Elongated Man
Si Elongated Man (Randolph "Ralph" Dibny) ay isang kathang-isip na karakter, isang superhero na lumalabas sa komiks mula sa Estados Unidos na nilalathala ng DC Comics. Una siyang lumabas sa The Flash #112 (Mayo 12, 1960).[1]
Elongated Man | |
---|---|
Impormasyon ng paglalathala | |
Tagapaglathala | DC Comics |
Unang paglabas | The Flash bol. 1, #112 (Mayo 12, 1960). |
Tagapaglikha | John Broome (panulat) Carmine Infantino (guhit) |
Impormasyon sa loob ng kwento | |
Ibang katauhan | Randolph William "Ralph" Dibny |
Espesye | Metahuman |
Kasaping pangkat | Justice League Doom Patrol Black Lantern Corps Secret Six |
Kakampi | Sue Dibny Flash (Barry Allen) |
Kakayahan | Superyor na deduksyong pangangatwiran May hangganang pag-inat at ihugis ang katawan Pinabuting liksi, at olpaktoryong pandamdam Lubos na pinabuting katibayan Talentadong kimiko |
Nanalo ang karakter at nagkaroon ng nominasyon para sa ilang mga parangal sa loob ng mga taon, kabilang ang pagkapanalo sa Alley Award noong 1961 para sa "Pinakamahusay na Pansuportang Karakter."
Kasaysayan ng paglalathala
Nilikha si Elongated nina John Broome (panulat) at Carmine Infantino (guhit), kasama ang mahalagang kontribusyon mula sa patnugot na si Julius Schwartz, na nais ang bagong suportang karakter para kay Flash.[2] Inihayag ni Julius Schwartz na nilikha lamang si Elongated Man dahil hindi niya napagtanto na mayroon nang Plastic Man hinggil sa pagkakaroon nito ng karapatan na nakuha ng DC noong 1956 (kasabay ang iba pang pagmamay-ari ng Quality Comics). Bagaman, nabanggit nina Infantino at Murphy Anderson (tagapagtinta) na hindi niya ginamit ang karakter bilang isang reperensya para sa ano pa man.[3][4][5]