వెలంపల్లి శ్రీనివాస్
వెలంపల్లి శ్రీనివాస్ ఆంధ్రప్రదేశ్ రాష్ట్రానికి చెందిన రాజకీయ నాయకుడు. ఆయన 2019 అసెంబ్లీ ఎన్నికల్లో విజయవాడ పశ్చిమ శాసనసభ నియోజకవర్గం నుండి వైసీపీ అభ్యర్థిగా పోటీ చేసి ఎమ్మెల్యేగా గెలిచాడు. వెలంపల్లి శ్రీనివాస్ ప్రస్తుతం ఆంధ్రప్రదేశ్ దేవాదాయశాఖ మంత్రిగా బాధ్యతలు నిర్వహిస్తున్నాడు. [5][6]
| వెల్లంపల్లి శ్రీనివాస రావు | |||
| పదవీ కాలం 8 జూన్ 2019[1] – 2022 ఏప్రిల్ 10[2] | |||
విజయవాడ పశ్చిమ శాసనసభ నియోజకవర్గం ఎమ్మెల్యే | |||
| ప్రస్తుత పదవిలో | |||
| అధికార కాలం 30 మే 2019 - 2024 | |||
వ్యక్తిగత వివరాలు | |||
|---|---|---|---|
| రాజకీయ పార్టీ | వైఎస్సార్ కాంగ్రెస్ పార్టీ | ||
| తల్లిదండ్రులు | వెల్లంపల్లి సూర్యనారాయణ, [3] వెల్లంపల్లి మహాలక్ష్మమ్మ [4] | ||
| జీవిత భాగస్వామి | శ్రీ వాణి | ||
| సంతానం | 1 కూతురు | ||
| నివాసం | విజయవాడ | ||
| మతం | హిందూ | ||
జననం, విద్యాభాస్యం
వెలంపల్లి శ్రీనివాస్ 1973లో విజయవాడలో వెల్లంపల్లి సూర్యనారాయణ, మహాలక్ష్మమ్మ దంపతులకు జన్మించాడు. ఆయన 1987లో ఎస్.కె.పి.వి.వి హిందూ హై స్కూల్ లో పదవ తరగతి పూర్తి చేశాడు.
రాజకీయ జీవితం
వెలంపల్లి శ్రీనివాస్ 2009లో ప్రజారాజ్యం పార్టీలో చేరి 2009 అసెంబ్లీ ఎన్నికల్లో విజయవాడ పశ్చిమ శాసనసభ నియోజకవర్గం నుండి పోటీ చేసి తొలిసారి ఎమ్మెల్యేగా గెలిచాడు. ఆయన 2014 అసెంబ్లీ ఎన్నికల్లో విజయవాడ పశ్చిమ శాసనసభ నియోజకవర్గం నుండి బిజెపి పార్టీ తరపున పోటీ చేసి ఓడిపోయాడు. వెల్లంపల్లి శ్రీనివాస్ 2016లో వైఎస్సార్ కాంగ్రెస్ పార్టీలో చేరాడు.[7] ఆయన 2019 అసెంబ్లీ ఎన్నికల్లో విజయవాడ పశ్చిమ శాసనసభ నియోజకవర్గం నుండి వైఎస్సార్ కాంగ్రెస్ పార్టీ తరపున పోటీ చేసి గెలిచాడు.