Мавод аз Википедиа — донишномаи озод
Банголиҳо — халқият, аҳолии асосии Банглодеш ва иёлати Банголаи Ҷанубӣ дар Ҳиндустон (иёлоти Биҳор, Ҷарханд, Ариса ва Ассам). Ҳамчунин, дар Непал, Бутан, Сингапур ва Британияи Кабир зиндагӣ доранд. Шумораи умумии Б. – 250 млн нафар (2009). Дар Банглодеш тақр. 150 млн нафар, дар Ҳиндустон 100 млн нафар ҳаёт ба сар мебаранд. Забони Б. банголӣ буда, ба гурӯҳи забонҳои ҳиндуориёии оилаи забонҳои ҳиндуаврупоӣ мансуб аст. Дар Банглодеш шакли хосси забони банголӣ, ки аз лаҳҷаи даккӣ таркиб ёфтааст, маъмул аст. Ҳамчунин, Б. ба забонҳои урду, ҳиндӣ ва англисӣ такаллум мекунанд. Алифбои Б. – бонгаккхор намунае аз хутути қадимии Ҳинд мебошад. Мутобиқи тақсимоти антропологӣ, Б. ба шохаи нажоди сафедпӯстони ҷануб мансубанд; дар шим. шарқ зардпӯстон ва дар ҷан. ғарб дравидҳо бартарӣ доранд. Қисме аз Б.-и Банглодеш мусулмонони суннимазҳаб, қисме ҳиндумазҳабанд. Дар Ҳиндустон мусулмонон, ҳиндувон, ҷайниҳо ва масеҳиёнашон сукунат доранд. Асоси хоҷагидории Б. деҳқонист. Ҳамчунин, моҳидорӣ машғулияти хеле паҳнгардидаи Б. мебошад. Ҳунарҳои гуногуни мардумӣ дар байни Б. хеле ривоҷу равнақ ёфтаанд. Низоми оиладорӣ падаршоҳист.
- Народы Южной Азии. М., 1963;
- Седловская А. А. Бенгалцы. Новая российская энциклопедия. Т. III (1), М., 2007.
| |
---|
Дар феҳристҳои китобшинохтӣ | |
---|