Назарбек Абдолов
Назарбек Абдо́лов (тав. 23 феврали 1947, деҳаи Вомар, Рӯшон) — адабиётшиноси тоҷик, доктори илмҳои филология (2009).
| Таърихи таваллуд | 23 феврал 1947 (77 сол) |
|---|---|
| Зодгоҳ | деҳаи Вомар, Рӯшон, ҶШС Тоҷикистон |
| Фазои илмӣ | филология |
| Дараҷаи илмӣ: | доктори илмҳои филология |
| Алма-матер | Институти давлатии педагогии Душанбе (1969) |
Зиндагинома
Хатмкардаи факултети забонҳои хориҷии Институти давлатии педагогии Душанбе (1969). Омӯзгори фанни забони франсавӣ дар УДТ (1969 — 79), тарҷумон дар Алҷазоир (1979 — 83), мудири кафедраи забони лотинии Институти давлатии тиббии Тоҷикистон (1984 — 88), тарҷумон дар Алҷазоир (1988 — 91), корманди Вазорати корҳои хориҷии ҶТ (1992 — 93), донишҷӯи Академияи дипломатии Федератсияи Россия (1994 — 95), корманди ширкатҳову созмонҳои байналмилалӣ, Бонки ҷаҳонӣ, «Ориёнбонк» (1994—2008).
Аз соли 2008 мудири кафедраи забонҳои немисӣ ва франсавии ДМТ. Абдолов дар баробари тадриси забонҳои хориҷӣ ба тадқиқи адабиёт, аз ҷумла масъалаи достонҳои ишқӣ-романтикии адабиёти форс-тоҷик ва баррасии онҳо дар маъхазҳои адабии Шарқу Ғарб машғул аст. Дар ин бобат ӯ мақолаҳову рисолаҳо дорад, ки дар Россия, Франсия, Алҷазоир ба табъ расидаанд.
Осор
- Достонҳои ишқӣ дар «Шоҳнома»-и Абулқосим Фирдавсӣ, Д. 2006;
- Нигоҳе ба достонҳои ишқӣ-романтикии адабиёти форс-тоҷик. Д., 2007.
Эзоҳ
Сарчашма
- Абдолов Назарбек // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.