss Universe 1966 mula sa Suwesya^[20]
• Margot Fonteyn – ballerinang Ingles^[21]
• Aldo Gucci – Italyanong taga-disenyo, dating chairman ng Gucci^[5]
• Henry of Orleans – Konde ng Paris, Duke ng Pransiya^[20]
• David Newbigging – negosyanteng Ingles at politiko sa Hong Kong^[20]
• Roman Polanski – Pranses-Polakong direktor ng pelikula^[21]
• Dong Kingman – Intsik-Amerikanong pintor^[20]
• Run Run Shaw – pilantropong taga-Hong Kong^[20]
• Fred Williamson – Amerikanong aktor at dating manlalaro ng putbol^[20]
• Merie Oberon – Britanikong aktres^[20]
• Earl Wilson – Amerikanong kolumnista^[20]

 72 kandidata ang lumahok para sa titulo.

Bansa/Teritoryo	Kandidata	Edad[a]	Bayan
Alemanya	Birgit Hamer[22]	18	Sahonya-Anhalt
Arhentina	Lilian Noemi De Asti[23]	19	Buenos Aires
Aruba	Cynthia Bruin[24]	18	Oranjestad
Australya	Julie Ismay[25]	24	Sydney
Austrya	Heidi Passian[26]	19	Lilienfeld
Bagong Silandiya	Janey Kingscote[27]	22	Auckland
Bahamas	Sharon Smith[28]	19	Nassau
Barbados	Jewell Nightingale[29]	22	Saint Michael
Belhika	Yvette Aelbrecht[30]	18	Bruselas
Beneswela	Judith Castillo[31]	18	Caracas
Bermuda	Vivienne Anne Hollis[32]	19	Smith's Parish
Brasil	Kátia Moretto[33]	18	Sorocaba
Bulibya	Carolina Aramayo[34]	17	La Paz
Curaçao	Anneke Dijkhuizen[35]	18	Willemstad
Dinamarka	Brigitte Trolle[36]	–	Copenhague
Ekwador	Gilda Plaza[23]	21	Guayaquil
El Salvador	Mireya Calderon[37]	19	San Salvador
Eskosya	Carol Jean Grant[38]	19	Glasgow
Espanya	Olga Fernández[39]	18	Pontevedra
Estados Unidos	Barbara Peterson[40]	22	Edina
Gales	Sian Adey-Jones[38]	18	Bodfari
Gresya	Melina Michailidou	18	Atenas
Guam	Pilar Laguana[23]	19	Agana
Guwatemala	Blanca Montenegro[23]	20	Lungsod ng Guwatemala
Hapon	Miyako Iwakuni	20	Osaka
Hilagang Kapuluang Mariana	Candelaria Borja	26	Saipan
Honduras	Victoria Pineda[41]	–	San Pedro Sula
Hong Kong	Rowena Lam[42]	18	Hong Kong
Indiya	Naina Balsaver[43]	18	Bombay
Indonesya	Yuliarti Rahayu[44]	22	Jakarta
Inglatera	Pauline Davies[38]	22	Manchester
Irlanda	Elaine O'Hara[23]	20	Dublin
Israel	Rina Messinger[45]	20	Haifa
Italya	Diana Scapolan[46]	22	Milan
Kanada	Normande Jacques[47]	23	Blind River
Kapuluang Birhen ng Estados Unidos	Lorraine Patricia Baa[48]	23	St. Thomas
Kolombya	Maria Helena Reyes[49]	20	Bogotá
Kosta Rika	Silvia Jimenez[50]	22	San José
Liberya	Laurine Johnson	19	Monrovia
Luksemburgo	Monique Wilmes[51]	19	Echternach
Lupangyelo	Guðmunda Jóhannesdóttir[52]	21	Reikiavik
Malaysia	Teh-Faridah Norizan	19	Ipoh
Malta	Mary Grace Ciantar[23]	19	Kalkara
Mawrisyo	Marielle Tse-Sik-Sun[53]	24	Port Louis
Mehiko	Carla Jean Evert[54]	19	Acapulco
Nikaragwa	Ivania Navarro[55]	18	Matagalpa
Noruwega	Bente Lihaug	21	Oslo
Olanda	Nannetje Nielen[56]	19	Amsterdam
Panama	Carolina Chiari[57]	18	Lungsod ng Panama
Papuwa Bagong Guniya	Eva Arni[58]	21	Port Moresby
Paragway	Fatima Cardenas[59]	20	Asuncion
Peru	Rocío Lazcano[60]	21	Lima
Pilipinas	Elizabeth de Padua[61]	19	Maynila
Pinlandiya	Suvi Lukkarinen[62]	22	Helsinki
Porto Riko	Elizabeth Zayas[63]	17	Salinas
Pransiya	Monique Uldaric[64]	22	Paris
Republikang Dominikano	Norma Lora[65]	26	Santo Domingo
Samoang Amerikano	Taliilani Ellen Letuli	21	Pago Pago
Singapura	Linda Tham[66]	19	Singapura
Sint Maarten	Angela Huggins[67]	18	Philipsburg
Sri Lanka	Genevieve Parsons	22	Colombo
Suriname	Peggy Vandeleuv[68]	18	Paramaribo
Suwesya	Caroline Westerberg	18	Tierp
Suwisa	Isabelle Fischbacher	18	Vaud
Taylandiya	Katareeya Areekul[69]	22	Bangkok
Timog Aprika	Cynthia Classen[70]	18	Cape Town
Timog Korea	Chung Kwang-hyun	20	Seoul
Trinidad at Tobago	Margaret McFarlane[29]	18	Couva
Tsile	Veronica Sommer[71]	21	Valdivia
Turkiya	Manolya Onur[72]	21	Istanbul
Urugway	Leila Viñas	22	Montevideo
Yugoslavia	Svetlana Radojcic	18	Belgrado

• Opisyal na website