Laho

Ang laho^[1] (mula sa Sanskrito: राहु [rāhu]) o Kapampangan: Láwû (eclipse)) ay isang pang-astronomiyang kaganapan na nagaganap kapag gumalaw ang isa sa mga bagay sa kalangitan sa loob ng anino ng isa pa. Nagmula ang katawagan mula sa lumang Griyegong pangngalan ἔκλειψις (ékleipsis), mula sa pandiwang ἐκλείπω (ekleípō), "iwanan," isang pagsasama ng mga unlaping ἐκ- (ek-), mula sa pang-ukol ἐκ, ἐξ (ek, ex), "labas," at ng pandiwang λείπω (leípō), "iwanan".^[2]Kapag nagaganap ang eklipse sa loob ng isang sistema ng mga bituin, katulad ng Sistemang Solar, bumubuo ito ng isa uri ng syzygy—ang pagkakahanay ng tatlo o higit pa na mga katawan sa kalangitan sa parehong sistema ng grabidad sa isang tuwid na linya.^[3]

Kadalasang ginagamit ang katawagang eklipse upang isalarawan ang eklipse ng araw, nang dumaan ang anino ng Buwan sa ibabaw ng Daigdig, o ang eklipse ng buwan, nang gumalaw ang Buwan sa loob ng anino ng Daigdig.