శాంతా హుబ్లికర్

శాంతా హుబ్లికర్ 1914 ఏప్రిల్ 14న కర్ణాటకలోని హుబ్బల్లి సమీపంలోని అదరగుంచి అనే గ్రామంలో జన్మించింది.^[3] కన్నడ, మరాఠీ, హిందీ భాషలలో ప్రావీణ్యాన్ని సంపాదించుకుంది. తన 18వ ఏట సినిమాల్లో పనిచేయడానికి కొల్హాపూర్‌కి వచ్చింది.

శాంతకు 1939లో పూణేకు చెందిన వ్యాపారవేత్త బాపుసాహెప్ గీతేతో వివాహం జరిగింది.

1934లో మొదటిసారిగా భేడీ రాజ్‌కుమార్/థాక్సేన్ రాజ్‌పుత్ర సినిమాలో చిన్న పాత్రలో నటించింది. కన్హోపాత్ర (1937) సినిమాలో ప్రధాన పాత్ర పోషించింది. ప్రభాత్ ఫిల్మ్ కంపెనీలో చేరి 1938లో మఝా ముల్గా/మేరా లడ్కా అనే మరాఠీ-హిందీ ద్విభాషా సినిమాలో నటించింది.^[4] తన గానం, నటన ద్వారా దర్శకుడు వి. శాంతారాంని మెప్పించింది. దాంతో వి. శాంతారాం తీసిన ఆద్మీ/మనూస్‌ (హిందీ, మరాఠీ) సినిమాల్లో వేశ్య పాత్రలో నటించే అవకాశం వచ్చింది.^[5]

ఆద్మీ సినిమా విజయం తర్వాత శాంత, 1942^[6] తన ఏకైక కన్నడ చిత్రం జీవన నాటకంతోపాటు ఇతర సినిమాలలో నటించింది.

శాంత మరాఠీలో కషాలా ఉద్యాచి బాత్ అనే పేరుతో తన స్వీయచరిత్రను రాసింది. ఈ పుస్తకాన్ని శ్రీవిద్యా పబ్లికేషన్స్ ప్రచురించింది.^[7]

కన్నడ భాషలో ప్రముఖ రచయిత ఏఎన్‌ ప్రహ్లాదరావు 'శాంత హుబ్లీకర్' అనే పుస్తకాన్ని రాశాడు. ఈ పుస్తకాన్ని రాష్ట్రోత్తహన పరిషత్ ప్రచురించింది. 

1977లో భర్త మరణించిన తర్వాత కొంతకాలం ఒంటరి జీవితాన్ని గడిపింది. ఆ తరువాత పూణేలోని ఒక వృద్ధాశ్రమంలో చేరింది. 1992 జూలై 17న మరణించింది.^[8]

శాంతా హుబ్లికర్ సినిమాలు.^[9]

• శాంతా హుబ్లికర్ - ఇంటర్నెట్ మూవీ డేటాబేస్ లో
• Shanta Hublikar songs on Wynk.in
• Shanta Hublikar songs on Gaana.com