Abenida Roosevelt

Ang Abenida Roosevelt (Ingles: Roosevelt Avenue) ay isang pangunahing lansangan sa distrito ng San Francisco del Monte (na tinatawag ring Frisco) sa Lungsod Quezon, Kalakhang Maynila, Pilipinas. Dumadaan ito mula EDSA sa hilagang dulo nito hanggang Abenida Quezon sa katimugang dulo nito. Pagdaan, babagtasin nito ang Kalye M.H. del Pilar, Kalye Pitimini, at Abenida Del Monte. Ang kabuuang haba nito ay 2.9 kilometro (1.8 milya). Paglampas ng EDSA, tutuloy ito bilang Abenida Kongresyonal.

Abenida Roosevelt Roosevelt Avenue
Abenida Roosevelt pahilaga patungong EDSA malapit sa planta ng Coca-Cola.
Impormasyon sa ruta
Haba	2.9 km (1.8 mi)
Pangunahing daanan
Dulo sa hilaga	N1 (Abenida Epifanio de los Santos) / AH26 sa Barangay Muñoz
	Kalye M.H. del Pilar Kalye Pitimini Abenida Del Monte
Dulo sa timog	N170 (Abenida Quezon) sa Barangay Santa Cruz
Lokasyon
Mga pangunahing lungsod	Lungsod Quezon
Sistema ng mga daan
Mga daanan sa Pilipinas Mga lansangan Mga mabilisang daanan Talaan

Isa itong bahagi ng sistema ng lansangang bayan sa Pilipinas bilang isang pambansang daang tersiyaryo. Ang mga lansangan sa ganitong uri ay hindi nakanumero.

Ipinangalan ang abenida mula kay Franklin Delano Roosevelt, dating pangulo ng Estados Unidos.^[1] Noong 2010, may isang panukalang batas na iniakda ni Vicente Crisologo, Kinatawan ng Unang Distrito ng Lungsod Quezon, sa Kongreso. Ang panukalang batas ay mabibigay ng bagong pangalan sa Abenida Roosevelt na mula kay Reynaldo Calalay, dating kinatawan ng Unang Distrito ng Lungsod Quezon. Ang nabanggit na panukalang batas ay kasalukuyang nakabinbin sa Komite ng Pagawaing Bayan at Lansangan ng Senado.^[2]