Koronasyong kanonika

Ang pormal na paggawa ng koronasyon tungo sa mga imahen ni Maria ay nagsimula sa mga Orden ng mga Prayleng Kaputsinong Minor, na nasa kanilang mga misyon sa pag-e-ebanghelyo nangongolekta ng mga kahanga-hangang dami ng mga hiyas na nauugnay sa pagsasagawa ng mga indulhensiya, na pinondohan sa kahilingan ng tapat, ang mga gintong korona o mga aksesorya para sa imahen ni Birheng Maria, pangunahin sa Italya. Ang isang natatanging prayleng Kaputsino, Jeronimo Paolucci di Calboldi di Forli (1552-1620), ay isang pangunahing tagapagtaguyod para sa kaugaliang ito, at kinilala sa panahon ng kanyang buhay bilang pinroklama nang sarili "Apostol ng Piangpalang Babae." Pagkatapos ng simpleng homilya, kinoronahan ni Forli ang Birheng Nag-aalaga, ngayo'y nakadambana sa Dambana ng Santa Maria della Steccata sa lungsod ng Parma ng Italya noong 27 Mayo 1601.^[6]

Kinabukasan, noong 3 Hulyo 1636, namatay ang Markes ng Piacenza at Konde ng Borgonovo na si Alessandro Sforza Cesarini, may iniwan sa pamamagitan ng habilin at testamento ng isang malaking halaga ng salapi sa Balangay ng Batikana, para sa puhunan ng paggawa ng mga korona gawa sa mga mahahalagang metal para sa koronasyon ng mga imahen ni Maria na lubos na ipnagdiriwang sa daigdig. Ang mga pondo mula sa kanyang ipinamana ay napunta sa pagsasaayos muli ng ‘’Madonna della Febbre’’ na nakadambana sa sakristiya ng Basilika ni San Pedro sa Roma.^[7]

Ang pagpapatupad ng rito ng koronasyon ng isang mapagpitagang imahen ay naging malawak na tanyag sa mga Estadong Pampapa bago ang 1800, nang humigit-kumulang 300 ritong koronasyon ay isinagawa. Noong 29 Marso 1897, ang opisyal na rito ay isinama sa Romanong Pontipikal, para sa plenaryong indulhensya na nakatanggap din ng mga mananampalataya na sumali sa mga nasabing rito.^[8]

• Ang unang imahe ni Maria na kinoronahan na walang tuwirang pagsang-ayon mula sa Santo Papa nguni't isinagawa ni Kardinal Francesco Sforza Pallavicino ay ang Itim na Birhen ng Oropa sa Piedmont noong 30 Agosto 1620
• Ang unang imahe ni Maria na kinoronahan nang Pontipikal ay ang larawang-pinta ni Lippo Memmi ng La Madonna della Febbre (Birhen ng Lagnat) sa sakristiya ng Basilika ni San Pedro sa Roma noong 27 Mayo 1631, ni Papa Urbano VIII sa pamamagitan ng Balangay ng Batikana.
• Ang unang imahe ni Maria na kinoronahan ng Santo Papa mismo sa halip na kumakatawang legadong pampapa ay ang “Madonna Del Popolo” noong 3 Hunyo 1782, ni Papa Pio VI, sa Katedral ng Cesena.

Ang taimtim na rito ng mga nakoronahang imahe ay nakapaloob sa "Ordo Coronandi Imaginem Beatae Mariae Virginis", na nalathala ng Banal na Tanggapan noong 25 Mayo 1981. Bago ang 1989, ang mga bulang pampapa na nagpapahintulot sa mga koronasyong kanonika ay manu-manong nakasulat sa pergamino. Pagkatapos ng 1989, ang Konggregasyon para sa Banal na Pagsamba at Disiplina ng mga Sakramento na nagsimulang maglabas ng mga awtorisasyon, sa gayon pinahihintulutan ang isang legadong Pampapa upang isagawa ang koronasyon ng mga naaprubahang imaheng pinipintuho sa ngalan ng Santo Papa.

• Santoro, Nicholas Joseph (2011). Maria sa Ating Buhay: Atlas ng mga Pangalan at mga Titulo ni Maria, ang Ina ni Hesus, at Kanilang Lugar sa Debosyon kay Maria. iUniverse. ISBN 978-1-4620-4022-3.{{cite book}}: CS1 maint: date auto-translated (link)
• Brie, Steve; Daggers, Jenny; Torevell, David, mga pat. (2009). Banal na Puwang: Mga Pananaw ng Interdisiplinaryo sa loob ng mga Magkapanabay na Konteksto. Cambridge Scholars Publishing. ISBN 978-1-4438-0642-8.{{cite book}}: CS1 maint: date auto-translated (link) Tingnan lalo sa kabanata 4, Pagkonsumo, mga Sagradong Lugar at mga Puwang sa mga kontekstong Walang Galang: Isang Paghahambing sa pagitan ng Nagkakaisang Kaharian (UK) at Indiya" ni Jan Brown, John Phillips at Vishwas Maheshwari na gumawa ng isang pagkakatulad sa pagitan ng nakaugaliang paggalang sa relihiyon at mga kapanahong abala na may palakasan, pamimili at pelikula.
• de Lubac, Henri. Ang Walang Hanggang Pagkababae: isang pag-aaral sa isang teksto ni Teilhard de Chardin. Trans. René Hague. New York: Harper & Row, 1971. Tingnan sa pp. 125–6. Ipinagtibay ni de Lubac SJ ang pananaw, unang itinaguyod ni Teilhard de Chardin SJ, kung saan ipinapahayag na ang kulto ni Maria (pamimintuho sa, koronasyon atbp.) ay isang mahahalagang pagwawasto ng lubos na panlalaki ng pagka-diyos ng Lumang Tipan sa katauhan ng Yaweh, at kaya't dito ay ang pagkakatawang-tao ng pagkababae ng Poong Maykapal

• Koronasyong episkopal