Si Anne Bonny (8 Marso 1702 – 22 Abril 1782) ay isang Irlandesa na naging isang tanyag na piratang babae, na nagsasagawa ng mga pandarambong sa Karibe.[1] Ang kakaunting nalalaman hinggil sa kaniyang buhay ay malakihang nagmula sa A General History of the Pyrates (Isang Pangkalahatang Kasaysayan ng mga Pirata). Pangunahing siyang naaalala bilang isa sa dalawang mga piratang babae (bilang kasamahan ni Mary Read). Sa isang pagkakataon, kasama siya ni Mary Read na tumakas sa paglalayag sa piling ng lalaking piratang si John Rackham. Nadakip si Anne Bonny, subalit hindi nalalaman kung ano ang nangyari sa kaniya pagkaraan ng pagkakahuling ito.[2]