Akne

Para sa ibang gamit, tingnan ang A. vulgaris (paglilinaw).

Ang akne^[1] (Ingles: acne vulgaris, a. vulgaris, karaniwang tinatawag na acne lamang) ay ang kalagayan o sakit ng pagkakaroon ng sobrang daming tagihiyawat.^[1] Ayon kay Esta Kronberg, M.D., isang dermatologo sa Houston, Teksas ng Estados Unidos, nakakaapekto ang pagkakaroon ng akne sa pagtingin o pagsasaalang-alang ng isang tao sa kanyang sarili, kaya't nakasasanhi ng mga suliranin sa maraming bahagi ng buhay, ngunit hindi ito isang banta o pinsala sa kalusugan ng katawan. Pero mayroong isang bihira o hindi madalas na anyo o uri ng akne, ang acne fulminans, na may kasamang lagnat at pigsa na bumabalot sa mukha. Mabalasik o masidhi ang acne fulminans kaya't nangangailangan ng kaagad na pansin sa panggagamot.^[2]