Kumbensiyon ukol sa Batas ng Dagat ng Mga Nagkakaisang Bansa
Ang Kumbensiyon ukol sa Batas ng Dagat ng Mga Nagkakaisang Bansa (Ingles: United Nations Convention on the Law of the Sea) o UNCLOS, tinatawag din na Law of the Sea Convention (transliterasyon: Kumbensiyon sa Batas ng Dagat) ay ang pandaigdigang kasunduan na bunga ng ikatlong United Nations Conference on the Law of the Sea (UNCLOS III), na nangyari mula 1973 hanggang 1982. Itinatakda ng Law of the Sea Convention ang mga karapatan at pananagutan ng mga bansa kaugnay ng kanilang paggamit ng mga karagatan ng daigdig, nagtataguyod ng mga alituntunin sa mga negosyo, kalikasan at pamamahala ng likas na yamang dagat. Nagtapós ang kumbensiyon noong 1982 at pinalitan ang apat na tratado ng 1958. Nagkabisà ang UNCLOS noong 1994, isang taon matapos maging ika-60 bansang lumagda sa tratado ang Guyana. Noong Agosto 2013, 165 bansa at ang European Union ang umanib sa Kumbensiyon. Subalit, walang katiyakan ang lawak ng saklaw ng pagkodigo nito napagkaugaliang batas pandaigdig.
| Nilagdaan | 10 Disyembre 1982 |
|---|---|
| Lokasyon | Montego Bay, Jamaica |
| Nagkabisà | 16 Nobyembre 1994[1] |
| Kundisyon | 60 ratipikasyon |
| Nagsilagda | 157[2] |
| Partido | 166[2][3] |
| Depositaryo | Secretary-General of the United Nations |
| Mga wika | Arabic, Tsino, Ingles, Pranses, Ruso at Espanyol |
 United Nations Convention on the Law of the Sea at Wikisource | |
Paglagda at ratipikasyon
Sinimulan ang pagpapalagda ng kumbensiyon noong Disyembre 10, 1982 at nagkaroon ng bisà noong Nobyembre 16, 1994 nang maideposito ang ika-60 instrumento ng ratipikasyon.[1] Ang kumbensiyon ay niratipikahan ng 166 partido, kasama ang 165 estado (163 kasaping estado ng Mga Nagkakaisang Bansa dagdag pa ang Kapuluang Cook at Niue) at European Union.[2][4]
- Kasaping estado ng Mga Nagkakaisang Bansa na lumagda, ngunit di nagratipika
- Cambodia, Colombia, El Salvador, Iran, North Korea, Libya, United Arab Emirates
- Bansang-looban: Afghanistan, Bhutan, Burundi, Central African Republic, Ethiopia, Liechtenstein, Rwanda
- Kasaping estado ng Mga Nagkakaisang Bansa na hindi lumagda
- Eritrea, Estados Unidos, Israel, Peru, Syria, Turkey, Venezuela
- Bansang-looban: Andorra, Azerbaijan, Kazakhstan, Kyrgyzstan, San Marino, South Sudan, Tajikistan, Turkmenistan, Uzbekistan