Enero 1 -- Pinarangalan si Manny Pacquiao bilang "Kampiyon ng mga Kampiyon" ng ESPN Star sports sa Singapore matapos makakuha ng higit isang milyong boto.
Enero 4 -- Dahil sa umiigting na kuguluhan sa Gaza ang mga manggagawang Pinoy doon ay inililikas patungong bansang Jordan pagkatapos ay lumipad patungo sa Pilipinas.
Enero 5 - Ang anak ng Kalihim ng Agrikultura Nasser Pangandaman at apat na iba pa ay kinasuhan na may kaugnayan sa panggugulo kay Delfin dela Paz at sa kanyang 14-taong gulang na anak sa harapan ni Pangandaman.[1]
Enero 6 -- Pinarangalan ang labindalawang pinagpipitaganang Pilipino sa bansang Guam.[2]
Enero 9 -- Kompyansa ang tagapamahala ng Komisyon sa Halalan na si Jose Melo na makakakuha sila ng walong bilyon o higit pa para sa awtomasyon ng halalan sa 2010.
Enero 10 - Ang malaking bahagi ng Katimugang Mindanao ay nawalan ng kuryente matapos ang mga pagsabog na sumira sa mga pangunahing linya ng kuryente sa Lanao del Norte. Ang mga pagsabog ay isinisi sa Moro Islamic Liberation Front.
Enero 12 -- Matapos makabalik dito ng ligtas ng 16 na manggagawang Pinoy sa ibang bansa, sinabi ng isang opisyal ngPamahalaan ng Pilipinas na marami pa ang kailangang ilikas sa ginigiyerang teritoryo ng Gaza.
Enero 14 -- Pinakawalan ng mga pirata ang 21 isang pinoy na mandaragat sa bansang Somalia.
Enero 15
Dinukot ang tatlong volunteer mula sa International Committee of the Red Cross, ng rebeldeng grupo ng teroristang Islamikong Abu Sayyaf sa isla ng Jolo sa Sulu. Ang tatlong ito ay isang Filipino (Mary Jean Lacaba, 44), isang Swiss (Andreas Notter, 38) at isang Italyano (Eugenio Vagni, 62).[3][4]
Enero 24 -- Inihayag na magbibigay ang bansangHapon ng 860 milyon yen (umaabot sa $9.5 milyon) halaga ng pagkain para sa mga tao sa Mindanao.
Enero 25 -- Inihayag na nais ng Iraq na tanggalin na ng pamahalaan ng Pilipinas ang pagbabawal sa mga manggagawang Pinoy sa kanilang bansa.
Enero 26 -- Sumabak si PangulongArroyo sa limang araw na pagbisita sa bansang Switzerland at Bahrain para ipagmalaki ang interes pang-ekonomiya ng bansa at ang kagalingan ng mga manggagawang Pinoy.
Pebrero 8 -- Aliwan at Kultura. Si Marife Necesito ay nakasama para sa pelikulang "Mammoth" na bahagi ng ika-59 Berlin Film Festival sa Berlin, Germany.[5]
Pebrero 10 -- Iniulat na isang daang lumba-lumba ang hindi makaalis sa mababaw na katubigan sa Maynila.
Pebrero 13 - Sa Lungsod ng Lamitan, isang tubong-Sri Lanka ang binihag ng Abu Sayyaf. Ang tao ay miyembro ng isang pandaigdig na kilusan ng kapayapaan.
Pebrero 18 -- Inihayag na bukas ang Palasyo ng Malakanyang na repasohin ang Kasunduan sa mga Bumibistang Puwersa o Visiting Forces Agreement pagkatapos magpasya ang Korte Suprema ng Pilipinas na dapat nasa kustodiya ng Pilipinas ang nahatulang manggagahasang sundalong Amerikanong si Daniel Smith.
Sa isang bukid sa Pandi, Bulacan ay nagsimulang piliin ang 6,000 baboy matapos matuklasan ang nakahahawang Ebolo-Restonvirus.
Nasentensyahan ng hindi bababa sa 16 na buwang pagkabilanggo sa estado ng Chicago ang bookkeeper ng pambansang kamao ng Pilipinas na si Manny Pacquiao matapos na hindi ito kumontra sa mga pagdinig sa kaso.
Marso 6 - Sa mababaw na katubigan sa silangan ng Pilipinas, natuklasan ng mga mangingisda ang isang bagong panganak na butanding. Naging unang incubation ng butanding na maaaring matuklasan kailanman. Ang sanggol na butanding ay natagpuan sa dalampasigan ng Pilar, malapit sa Donsol, na kilala sa mga karaniwang mga butanding doon.
Marso 9
2,000 mga tao ang nawalan ng bahay sa sunog sa isang slum sa Maynila.
Marso 13 -- Naganap ang insidenteng kinasangkutan ng fashion designer na si Boyet Fajardo sa isang tindahan sa Lungsod Parañaque.[6][7]
Marso 25 -- Nagbanta ang mga Abu Sayyaf, isang Pilipinong militante, na pupugutan nila ang isa sa tatlong bihag na mga buluntaryo ng Kilusan ng Pulang Krus sa susunod na linggo kung hindi puwersahang iaatras ng pamahalaan ng Pilipinas ang tropang militar sa Jolo, Sulu.
Marso 28
Sa isang banggaan sa pagitan ng van at trak sa Naga, malapit sa Lungsod ng Cebu, labintatlong katao ang patay at apat na katao ang malubhang nasugatan.
Isang empleyado ng Philippine Red Cross na dinukot noong Enero 15 ng Abu Sayyaf ay pinalaya. Ang mga kasamahang Swiss at Italyano ay bihag pa rin. Ayon sa pamahalaan, walang pantubos na ibinayad.
Tinalikdan ng piskal na Dutch ang pag-uusig kay Jose Maria Sison para sa di-umano'y kinalaman niya sa dalawang pagpatay noong 2003 at 2004.
Ang isang maliit na pribadong eroplano na may lulang pitong katao ay nawala sa isang biyahe mula sa Lungsod ng Tuguegarao hanggang Maconacon, Isabela. Ang eroplano ay pinangangambahang bumagsak.
Abril 3 - Isang bomba ang sumabog sa isang restawran sa Basilan, dalawang dumaraan lamang ang namatay at walong iba pa ang nasugatan.[8]
Sa pagbagsak ng isang pampanguluhang helicopter sa isang masukal at makahoy na bahagi ng Kabayan, Benguet, lahat ng hindi bababa sa walong mga pasahero ang nasawi. Isinakay ng Bell 412 ang limang mga miyembro ng kawani ng presidente sa Ifugao bilang paghahanda sa binabalak na pagbisitang pampanguluhan.[10]
Abril 26 - Sa Maynila, isang kaloobang quintuplets ang ipinanganak na buhay. Ayon sa mga doktor, ito ang kauna-unahang ipinanganak na buhay na quintuplets sa Pilipinas. Anim na araw na lumipas, isa sa limang mga sanggol ay pumanaw na.[12][13]
Mayo 5 - Ang unang bagyo ng taon, sa loob ng ilang araw, ay dumating at nanalasa sa Kabikulan at hindi bababa sa 25 katao ang patay. Karamihan sa mga namatay ay mula sa pagguho ng lupa sa Barangay Hubo, Magallanes, Sorsogon, na halos ganap na nawasak . Bunga ng bagyo, higit sa 236,000 katao ang inilikas sa limang lalawigan ng Bicol.[16]
Ang sumunod na bagyong pinangalanang Emong (pandaigdig na pangalan: Chan-hom) ay nanalasa sa Hilagang Luzon, nananlata partikular sa mga kanlurang bayan ng Pangasinan, at hindi bababa sa 30 katao ang patay. Ang karamihan sa mga namatay ay mula sa mga pagguho ng lupa.
Mayo 18 - Sa pagguho ng lupa sa Pantukan, Davao de Oro (dating Compostela Valley), hindi bababa sa 26 manggagawa mula sa isang kalapit na minahan ng ginto ang namatay. May mga 19 pang mga tao ang nawawala.
Mayo 22
Iniulat na tiniyak ng Kagawaran ng Kalusugan ng Pilipinas ang unang kaso ng H1N1 bayrus sa bansa. Ito ay isang 10-taon gulang na Amerikanong batang babae, na nagsimulang magpakita ng sintomas, isang araw matapos ang pagdating nito.
Nanawagan ang mga Mambabatas ng Pilipinas na ipagpaliban ang pagbubukas ng klase sa Hunyo 1 dahil sa patuloy ng pagtaas ng bilang ng mga kaso ng H1N1 sa Pilipinas.
Aliwan at Kultura. Ginawaran ang Film Director na si Brillante Mendoza ng tropeong Best Director sa Cannes International Film Festival sa France, para sa kanyang pelikulang "Kinatay", ang unang Pilipinong direktor na nakakuha ng isang prestihiyosong parangal.[17]
Aliwan at Kultura. Napabilang ang dalawang Pilipino na sina Melissa Peñafiel at Miguel Ocampo sa 18 finalists sa isang pandaigdigang video contest na na-isponsor ng U.S. Department of State, sa kanilang tatlong-minutong video film tungkol sa demokrasya na pinamagatang "Long Live the Fearless Man."[18]
Hulyo 12 -- Pinalaya mula sa Sulu ng grupong Abu Sayyaf ang bihag nitong Italyanong si Eugenio Vagni, ang huling bihag sa tatlong mga manggagawang kasapi ng Pandaigdigang Komite ng Pulang Krus na dinukot noong Enero sa Jolo.
Hulyo 19 -- Ipinahayag ng boksingerong ni Shane Mosley na handa siyang labanan si Manny Pacquiao sa timbang na 140 na libra.
Iniulat na kumalat ang kanser sa buong katawan ng dating Pangulo ng Pilipinas na si Corazon Aquino ngunit nasa matatag na kondisyon.[19]
Hulyo 29 -- Sinabi ng tagapagsalita ng dating Pangulong Corazon Aquino ng Pilipinas na matatag na ang kalagayan ng dating Pangulo pagkatapos kumalat ang kanser sa ibang parte ng katawan at pagbagu-bagong presyon ng dugo.
Si Corazon Aquino ay inilibing sa tabi ng kanyang asawang si Ninoy sa Manila Memorial Park pagkatapos ng kanyang kamatayan noong Agosto 1, 2009.
Agosto 1 -- Pumanaw si dating Pangulong Corazon Aquino sa ganap na 3:18 ng umaga (oras sa Pilipinas), sa sakit ng kanser sa kolon, sa gulang na 76. Ipinahayag ni Pangulong Gloria Macapagal-Arroyo ang sampung araw ng pambansang pagluluksa para sa pagpanaw ng dating Pangulo.[20]
Agosto 12 - Matagal na pakikipaglaban sa pagitan ng hukbo ng Pilipinas at mga rebeldang Abu Sayyaf sa isla ng Basilan kung saan 23 sundalo at 31 rebelde ang napatay.
Setyembre 21 -- Nakubkob ng pwersa ng pamahalaan ang pangunahing kampo ng Abu Sayyaf sa isla ng Jolo, kung saan nasawi ang 19 na mga militante.
Noong panahon ng Bagyong Ondoy, ang Kalakhang Maynila ay nakaranas ng pinakamataas na bagsak ng ulan sa kasaysayan, na nagdulot ng matinding pagbaha.
Setyembre 26 - Nagtala ng pinakamaraming bagsak ng ulan ang Bagyong Ondoy (Internasyunal na pangalan: Ketsana) sa Maynila, Pilipinas na nagdulot sa pagpapahayag ng isang "katayuan ng sakuna" (state of calamity) sa 25 mga lalawigan hinggil sa matinding pagbaha. Nakaranas ang Maynila ng pinakamatinding pag-ulan sa loob ng halos kalahating siglo, na may taas na 424.2 milimetro (16.7 talampakan) sa loob ng 12 oras.[21][22]
Nobyembre 4 -- Inihayag ng Kalihim ng Kagawaran ng Interyor at Pamahalaang Lokal ng Pilipinas na si Ronaldo Puno ang tiwala na hindi na kailangan ng tulong ng ibang bansa sa pagresolba sa pagkakadukot kay Fr. Michael Sinnott.
Sa taong 2009, tinalo ng undisputed pound-for-pound king na si Manny Pacquiao ang Britong boksingero na si Ricky Hatton at Puerto Rican na si Miguel Cotto.
Nobyembre 22 -- Aliwan at Kultura. Tinanghal si Efren Peñaflorida, ang nagsimula ng "silid-aralan sa kariton" sa Pilipinas para magturo sa mga mahihirap na kabataan, bilang CNN Heroes ng taong 2009.[25][26]
Nobyembre 23 -- Dalawampu't isang (21) bangkay ang naunang nahukay sa Maguindanao matapos ang isang malagim na pamamaslang na hinihinalang may kinalaman sa napalalapit na halalan sa taong 2010. Sa Ampatuan, Maguindanao, pinatay ang grupo ng 57 mga tao nang sila ay patungo sa upang dumalo sa pagpaparehistro ni Ismael Mangudadatu bilang kandidato sa pagka-gobernador ng lalawigan ng Maguindanao sa eleksyon ng 2010. Ang grupo ay binubuo ng mga kamag-anak at mga tagasuporta ni Mangudadatu, ang isang grupo ng mga mamamahayag at ng ilang mga naparaan lang. Ayon sa mga awtoridad ng Pilipinas, ang pagpatay ay ginawa ng isang milisiya na pinangunahan ni Andal Ampatuan, Jr., na tutol sa pagkandidato ni Mangudadatu sa isang pakikibaka sa pagka-gobernador.[27][28]
Ipinatupad ang pagiging lungsod ng bayan ng Dasmariñas, Cavite, ang ika-137 na lungsod sa bansa, sa bisa ng Batas Republika Blg. 9723 na naunang nilagdaan ni Pangulong Macapagal-Arroyo, na nagsabatas na gawing lungsod ang naturang bayan.[34]
Patuloy ang pagdaloy ng lava at mga pagsabog ng mga abo sa Bulkang Mayon habang tinataya ng mga siyentipiko na maaari itong pumutok sa mga susunod na mga linggo.[50]
Mga okasyon sa italiko ay "special holidays," mga nasa bold ay ang "regular holidays."
Sa karagdagan, inoobserbahan ng maraming lugar ang mga lokal na pista opisyal, tulad ng pagkakatatag ng kanilang bayan. Ito rin ay "espesyal na araw. "
Agosto 27 - Ang kantang "Where Are You Now?" na sinulat ni Tom Higgenson at kinanta ng bandang Honor Society ay pumatok at naging big-hit sa Pilipinas at na-air ang music video sa Myx.