Kapibara
Ang kapibara[3] (Ingles: capybara) o Hydrochoerus hydrochaeris[1][4] ay isang uri ng hayop na may katawang kamukha ng sa baboy at ngusong kahawig naman ng daga. Natatagpuan sila Timog Amerika.[3] Kilala rin sila bilang capibara, chigüire sa Beneswela, chigüiro, at carpincho sa Kastila,[5][6][7] at capivara sa Portuges[6], ay ang pinakamalaking daga sa mundo.[8] Kamag-anak ito ng agouti, chinchilla, nutria o coyphilla, at dagang puti (kilala rin bilang dagang kuneho, dagang kosta o guinea pig).[9] Hinango ang karaniwang pangalan nito mula sa kapiÿva ng wikang Guarani,[6] na may ibig sabihing "panginoon ng mga damuhan"[10] habang mula naman sa Griyegong hydrochaeris ang pangalan nito sa agham o siyentipikong pangalan, na nangangahulugang "tubig-baboy".[9]
| Kapibara[1] | |
|---|---|
_2560x1600.jpg) | |
| Katayuan ng pagpapanatili | |
| Klasipikasyong pang-agham | |
| Kaharian: | |
| Kalapian: | |
| Subpilo: | |
| Hati: | |
| Orden: | |
| Suborden: | Hystricomorpha |
| Pamilya: | Caviidae |
| Subpamilya: | Hydrochoerinae |
| Sari: | Hydrochoerus Brisson, 1762 |
| Espesye: | H. hydrochaeris |
| Pangalang binomial | |
| Hydrochoerus hydrochaeris (Linnaeus, 1766) | |
 | |
| Nasasakupan ng kapibara. | |
May mabibigat na mga pangangatawan ang mga kapibara na kahugis ng bariles at may maiikling mga ulo. Mayroon din silang balahibong mamulamula't kayumanggi sa gawing itaas ng kanilang mga katawan na nagiging dilawaing kayumanggi sa ilalim. Lumalaki na hanggang 130 centimetro (4.3 tal) at umaabot sa timbang na 65 kg (143 lb) ang mga nasa huston gulang nang mga kabipara.[11][12][13][14] May bahagyang masapot na mga paa ang mga kapibara, walang buntot,[15] at 20 mga ngipin.[16] Bahagyang mas mahaba ang panlikurang mga paa nila kaysa nasa harap at pulpol ang kanilang mga nguso na may mga mata, mga butas ng ilong, at mga taingang nasa itaas ng kanilang mga ulo.[15] Mas mabigat ng kauni ang mga kababaihan kung ihahambing sa mga kalalakihan.[9]
Mga sanggunian
