Кейт Бланшетт

Кейт Бланшетт 14 майи соли 1969 дар Мелбурн, дар яке аз шаҳрҳои калонтарини Австралия, дар оилаи Роберт ва Ҷун Бланшетт ба дунё омадааст. Дар синни 10-солагии Кейт, падараш аз маризи қалб аз олам чашм мепӯшад ва бори гарони тарбияи се фарзанд – Кейт, бародари калонияш Боб ва ва хоҳараш Женевйева ба дӯши модараш меафтад.Кейт дар коллеҷи методистии занонаи Мелбурн таълим мегирад. Дар он ҷо ӯ бори аввал дар саҳна баромад мекунад. Баъд ӯ таҳсилро дар Донишгоҳи Мелбурн давом медиҳад ва дар он ҷо санъату иқтисодиёт меомӯзад. Пас аз сафари кӯтоҳмуддат ба Англия ва Миср ӯ ба Австралия бармегардад ва ба донишкадаи миллии санъати драмавӣ дохил мешавад. Ӯ яке аз бомаҳораттарин донишҷӯёни ин донишкада буд. Баъд аз хатми донишкада Кейт дар чандин намоишномаҳои театрӣ иштирок мекунад. Баъд аз муваффақият дар театр, Кейт дар синамо ва телеҷизион низ баромад мекунад. Солҳои 1993—1995 ӯ дар чанидин филмҳои телевизиониву силсилафилмҳои дар Австралия машҳур («Полицейские силы», «Родина», «Город ӯ границы»), нақшҳо меофарад, вале театрро тарк намекунад.Аз соли 1997 диққати Бланшетт ро кино бештар ба худ ҷалб мекунад. Ӯ дар филми мазҳакавии «Слава богу, он встретил Лиззи» иштирок мекунад ва маротибаи аввал дар ҳаёташ соҳиби ҷоизаҳо— ҷоизаи Пажӯҳишгоҳи кинои Австралия ва Ҷамъияти мунаққидони кинои Австралия мегардад.Шӯҳрати ҷаҳониро ба Бланшетт нақши маликаи Англия Елизаветаи I дар филми коргардони ҳинду Шекхар Капур «Елизавета» овард. Филм дар бораи давраи ҷавонии Елизаветаи I, ба сари ҳокимият омадани ӯ ва давраи аввали ҳукмронияш буд. Барои офаридани нақши Елизавета Бланшеттро ба ҷоизаи «Оскар» пешниҳод карданд ва ӯ соҳиби ҷоизаҳои «Глобуси тилоӣ» ва BAFTA гардид. Соли 1999 барои Бланшетт соли сермаҳсул буд. Ӯ дар ду намоишномаи театрӣ дар Лондон ва дар чаҳор филм иштирок варзид.Пас аз ду соли баромадани филми «Елизавета», Бланшетт яке аз машҳуртарин ҳунарпешагон Ҳолливуд гардид ва аз сабаби зиёд будани кор, театрро тарк кард. Соли 2001 ӯ бо Брюс Уиллис ва Биллӣ Боб Торнтон дар мазҳакаи Баррӣ Левинсон «Бандиты» нақш офарид. Баъдтар ӯ дар сегонаи Питер Ҷексон «Властелин колец» аз рӯи романи Ҷ. Р. Р. Толкин иштирок кард. Дар ин филм ӯ нақши Галадриэл – маликаи соҳибҷамол ва қудратманди элфҳоро бозид.Соли 2005 Бланшетт Каме сукут мекунад ва танҳо дар як филме дар дар ватанаш нақш меофарад. Барои нақши офаридааш дар ин филм ӯ соҳиби ҷоизаи пажӯҳишгоҳи синамои Австралия мегардад.Моҳи майи соли 2006 дар кинофестивали Канн бо филми нави худ - «Вавилон» баромад кард, ки дар он бо ӯ якҷоя Брэд Питт ва Гаэл Гарсиа Бернал бозӣ мекарданд. Филм аз тарафи мунаққидон баҳои баланд гирифт ва соҳиби ҷоизаи коргардони беҳтарин гардид.Дар айни замон Кейт Бланшетт дар авҷи шуҳрат аст ва дар филмҳои гуногун иштирок меварзад.