Зарина Кенҷаева
Зарина Хайруллоевна Кенҷаева (тав. 29.07.1973, д. Ҳаёти нави ш. Ваҳдат) — равоншинос ва педагог, номзади илмҳои педагогика. Аълочии вазорати маориф ва илми Тоҷикистон
| Зарина Хайруллоевна Кенҷаева | |
| Таърихи таваллуд | 29 июл 1973 (50 сол) |
| Зодгоҳ | Ваҳдат |
| Кишвар |  Тоҷикистон |
| Фазои илмӣ | равоншиносӣ |
| Ҷойҳои кор | Донишкадаи давлатии санъати тасвирӣ ва дизайни Тоҷикистон, ДДФСТ ба номи М. Турсунзода Донишгоҳи давлатии омӯзгории Тоҷикистон ба номи Садриддин Айнӣ |
| Дараҷаи илмӣ: | номзади илмҳои педагогика |
| Алма-матер | Донишгоҳи давлатии омӯзгории Тоҷикистон ба номи Садриддин Айнӣ |
Зиндагинома
Зарина Кенҷаева хатмкардаи факултаи педагогика ва психологияи Донишгоҳи давлатии омӯзгории Тоҷикистон ба номи Садриддин Айнӣ (1996). Солҳои 1990- 1992 котиб - тақсимотгари заводи «ТУРТА дар ш. Ваҳдат, 1992-2005 муаллими синфҳои ибтидоии мактаби миёнаи №88-и шаҳри Душанбе, 2005-2016 муаллимаи калони кафедраи психологияи умумидонишгоҳӣ, раиси Шурои занони донишгоҳ, иҷрокунандаи вазифаи дотсент ва ҷонишини декан оид ба илм дар факултети педагогикапсихологии Донишгоҳи давлатии омӯзгории Тоҷикистон ба номи Садриддин Айнӣ. Солҳои 2016-2017 сардори шуъбаи тарбия ва равобити хориҷаи Донишкадаи давлатии санъати тасвирӣ ва дизайни Тоҷикистонро ба уҳда дошт. Аз соли 2017 то 2019 мудири кафедраи фанҳои ҷомеашиносӣ дар ДДФСТ ба номи М. Турсунзода, 2019- 2021 мудири кафедраи психологияи иҷтимоӣ ва муносибатҳои оилавӣ дар факутети психология ва таҳсилоти фарогир ва аз соли 2021 инҷониб декани факултети таҳсилоти томактабии Донишгоҳи давлатии омӯзгории Тоҷикистон ба номи Садриддин Айнӣ мебошад. Бо Ифтихорномаҳои АМИТ, ДДОТ ба номи С. Айнӣ ва нишони Аълочии вазорати маориф ва илми Тоҷикистон мушарраф гардидааст.
Осор
- Профессиональная компетенция учителей в процессе преподавания таджикского языка. (Монография). Д., 2017;
- Комплекси таълимӣ-методӣ аз фанни «Психологияи иҷтимоии соҳаи маориф». Д., 2018.
Пайвандҳо
Энсиклопедияи Донишгоҳи давлатии омӯзгории Тоҷикистон ба номи С. Айнӣ