కరోలినా షినో

కరోలినా షినో ఉక్రెయిన్‌లోని టెర్నోపిల్‌లో 1997లో ఉక్రేనియన్ తల్లిదండ్రులకు జన్మించింది.^[3] ఆమె తల్లి స్విట్లానా జపనీస్ వ్యక్తిని వివాహం చేసుకున్నప్పుడు ఐదేళ్ల వయసులో జపాన్‌లోని నాగోయాకు వెళ్లింది.^[4][5] స్విట్లానా షినో కూడా మోడల్, బహుళ పోటీలలో విజేత.

జనవరి 2024లో, ఆమె 2024 మిస్ నిప్పన్ గ్రాండ్ ప్రిక్స్ అందాల పోటీ విజేతగా ప్రకటించబడింది.^[6] ఈ పోటీలో గెలిచిన మొదటి జపాన్ పౌరురాలు ఆమె. పోటీ న్యాయమూర్తులు ఆమె విశ్వాసానికి ఆకర్షించబడ్డారు. ఆమె కష్టపడి పనిచేసే, ఇతరుల పట్ల దృఢమైన శ్రద్ధగల జపనీస్ మహిళ కాబట్టి ఆమె టైటిల్‌ను గెలుచుకున్నట్లు పోటీ నిర్వాహకులు తెలిపారు. ఆమె విజయం "జపనీస్‌నెస్", జపాన్ షిఫ్టింగ్ డెమోగ్రాఫిక్స్‌పై చర్చలకు దారితీసింది. పోటీలో గెలిచిన తర్వాత, ఆమె జపనీస్‌గా అంగీకరించబడినందుకు కృతజ్ఞలతో ఉన్నానని పేర్కొంది.^[7]

ఆమె 2022లో జపనీస్ పౌరసత్వాన్ని పొందింది.^[8][9] తన అమ్మమ్మ మరియా 2022 ఉక్రెయిన్‌పై రష్యా దాడి సమయంలో ఉక్రేనియన్ శరణార్థిగా జపాన్‌కు తన కుమార్తె, మనవరాలితో వలసవెళ్ళింది.^[10]

జనవరి 31న, ఆమె వివాహితుడితో ఎఫైర్ నడుపుతున్నట్లు షూకాన్ బున్షున్(Shūkan Bunshun) వార్తాపత్రిక నివేదించింది. మిస్ నిప్పాన్ గ్రాండ్ ప్రిక్స్ నిర్వాహకులు మొదట్లో ఈ నివేదికను అవాస్తవమని కొట్టిపారేసింది, అయితే ఫిబ్రవరి 5న, కరోలినా షినో ఈ వ్యవహారాన్ని అంగీకరించి, మిస్ నిప్పాన్ టైటిల్‌ను ఉపసంహరించుకుంది. ఆమె ఎంటర్‌టైన్‌మెంట్ ఏజెన్సీతో తన ఒప్పందాన్ని రద్దు చేసుకునేందుకు ప్రతిపాదించింది.^[11] ప్రతిస్పందనగా, మిస్ నిప్పాన్ గ్రాండ్ ప్రిక్స్ నిర్వాహకులు షినో మిస్ నిప్పాన్ టైటిల్‌ను ఉపసంహరించుకున్నారు.

2024 మిస్ నిప్పాన్ టైటిల్‌ను ఖాళీగా ప్రకటించారు. ఇన్‌స్టాగ్రామ్‌లో, ఆమె తనతో సంబంధం కలిగి ఉన్న డాక్టర్ భార్య, కుటుంబ సభ్యులకు క్షమాపణలు చెప్పింది. అలాగే మిస్ నిప్పన్ గ్రాండ్ ప్రిక్స్ అధికారులను, మిస్ నిప్పాన్ టైటిల్‌ను గెలుచుకోవడంలో తనకు సహకరించిన వారందరిని కూడా క్షమాపణలు కోరింది.^[2]